اختفاء الــ : فـري راس

أيــن مــدوّ نـة الــراس الــحــر ؟؟؟

pour ne pas oublier ...

الأساتذة المضربون عن الطعام بتونس
الجوع لرد الجوع

للاطلاع على تفاصيل المظلمة يمكن الدخول على الرابط:
http://moumni.maktoobblog.com/
للمساندة يرجى الاتصال على:
e- mail
profexclu@yahoo.fr
فاكس النقابة العامة للتعليم الثانوي :
71337667
امضاء العريضة على الموقع التالي:
http://www.thepetitionsite.com/67/petition-to
-protest-the-firing-of-three-tunisian-teatchers
هـــــــــاتف:
محمد مومني:98990003
علي الجلولي:21460918
معز الزغلامي:95373577

أبـقــى ثـَـــمّ

تـفـاعـلا مع الـنـص الـجـمـيـل اللي استوحاه صديقنا أزواو من بيت علي الدوعاجي

و مع ما أوحى بيه لـلـ : ب.ت.ب

أبــْـقــى ثـَــمّ

وقـت اللّـي طـريقـك يـتـعـرقــل
و الـحـلـم اللــي حـلـمـتـو يـذ بــل
و مـعــنـويـّـاتـــــك تــتــهـلـهـــل
مــا زالـــش فــيــها مـا تـــلـــــمّ
لا تـحــمـل هــم و لا غــم
وَ ابْــقى ثـَـمّ


إذا تـلـمـــّـتـلـك لــعـْـيـــــــَــــــاد ْ
صـغـيـر..كـبـيـر..و عـيـد مـيلادْ
و لـلــمكـــتـب دخــــلـو لــــــولاد ْ
و مـصـروفـك مـن جـيـبـك تـَــمّ ْ
لا تـحـمل هـم و لا غـــم
وَ ابْــقى ثـَـمّ



بعـد الــبـــاك يـا ولـــد الــنــــا س
قــريـت تـخـرّجـت و لابــا س
و بـــقــيـــت مـعـمّـل عـالـكابــاس
يـاخـي يـطـلـعـلـك عـــــظــــم
لا تحمل هـم و لا غـم
وَ ابْــقى ثـَـمّ



إذا حـقـروك مْـسـَاهــيــلــك ْ
و زاد ظـلـْمَة عـلى ظـلـْمَة لِـيـلكْ
زيد ناشــد، بـاش يـمنـع ذيـلـكْ
مــن هـاك الـحاجـة... و تـنـدم ْ
لا تحـمـل هـم و لا غـم
وَ ابْــقى ثـَـمّ

خالتي المرا الكبيرة المقربعة المغرومة بالنـــوار

بوصفي نخدم في وحدة من هاك المؤسسات القمقومة اللي تبتزّ في المواطنين أكثر من الخدمات اللي تقدملهم فيها ، كيما نقولو ستاق..صوناد..أونــاس.....حاجة كيف هكـّة ، عاد عندي كونتاكت شبه يومي مع المواطنين...اللي يحب يعمل اشتراك ، و اللي يحب ينهي الاشتراك ، واللي عندو شكوى ، طالبة تحب تعمل تربـّص ، واحد مشوي و مكوي من الفاتورة ، واحد معاقب و جاي باش يكـفـّر على ذنوبو و يسترجع رضى المؤسسة عليه بعد ما طلبو منو يدفع مصاريف العقوبة ، اللي أحيانا تفوق مصاريف الإستهلاك
آش عـلـيـنـــا
صباح من الصـّــباحات ، دخلت مرا كبيرة ، الـ 60 سنـه موجودة ، و طلبت حاجة بعيدة كليـّـا على الـمـألوف
صحيح انها ما كانتش عادية ، تتكلـّم بصوت عالي برشة حتـّـى من مسافة قريبة ، تتكلم مع الناس الكل فرد مرّة ، تــسـألـك ، انت تبدا تجاوب فيها و هي تدمــغك بسؤال آخر تقولش عليها تحقـّــق معـــاك
الحكاية ، انّها عجبتها نبتة من النباتات اللي منوّّرين في جنينة الإدارة ، وحبّـت تاخذ منها مشتلة ولاّ عريـّـف ولاّ عرق ولاّ اللــي هـوّ .
كان واضح انها مغرومة بالنباتات ، لكن كان واضح زاده انـّـهـا ما كانتش سليمة المدارك العقليّة ، يعني ، بـلـغـة المـتـثـقّـفـيـن ، مْـقـرْبْـعَـه..و هاذا ما أكدوهولي زملائي اللي يعرفوها قبلي .
و بوصفي زاده نقاسمها هالهواية " النباتات ، مــوش الـتـّـقَـرْبـــيع :)" اهتميت بطلبها ، و خرجت معاها لجنينة الادارة ، و نحّيتلها عرف من النبتة اللي عجبتها و ورّيتها حاجات أخرين ، زادت اختارت ، و كل ما تخليلي فرصة باش نحكي شوي " و هي فرص قليــــلة برشه :)" نحاول نورّيلها طريقة الغرسان ، العمق ، هاذي تحب الما و هاذي لا ، هاذي تحب برشة شمس ...الخ...
و كنت في اللحظات هذيكة نحس اني قاعد نقدم في خدمة لانسان مريض و يعيش حالة عصبية و نفسية غيرعادية و غير سليمة و غير مستقرّة ..و حسـّيت روحي هكـّه بطل شوي :) كي فكـّرت انـّو هالرّبــع ساعة اللي عديتو في جنينة الادارة ، مع خالتي المرا الكبيرة المقربعة المغرومة بالنـّـوّار ، ينجّــم يجلبلها نوع من الارتياح و التوازن ، حتى بصفة وقتيّة،
الحاصيـــــلو
حكات لي على نباتاتها و ما هبّ و دبّ في جنينتها ، و قلت في خاطري : محلاها إذا كان الواحد وقت اللي مـخّـو يقربع ، تجـيه الـتـّـقـربيعه هــكّــه على النبات و النوّار و الخضوريّة ، تِـهامْ بعقولاتهم ، و هوما وجوههم شاحبة و مسوبعة ، والناس الكل متلهـّفين مزروبيـــن على ما ثمْ شيْ
و لا خضوريّة في الجناين و لا في القلوب
هي تحكي و آنا نسمع و ننعم ، و كيف تتكرّم علي بشويـّـه سكات ، نقول معاها كليمة و لاّ اثـنـين حتـى لين شيّعتها ، وخرجـت و مشات خالتي المرا الكبيرة المقربعة المغرومة بالنوّار
و رجعت لـبـيـرويـــا. أمـّا ما رجعتش فرحا مسرورا :)
رجعت للاوراق و الـرّابـّــورات الباردة ،
و المواضيع النمطيّة اليوميــّة اللي تنرفزنـــــي
ما نكذبش عليكم ، مكتـئـب
كيف اللي كنت في منامة بــــاهية و فقـت ، تقولش عليّ اوّل مرّه نكتشف جنينة ادارتنا
و اكتشفت حاجة اخرى : انّها هــيّ ، خالتي المرا الكبيرة المقربعة المغرومة بالنوار ، هيّ اللــي نـفـّــسـت عليّ شوي ...و هيّ اللي زيارتها ، و حديثها معايا في ميدان نحبـّـو و بعمري ما حكيت فيه مع زملائي ، جلبتلي نوع من الراحة ...الوقتيّة
و عرفت انّي آنا هو اللي تفرهدت شوي في جرّة زيارتها و في جــرّة هالربـيـّـع ساعة اللي عـدّاتـو معايا
يعني
يبدو اني آنا زاده ، مداركي العقلية و العصبية غير سليمة :) موش هيّ فقط
و آنا زاده اللـــي " بلغة المـتـثـقـّـفـيـــن " مقـربـــع :) ... موش هيّ فقط

Van Gogh...reflexion

" For myself I have nothing to complain of, I am feeling absolutely normal, so to speak, but without an idea for the future, and really I do not know what is going to happen . . . . ."

Vincent Van Gogh 7 December 1889

نعم لصراع الافكـار..لا لصراع الـمـؤخـّــرات

إيمانـّـا بحق الإختلاف مازالت تشوبو برشه شوايب ، و مازال سجين خلفياتنا الإيديولوجية الضيقة ، و أحيانا ، الذاتية و حتى المزاجيـّـة.
معقول برشه ، و ماهيش جريمة باش الواحد تكون عندو خلفية ايديولوجية ، من خلالها يقيم تصورو للعالم، للتاريخ، للعلاقات، للأحداث ، و يبني اطروحات بديلة باعتماد اداة التحليل اللي يشوفها انسب و أقرب للدقة و للصحة
أما هاو الخطر وين : وقت اللي تتحو ّل هالخلفية الى مطيـّـة لتكفير لخرين و الحكم عليهم بالجهل لمجرّد انهم ما يشاركونيش فكرتي وإلّا ماهمش معايا في نفس الصندوق ...ووقت اللي تتحول هالخلفية الى ادّعاء التفرد بامتلاك الحقيقة..و ممارسة نوع من التعالي الوهمي و المرضي العقيم على كل من يختلف معايا
بالطريقة هاذي نولـّـيو ماحناش إزاء ناس تفكر و تنقد و تحلل ، بل إزاء ستايك حليب ، و أقفاص دجاج حاكم ...قال شنوّة ، نفكـّّرو كيف كيف .
(نتوجـّه بالكلام هاذا لبعض المدوّنين و بعض المعـلـّـقين اللي يمارسو في عرك الحـوُمْ ، و عرك الحمام ، و الحزّان الجربي ويطبـّـقو في انصر اخاك ظالما او مظلوما في غـير بلاصتها
اللي تسمّيه انت مقدسات و خطوط حمراء ، غيرك يسمـّـيه اسباب للجهل و للتخلف و للإعاقة الفكرية و الحضارية..
و اللي نسمـّيه آنا نقد و تحليل و جرأة في إثارة المسكوت عنـّو ، و حطـّـانو في إطارو التاريخي و إزالة أكداس الغبار المتراكمة عليه اللي تعيق فهمـنا الصحيح ليه ، تسمّـيه انت تهجم على المقدسات و مسّ من المحظور
اش عملنا مـّـاله ؟؟؟
الإختلاف هاذا نهائي و مطلق و أبدي وأكثر من ذلك ، طبيعي . أمـّا هل انو بالضرورة يؤد ّي لهالحوارات العقيمة بما تحتويه من تبادل للشتم و السب الإخلاقي الرخيص و جبدان لخوات و لـبـّـيـّــات و المؤخـّرات...
و إلّا مقارعة الحجة بالحجة ، و الفكرة بالفكرة .. ...في جو من الصراع النظري الفكري الإيجابي ، حتـّى ولو ما يتمخـّـضش هالنقاش بالضرورة على الاتفاق ، و موش لازم يكون بالضرورة هادئ و متربـّي ، اما خليها تكون " قـلـّـة تربية " فكرية و ماهيش أخلاقية.. بالضـّـبط كيما تمارس الأمم اللي احتلتنا ، و محـتـلـّـتـنـا ، و على هالحساب هاذا، مازالت باش تكمّل على غربتنا

solidarité

تونس في 20 / 11 / 2007
بيـــــــــــــــــان
نحن الأساتذة المطرودون عمدا، نتوجّه إلى الرأي العام بالبيان التالي :
انتدبنا للعمل كأساتذة معاونين صنف "أ" (MACA) في السنة الدراسية الماضية بعد نضالات عديدة خضناها إثر إسقاطنا عمدا من قائمة الناجحين نهائيا في مناظرة الكاباس وذلك على خلفية نشاطنا السابق صلب الاتحاد العام لطلبة تونس.
ورغم تميّز أدائنا البيداغوجي وأعدادنا المهنية، فإن وزارة التربية والتكوين فاجأتنا يوم 11/09/2007 الماضي بقرار عدم تجديد انتدابنا، والحال أن قرار الطرد تمّ بسبب مشاركتنا في إضراب 11/04/2007 الذي دعت إليه النقابة العامة للتعليم الثانوي!!!
ورغم تدخلات المكتب التنفيذي للاتحاد العام التونسي للشغل والنقابة العامة للتعليم الثانوي، فإن وزارة الإشراف لازالت تواصل سياسة المماطلة والتسويف مما أكد لدينا قناعة أنها مصرة على عدم رفع هذه المظلمة، وعليه قررنا الدخول في إضراب عن الطعام يوم الخميس 15/11/2007 المنقضي، وباتفاق مع نقابتنا العامة وقع تعليق الإضراب لإتاحة الفرصة لفض الإشكال عبر التفاوض الذي فشل في إنصافنا، وهو ما توقفت عنده الهيئة الإدارية القطاعية المنعقدة يوم الإثنين 19/11/2007 والتي تبنت قضيتنا وساندتنا في خوض كل الأشكال النضالية لرفع هذه المظلمة.
وأمام انسداد أفق الحل مع وزارة الإشراف، فإننا نعلن الدخول في إضراب عن الطعام بداية من اليوم الثلاثاء 20/11/2007 بمقر نقابتنا العامة وتحت إشرافها وبدعم من الاتحاد العام التونسي للشغل.
إننا إذ نعلن قرارنا هذا، فنحن معتزون بتجند قطاعنا للدفاع عن الحق النقابي وعودتنا الفورية إلى مواقع عملنا، ونحن نهيب بكل التشكيلات النقابية وعموم فعاليات المجتمع المدني كي تسند نضالنا المشروع.
عاش الاتحاد العام التونسي للشغل مستقلا مناضلا ديمقراطيا
عاشت نضالات الأساتذة
الأساتذة المضربون :
- محمد مومني 98990003
- علي الجلولي 21460918
معز ا يمكن الاطلاع على المظلمة المسلطة على الأساتذة المطرودين عمدا من خلال الرابط:
http://moumni.maktoobblog.com

للمساندة و الاتصال
profexclu@yahoo.fr
- لزغلامي 95373577

سيـد درويـــــش

لم يكن سيـّـد درويش مجرّد إسم أو رقم يضاف الى قائمة الفنانين ، بل

كان علامة هامّة في تاريخ الموسيقى العربية ، بل لنقل الثقافة العربية المعاصرة عـموما.
هو فنان الشعب ، المنتمي لفئاته ، المسكون بقضايا بلده ، دون إهمال للقيم الجمالية ،بل الإبداع من داخل تلك القيم الجمالية و تثويرها..

يتشبّع بنداءات البائعين و الحمـّـالين و الصنـّـاع و أهازيجهم العفويـّـة ، ليندهـش بـها ، ويعتصرها ، و يعيد إنتاجها في شكل جمل لحنيـّـة تصويريـّة ، تعبيريــّــة ، حــيـّــة ، تكاد تنطق باسم اصحابها و بمعاناتهم
وهو اب الموسيقى العربية ، الذي تعامل مع القوالب الموسيقيّة السّائدة في عصره بروح نقديّة خلا ّقة ، إذ عمل على تحريرها من القيود التركـيّـة التي طمست روحها و معالمها العربية
و هو النموذج الاوضح للفنان المفكر ، حيث كانت اناشيده و اهازيجه الوطنية الحماسية ، سابقة بالنسبة لمعاصريه من فناني البلاط ، و صادقة ونابعة من قلب المظاهرات وليس من زخرف الشعارات
فمتى يدرك "فنانونا" انهم ليسوا ارواحا محلـّـقة..مرفرفة..متعالية عن الصراعات اليومية ، و عن آلام الناس و تطلعاتهم و افراحهم و معاناتهم غير مباليـن بما يحدث هنا او هناك ، و كأنهم قـادمــــون من كوكب آخــــر

"مسلمين إيــه ؟ قال نصارى ؟ و إيــه يهــود ؟

"دي العـــبـاره : نسـل واحـد م الجـــدود

معارضـــة

عـنـدنـا مـعـارضـة حـلـيـلـتـها ...

و ماحــلاهــا

خاصـّــة وقــت اللـــي تــظـهـر في التلفزة

باش تبـــــيـّــن نضجـــها و حكـمتـها...

و تـبـعـثـلـنا ممثليهـــا بـــاش يمـجـّــدولـنــا الانــجـازات

ارتباك صالح الحاجـّـــة

البطاقة ثقيلة الظل التي ارسلها صالح الحاجة الى مدونة بودورو و روّادها ، تحتوي على عدّة تناقضات تكشف عن حالة الارتباك التي انتابته و هو يتصفح المدونة رغم استعماله عبارة "قيل لي" التي لا تتناسب مع "صحفي" يرى نفسه عتيدا :
اولا . استغرب من شخص يمتهن الصحافة ،و في نفس الوقت نراه يحمد ربّه على جهله بأحدث و أرقى وسائل الإتـّـصال
ثانيا . استغرب سبب رفضه لاقتحام عالم الانترنات ، و صموده في ذلك، وهو تخصص بعض المواقع في البذاءة و الوقاحة..فلنرفض إذن جميعنا التلفزيون لاحتوائه على قنوات متخصصة في "البذاءة" و "الوقاحة"، و لنرفض السينما لإن بعض الافلام متخصصة في "البذاءة" و "الوقاحة" ....
ثـالثـا . ما الغرابة في ان يتحرك المدونون الصادقون الشرفاء في الظلام في حال عدم تسليط الضوء على نشاطهم..بمعنى ان انعدام الاضاءة لا يعيق الحركة..إذ لا يمكن للحجب .. و التعتيم.. والإقصاء..والرقابة..و التتبّع و الحد من حرية التعبير..كل هذا و غيره مما يمارس على اصحاب الفكر المختلف ، لا يمكن باى حال من الاحوال ان يمنع من البحث عن مجالات و هوامش اخرى للتعبير..و لم لا ، خلق و ابتكار اشكال و اساليب اخرى..و عليه، فالتحرك في الظلام يحسب للمدونين لا عليهم
رابـعا . بقدر ما عبر عن استيائه من "البذاءة" و" الوقاحة " ، بقدر ما كان وقحا و بذيئا الى ابعد الحدود : اوباش..اقزام .. مرضى..اشباح خفافيش..تافهين..ترهيب... مواقع مشبوهة ، و كأني بمدونة بودورو، او غيرها ، متخصصة في المخدرات و الارهاب و الشذوذ و التحيـّل حتـّـى تكون " مشبـوهـة "
خـامـسـا . تمسكه بقوالب جاهزة و جامدة..من نوع لم يعد يهزني مدح ولا ذم ...او ..اسس النهر مجراه .. لكل امرئ من اسمه نصيب ..و غيرها من لغة الخشب التي لا حياة فيها،و التي لا تؤدّي سوى لالغاء الآخر و تقزيمه ،و ارساء عقلية الفكر الواحد و البرنامج الواحد ..عقلية الركود ، و تأبيد البائد
سـادسـا . اشكره على توفير تعب و مشقة اطلاق تسمية تليق به .. ومادام لكل امرئ من اسمه نصيب ..اذكـّره ان صفة الكائن الورقي التي اطلقها على نفسه ، سبق و أن أطلقها زوربا العظيم ، ذو الروح القتالية المفعمة بالحياة و الصراع و المجد و القوة و الفن و الحب ..على صديقه المثقف بازيل و هو يحثـّـه على الخروج من عالمه الورقي..المفرغ من الحياة ، الموغل في الاوراق الباردة و الاقلام الجافة...عالم الإنغلاق و الموت
لكن الفرق هنا ان بازيل انسجم مع دعوات زوربا .. و عانقا الحياة معا.. و تعلّم عليه الرقص ..و تمر ّد على نفسه ..و اعترف له بالجميل على عكس صاحبنا ، الذي عوض ان تدفعه مثل هذه المدونات الى المراجعة و الارتقاء بمستوى ما يقدمه للناس..أراه مصرّا على التاسيس للرداءة و التفاهة، و الإساءة ، ككلّ اللـّـئام ، الى اليد التي امتدّت له بالنقد

خبز ...

كـلـمـا كــانـت الـمـنــاشــدة كـبيــرة

كـلــّــما أصـبــحــت الخـبـزة كافـية لـوجـبـة...طــفـل رضيـــع

جـــــارنا حــــيّ

جارنا شـــابّ اسمه مبارك

و عمره 20 سنة

تمكن اخيرا من الحرقة بنجاح الى ايطاليا

بعد ان قضّـــى سنوات مراهـقـته في تناول كل انواع الكـحول

و استنشاق كل انواع السيراج و الـــكولّ

البـــــارحة

إتـّــصل بعائلته الحزينة و الفقيرة

و طمــأن أمـّــه

لذلك انا سعيد بعض الشيء اليوم

لانـــه على قيد الحياة ...ولو أنـّــه في مكان آخـــــر

:)

نحن و القمر جيــــران