اخّـخّـيت عليكم يا ارابيش .. سّاعه تونتون عمّار .. يقتل .. يقتل .. يقتل بالتّربيه

عالاقل .. تــُـونـْــتـُـونْ عمّار ياقف في الفو روج
و كي يمشي للبــوسطه يقص نومروه و يقعد عاقل عالبنـك
و يستعمل القنطرة اللي عملتهالو البلدية بكلّ حنان
و أكثر من هكّه
tonton 3ammar
لاهي يخدم على روحو

موش لاهي يقطّع و يريّش في العباد

:)

تي آمااان ... شبيكم عليه

;)

يا بياع باش تبيع

انا اوّل مرة نتشرّف بمعرفة النوع هاذا متاع الحجب

يا بياع باش تبيع؟

هاو مثال على إدارة عصرية .. مواكبة .. حديثة

نتباهو بيها في المحافل الدولية

!!!!

علاش هـكـــّه

?!?!

صــوّتــوا ... يرحمكم الله :)ـ

حبيت نتوجّه بدعوة لكل الاصدقاء اللي طارتلهم النفحة من التدوين
و خاصة من التصويت
انّهم يحاولو الاسبوع هاذا يعفسو على قلوبهم
:)
و يصوّتو لكل التدوينات اللي تتناول التنديد بالحجب و التشهير بالكاتكات باشي
باش نتمكّنو اكثر ما يمكن من القاء الضوء على الحدث

ـ"سيـّبو المدونات .. يا حيوانات"ـ .. 1 جويلية .. من اجل حرية التعبير

صــار يـكـــــفي

!!!!!

من أجل 1 جويلية نشيط و فعّال

من أجل
1 جويلية ـ
فعّال .. و نشيط
لنكن كلنا في الموعد
لنقول
لا
لحجب المواقع
لا
لحجب المدونات
لا
لفرض الرقابة على مستعملي الانترنات
لا
لمعاملتنا كما يعامــَـلُ القـُـصـّـر
لا
لمصادرة حقّنا الشرعي و الطبيعي في التعبير

موقع الحدث على الفايسبوك

للاطلاع .. المساهمة .. الاقتراح
هنا

طـــــفــوله مـشــوّهــــة

قد تتعـــدّد الصور .. و قـــد تختلف
و لكنّها .. في الاخيـــر ، تنطق عن نفس الجريمه
تشويه الطفوله

ما تقولـــش ... قـــول ... ـ

ماهو خاطر وقت اللي يتولد .. يعملولو دَهــْـــنه بزيت الزيتونه .. و هكّاهه .. يكتسب الرّطابه اللازمه .. في بدنو .. و في مخّو .. و في لسانو

و يقمّطوه (ثلاث نقاط) مليح...مليح ... و هكّاكه .. تتمنع عليه الحرْكه .. و تتسبل ايديّاتو .. و تولي لا تهش لا تنشّ

بداش يتعلّم في الاسماء

هاذي وذن .. هاذا خشم .. هاذي عين .. هاذي صوابع .. هاذي (.......) ـ

شنيّة الحكاية ؟؟؟ ـ

علاش هاذي ما عندهاش اسم متفقين عليه الناس الكل ؟ ـ

دونك .. من وقتها يبدا الوعي بالجسد يتشوّه

هنالك جزء في هذا الجسد لا اسم له و حتى كي نسمّوه ، كل حدّ كيفاش يسمّيه

جزء من الجسد محاط بالغموض و الريبه

من هنا يبدا الانحراف .. امّا الغاء هذا الجزء / الخصاء .. و امّا تمجيدة و تأليهه / الهوس

توّ تهنّينا عليه في الناحية هاذيكه

ما تقولش ملح ... موش باهي .. قول ربح و الا إيدام

ما تقولش ســَكّر الباب و سكّر الحانوت ...اللطف مالتسكير .. قول زيّن الباب ...زيّن الحانوت

ما تقولش بصل .. موش حلو .. فال خايب .. قول مصلح

ما تسمّيش الاشياء باسمائها

ما تقولش عندي العادة الشهرية .. قول مريضه واكاهو

معدتي توجع فيّ و بدّل الموضوع

ما تقولش يعملو في الحب .. عيب .. قول راقدين مع بعضهم

ما تقولش مرتي .. و ما تسمّيهاش باسمها ... لا .. قول : المرا

العيله

الجماعة

الدار

هي

هوما

ما تقولش المسؤولين مرتشين .. و مقصّرين في اداء واجبهم .. قول اللّاو منهم .. ياخي شمس هوما باش يضووا على الدنيا الكل

ما تقولش دولة متخلفة محكومه بطغمه متاع سماسرة .. قول بلاد محدودة الموارد .. لكنّ الناس الكل فيها يحبّو بعضهم .. و يموتو على بعضهم

ما تقولش قوى معارضه .. قول : مكوّنات المجتمع المدني

ما تقولش ........ قول ....ـ ما تقولش ........ قول .... ـ ما تقولش ........ قول ......ـ

à vous ...