jeudi 26 juin 2008

لا ... للتعذيب


يوم 26 جوان من كل سنه

لنقف ضد هذه الممارسات القروسطية

لا للانتهاك و للإذلال الســّـــادي للأجســاد

لا التعذيـــب


ثــرثــــرة معـلــّــــم قـديـــــــم

على إيقاع زغاريت الباكالوريا .. اللي تجيبها النسمه من السطوحات الشعبية متاع العايلات اللي مربـّـخينها .. السطوحات الفايحه بروايح البخور .. و الجاوي .. و البيرّة .. والعرق (متاع البدن موش اللي يسكرو بيه الشرقيين) و العرعار و قشور الحوت على النـّـِــفس ...و الروزاطه ..الحاصيلو .. كلّ حد كيفاش يفرح

سرحت شويّه مع مخّي .. و رنّت في وذني تزغريتة الوالده..هااااك العام .. و تحميلتها ليّ هيّ و الوالد يرحمو.. وقت اللي نجحت في الباك .. نتذكّر انّي وقتها كنت شاهق بالبكا في حضنهم ..شي تفريغ للرهبة والضغط اللي عايشين معايا عام كامل .. و شي خاطر خويا اللي عدّا معايا ، ما نجحش .. يعني بصراحه ...فرحتي كانت ناقصه.. و ما فرحت الا وقت اللي شفتو هوّ يضحك .. و فرحان بنجاحي آنا و نسى روحو

أيّه .. بون .. بون .. يزّي لا تولّي دراما و مـَـنـْــوْحَـه ههههههه

باكالوريا .. آداب .. مونسيـــون : قريب من الحسن .. 13 فاصل معدّل .. 17.5 في مادة الانقليزية .. يعني تطلبشي في التوجيه انقليزيه في المرّيخ .. تاخذها .. و انا الرويحه في الانقليزيّة

و رغم هاذاكه

اوموري ما مشاتش .. عامتها .. و اللي مبعدو .. و من غير دخول في الاسباب و التفاصيل توّ

بحيث فجأة نلقى روحي معلّم ابتدائي في ريف .. يعمل 66 كيف : لا ما .. لا ضو .. لا كيّاس ..قدّامي 30 تلميذ جيعان و بردان .. مشبّرين فيّ عينيهم الحزينه .. و معمّلين عليّ باش نخرّجهم من الظلمات الى النور

الطريق اللي يوصّل لها المدرسه .. بيست ..؟ ما توصل الا بخمسه كيلو غــبار و تراب في بدنك و على راسك .. هذا اذا ما تكونش راكب من تالي مع ثلاثه و الا اربعه نعاج .. مهبّطهم مولى الكرهبه لسوق الغنم

الما .. ؟ من الماجن .. و الا المياه المعدنيه ..والا ّ البّادن اللي نجيبوهم معانا والاّ نوصّو عليهم جماعة النقل الريفي .. اللي بدورهم ماهمش ديمه متوفـّرين .. خاطرهم ماهمش مترسمين في النقل الريفي .. و يخدمو موسميا..مرّه يحصدو ..مرّات يهبطو لدزاير و الا المرّوك يجيبو شويّة سلع .. يدلـّــلـو بيهم ... مرّات يحرثو.. دونك .. تولّي الخدمه بالدركتورات .. و الكرهبه اللي تخدم نقل ريفي ، و اللي غالبا ما تكون 404 ، يرتـّـحوها

و على ذكر الـ:404 .. حتّى كان باش نحلّو قوس .. اما نسكّروه فيسع .. تعرفو اللي احنا شعب مبدع في الامثال ؟؟ .مثلا توّ .. كي ذكرت كرهبة نقل ريفي 404 ..تذكّرت عمار بومقص .. و تذكّرت معاه مثل شعبي يقول : أذكر الكلب و ارميلو عظم .. و لذلك ، نحب نستغل هالفرصه السعيدة .. باش نرمي العظم الآتي لبو مقص : سيـّبو المدونات .. يا حيوانات ... مع احترامي الكبير للكلب اللي يتحلّى بالكثير من الخصال النبيله

قلنا البيست حموم .. و الما : بـَــحّ
الضوّ ..؟ عليك و على الشمع .. الفنارات .. البريميسات .. اللــّــامبات اليدويّة ...و في الليل .. تبدا تسمع في الذيوبه تعوّق
Enfin
ثمّه اللي يقول هاذاكه ابن آوى شاكال بالفرنساويّه .. ماهوش ذيب .. على خاطر الذيوبه الصحاح انقرضت من شمال افريقيا

ما نعرفش

لكن الاكيد انّو الاصوات اللي سمعتها ماكانتش نبيح .. و لا تمعــويش .. كانت اصوات نعرفها في البرامج الوثائقية متاع عالم الحيوان :) و حتى المواطنين متاع الريف هاذاكه .. عندهم برشه حكايات توصل لمستوى الاساطير على علاقتهم التاريخية القديمه بما يسمّوه هوما : ذيوبه . عندهم في جدودهم و اسلافهم اشكون كلاه "الذيب" و اشكون تعارك مع الذيب و قتلو .. و اشكون اصطادو .. وفيهم اشكون ورّاني جلد الذيب ( والا ابن آوى) معلّق في دارو

و بما أنّو هالريف هاذا ماهوش قريه .. و ماهوش دشره .. بل .. دْوَاويـــر "جمع دوّار" ... يعني متفرّقين في الجبل و بعاد برشه على بعضهم و على المدرسه .. هاك التليمذات ... كل يوم يضربولك مارشه متاع ساعه .. في عزّ الشتا .. في قشـّـابيـّه محكوكه .. مهرّيـــه .. و تحتها مريول نص كم .. و كرطابلتو اللي قرا بيها خوه قبلو .. و الا قفّه بلاستيك .. حاطط فيها كتبو و كرارسو و شويّة الكـِــسره العربي و الا الطابونه .. اللي لكمتتهملو امّو في منديله .. فطورو متاع نص النهار بما انّو ملـّي يجي الصباح ما يروّح كان لعشيّه

و اللي مسلّكها فيهم.. يجيب معاه شويّة لبن في شقف قازوز .. و مرّات في شقف بيرّه .. ماهيش مسكّرة مليح .. بحيث ما يوصل للمدرسه كان شطرها يتكب على كتاب القراءه .. و يمرمدو .. و يرنـّخو .. و تتخلّط حلاوة العلم .. وقروسة اللبن .. و مرارة الفقر.. في كرطابله وحده .. بل .. في قفه بلاستيك

في الايامات البارده متاع الشتا .. كنت نوصّيهم.. كل واحد .. و هو جاي الصباح للمدرسه.. في ثنــيـّـتو يقشقش شويّه حطب .. يجيبهم فيدو.. كل حد اش ينجم .. خاصة انها المنطقة جبلية .. 30 تلميذ اذا كل حد يجيب قشّه ، تعمل حاجه

و دبرّت قاع متاع بـتـّــيـّـه .. نشعّلوه البرّه م القاعه .. و وقت تتنحّى الدخاخين و يبقى كان الجمر .. و يولّي سامور هايل .. ندخّلوه و نحطّوه في قلب القسم و ندورو بيه كيما لي زانديان .. و نعملو ربيّع ساعه اربعة دراج .. تسخين .. حركات .. لعب .. ضحك . يدفا القسم .. و تدفا يديهم .. و تدفا قلوبهم .. و تتحلّ اذهانهم للقراءه .. و الايقاظ العلمي .و...و...و

كنت نحسّ انّي نشاركهم الظروف القاسيه هاذيكه .. تقولش علينا لكلـّـنا منفيـّيـــن : هوما و انا ..

هاذاكه علاش كنت نعيش معاهم مشاعر متاع دفء انساني كبير و عميق برشه.. ما كنتش نحبّ نكون المعلّم اللي يخوّف .. البوليس .. او الاب الثاني في صورتو الرديئة المتسلّطه..

كنت نقول : يكفيهم الفقر و الظروف الطبيعية الكاسحه و المناخ المقوّد و بـُــعد المسكن على المدرسه والأمّيّه و الجهل اللي معششه في اوساطهم العائلية و حرمانهم من كل ما يحتاجو طفل و تلميذ في العمر هاذاكه من تلافز و فضاءات و ساحات و حدائق و مراكز و مكتبات و دور مطالعة و نوادي لمختلف الانشطه الفكرية و اليدوية و الفنيه و مسابح و قاعات العاب و قاعات سينما و دور اطفال و دور شباب و ماناج ... ما يكفيهمش حرمانهم من هاذا الكل ؟؟ نزيد آنا نكبّلهم سعودهم بالعـصا و الصياح و الكشّه...؟؟ـ

نجحت في انّي نخلق نوع من الصداقة و العشرة معاهم

يكفي باش نقوللهم : انتم مشوّشين .. و هاذاكه علاش انا تو غضبان منكم.. و ماعادش نكلّمكم.. و ما عادش نقرّيكم بالقدا.. و ما عادش نضحك معاكم.. و ماعادش نعزفلكم بالعود

و نمشي نقعد في آخر طاولة و نرسم الحزن على وجهي .. و نبدا نلاحظ في ملامح الاسف و الندم على وجوههم .. و ملامح توبيخ الضمير و الشعور بالذنب .. اللي نحسّو يوجعهم اكثر من الضرب بالعصا .. على خاطرهم كانو يحبّوني بصفه خاصّه

و هالحب الخاص بالطبيعه عندو اسبابو ..كانت علاقتي بيهم متميّزه برشه على علاقتهم بزملائي لخرين .. كنت نعمل معاهم في حاجات .. نعرف انّها تبقى منحوته في اذهان اطفال في عمر 7 و 8 سنين
مثلا
القسم ، معايا انا .. ماهوش فقط بلاصه متاع قرايه اكاهو ..مرّات يولّي زادا نادي موسيقى .. و ستوديو تصوير فوتوغرافي .. و ستوديو تسجيل.. و مرسم .. و قاعة مطالعه .. و غابة .. و قاعة العاب .. و سيرك .. ـ

في اول الحصة .. والا اخّرها .. و الا في الفاصل مابين المواد الكبيرة .. اللي فيها نوع من التجريد و الجفاف .. لغة .. حساب.. كنت نهزّلهم العود والا الاورغ و الا الهارمونيكا .. و نعزفلهم بيهم الاناشيد .. و نسجّللهم اصواتهم في الراديو كاسات اللي كنت نخدّم فيها بالباتريّات .. يقولو في الاناشيد و انا نعزفلهم .. و نسمّعهالهم .. و نبدا معمّر المصوّره في أخر القاعة .. ناخذلهم تصاور من غير ما يعرفو .. و في الاسبوع الجاي نورّيهملهم .. ونعطيهملهم .. و نحسّ انهم قريب يطيرو من الاستعجاب و الفرحه و الدهشه .. و نعرف انهم ماهمش باش يستحفظو بيهم.. ونقول

ميسالش .. النيقاتيف موجود عندي

بحيث .. هوما و انا .. تورّطنا في حب بعـضنا

هوما : كانو يمثّلولي شباك صغير يحل على فرحة طفوليه بالحياة حتى في بلاصه كيف هاذيكا .. بعد الانتكاسه اللي وقعتلي في قرايتي الاعوام لولى

و انا: نمثللهم المعلّم اللي من المفروض عندو سلطه عليهم .. لكن هاو ظهرحتى هو كيفهم .. ما يفلّتش فرصه باش يغني و يعزف و يلعب و ينقــّــز و يضحك و يمثــّــّل و يرسم ..

بعد 17 سنه .. قابلت واحد منهم .. سي الشباب .. خليتو عمرو 7 سنين .. لقيتو استاذ انقليزيّة

اما توّ طوّلت برشه .. للحكايه بقيّه

lundi 23 juin 2008

عندما تتحدث صحف البودورو بكل جرأه عن الاستبداد بالحكم في ... مجتمع النـّــمـل

ويُـعرف عن النمل ايضا انه مخلوق يتحلى بصفات جليله اهمها التضحية و الشجاعة و التعاون .. و لذلك ، حذار من محاولة حرمانه من حقه الطبيعي في العيش الكريم ، أو من منعه من حصّته و نصيبه من المنتوج الجماعي و الثروه العامه التي ساهم الجميع في إيجادها

و أنّه يضع مصلحة الجماعة فوق كل اعتبار .. فتراهم يهبّون هبّة رجل واحد رغم بساطة و ضعف امكاناتهم الدفاعيةلإضعاف و إرباك ايّ حذاء كَــريه يمتدّ الى بيوتهم الصغيرة قصد نهبها و تدميرها

حيث اشار الى لجوء بعض حشرات النمل الى الغش .. في الانتخابات و ممارسة الضغط و الترعيب على الفئات النملية البسيطه و حرمانهم من حقهم في استعمال الخلوة .. و احيانا القيام بعملية الانتخاب عوضا عنهم و التصرف في الصناديق بتغيير محتوياتها و ممارسة شتى الضغوط على الملاحظين المستقلين

لتحقيق مآرب شخصية و احتكار المشاريع و سرقة الاموال العمومية و تهريبها ..كالحصول على لقب ملكة النمل الاولى
و الوصول الى الحكم و الاستبداد به و الاستفراد بالسلطه و تلجيم الاصوات المخالفة

إذ كان يعتقد ان نوعية الغذاء الذي تحصل عليه اليرقه هو العامل الاهم الذي يحدد ما إذا كانت ستتحول إلى ملكه أو عامله مما يعني ان جميع بيوض النمل تملك فرصا متساويه للوصول الى الحكم .. و تمتع ايّ منها ممن تتوفر فيه الشروط القانونية من حقه ليس في الترشح فحسب ، بل ايضا من حقه في ممارسة الدعايه .. ضمن اعلام مستقل .. و التنظم .. و التجمهر.. و التظاهر

و في غفلة من النملات الغافلات .. الغارقات في الفقر و المناشده ... تتحوّل اليرقة صاحبة البصمه الجينية الملكية التي وقع وضعا في سدّة الحكم بطريقة مسقطه بعد ان تم تجاهل القوانين و التلاعب بها و تمطيطها على مقاس رغبات و مآرب المتاجرين بالبلاد...الى الحاكمة الجديده

أنا الـفـــتى النظـيـــف

برشه مواضيع متداوله في فضاءنا التدويني هالمدّه الاخيرة .. و اهمها حملة 15 جوان .. الحجب .. الحوض المنجمي .."البذاءه"..و غيرها

مانيش باش نحكي على حملة 15 جوان لأنها ما تخصّ الا اصحابها ..اللي عملو حملتهم و وفت الحكايه .. رغم انّو ثمه اشكون مازال مكبّش فيها .. يمكنشي في بالو اللي الحمله تبدا نهار 15 جوان و توفى نهار القيامه .. و لذلك نهمسولو.. وأذا لزم نفهّموه بالقـْـمـَـعْ اللي راهو كيما حملة المغرب الكبير .. و التدوينات الحمراء... و البيضاء .. وغيرهم من التدوينات الجماعية .. راهم ياخذو وقتهم و يا من حيا للعام اللي مبعدو .. و دابا دابا .. خرافتنا خشـّـت للغابه و العام الجّاي تجينا صابه :) ـــ

امّا حبيت نعطي شويّ ملاحظات في شكل تساؤلات .. في خصوص تداعيات الحمله (موش الحمله في حد ذاتها)
ياخي كل حد ما شاركش فيها و الا تعرّضلها بالنقد .. هوّ بالضروره ستاليني و لينيني ...؟؟ بالتأكيد لا .. على خاطر عدد كبير و مهم ما شاركوش .. بل نقدو و عطوا اسباب عدم مشاركتهم .. و عدم اخذهم ليها مأخد الجد ..رغم انهم أبعد ما يكون على ستالين و تروتسكي

الوقائع تأكدلنا اللي التطرف الديني .. أو ما يسمّى تلطيفا بـ : "الاسلام السياسي" .. ما يقابلوش بالضروره لينين و ستالين أكاهو .. بل تقابلو كل الانفاس التقدمية و الديمقراطيه و الليبراليه ... و حتّى بعض الاصوات الدينية المعتدله .. و اللي اهمّ من هاذا الكل .. تقابلوشرايح كبيرة من الشعب الكريم اللي عندهم في ديارهم السـّـبِـحْ .. و المصاحف و زرابي الصلاة .. و يصيمو و يشهّدو .. لكن ما يحبّوش شكون يجي يسفـّـهـلهم طريقتهم في التديّن و في التعامل مع الدين و يقوللهم : لا .. انتوما على ضـَـلال .. هاو الدين الصحيح خوذوه من عندنا احنا

و ما أدلّش على هذا من التحالفات اللي صايره توّ ما بين أطراف سياسية على طرفي نقيض من حيث الموقف من الدين .. الا انهم ارتأوا امكانية الالتقاء حول محاور سياسية محددة : الحريات مثلا
..
يعني باختصار .. نرى اللي أحسنلنا نتحرّروا من هالثنائيّة الساذجة التقليدية متاع مؤمن-مسلم/ملحد-كافر .... لانّها ما تبعدش برشه على ثنائيات الخير و الشر في الافلام اسود و ابيض متاع خمسينات القرن الماضي

فالملحد موش ضرورة متسيس /يساري .. راهو ينجم يكون عالم طبيعيات .. و الا كيميائي .. ملحد في اللابوراتوار متاعـو و ما عندو حااااتى علاقه بالسياسه .. و بلينين و ماتو تسي تونغ

كما انّو اليساري..موش ملحد ضرورةً .. بل ينجم يكون مؤمن .. بل مسلم .. اما متبنّي برنامج سياسي تقدمي و تحرري

هذا فيما يخص بعض ردود الافعال على حملة 15 جوان و اللي ريت انّها في حاجه للمراجعه

نحكوا شويّه توّ في ظاهرة الانسحابات و التلويح و التهديد بالانسحاب من تن بلوغ ... هالفضاء اللي اهم ما يميّزو هو الاختلاف... الاختلاف في كل شي .. في المواضيع المطروحه .. المحتويات .. الاساليب.. الاهتمامات .. .. و زادا، وهاذا مهم برشه، الاختلاف في اللغه و اللهجه المستعمله .. و هكّه نضمنو تنوّع و تعدد اتجاهات .. و نعوّدو ارواحنا على التفاعل مع الآخر
ياخي لازم الكلنا نكونو .. فتى نظيف :) مهذّب لطيف :) ـ؟؟ـ
ما اعتقدش ..
هكّاكه وين نتحوّلو من مدونين الى قطعان بهائميه بالحق . وبالمناسبه ، كلمة بهائميّه راهي موجوده في لسان العرب .. يعني كل حد ينجـّم يحطّها وين يحب :) ـ

ثمّه مدونين يحبّو مدونتهم تكون أقرب ما يمكن ليهم ..لحقيقتهم .. لليومي متاعهم .. لاسلوبهم الحقيقي في الحياة .. في النقاش .. في التعبير على مختلف المشاعر .. حزن .. غضب .. فرح .. ما يحبّوش الاقنعه الافتراضية .. و هكاكه يشوف روحو واضح و صادق مع الناس و مع روحو
يبقى انّو اللي ما يساعدوش هالاسلوب و الا هاللغه .. بكل بساطه..ما يمشيلوش .. ما يقرالوش .. ما يصوّتلوش .. يتفاداه .. و الا يقنعو بالعكس .. يحلّ معاه بوليميك جدّي في هالمسأله من غير تحرّش لغوي و عنف لفظي

احنا ماناش قصّر باش كلمه "بذيئه" تعمللنا صدمه نفسيه .. و ماناش عايشين في قبّه بلار باش نحيرو في المعاني المقصوده من الكلام هاذا
هاذيكه لغه .. و معجم .. و سجلّ.. موجود في شارعنا و امخاخنا و دائرتنا السمعيّه .. و ثقافتنا الشعبية .. ما نهربوش منّو بطريقة نعائميّه .. (على وزن بهائميـّـه:)...)و لعلمكم و المعلومه هاذي خذيتها من استاذ لسانيات .. أنّوهالشعب هاذا من اكثرالشعوب استعمالا للكلام "البذيء".ـ

موش موضوع للتفكير و الدرس هاذا ؟؟؟ عوض الاكتفاء بسدّان الوذنين

ياخي كيفاش تطلبو من شعب بعمرو ما اختار حتى شي في تاريخو .. انّو ما يكونش بذيء ؟؟؟؟؟ـ

ثمّ انّو، بصراحه "البذاءه" هي أعمق من مجرّد مفردات ذات أيحاءات جنسيه عدوانية .. مثيرة للضحك احيانا .. و للغضب احيانا اخرى

موش من الاعتباطي انّو التراث الادبي الانساني العالمي زاخر بالمدارس الادبيه الايروتيكيه .. و حبينا و الا كرهنا ... حبّ موروثنا الاخلاقي و الديني و الا ما حبّش .. حبّت تربيتنا النفسيه و الجنسية الغامضه و الا ما حبّتش .. حبّو شيوخ القبايل و حرّاس المعابد و حماة السماء .. و الا ما حبّوش ... هالمدرسه موجوده .. و عندها متتبعيها و قرّاءها و كتبها و هوّاتها و فلاسفتها و منظريها

ياخي كنا انّجّمو نسمعو.. مثلا .. بكتاب برهان العسل متاع احلام نعيمي لولا انّو وقع منع تداولو و نشرو عربيا .. لانّو يسمّي الاشياء بمسمّياتها ..و لانّو مغرق في الجرأة .. ؟؟؟؟

هالمجتمعات اللي تستمد في قداستها الوهمية من انّها مهبط الرسالات السماويّة .. و بالتحديد مهبط الاسلام .. هي نفسها اللي مشهوره بانتشار الشذوذ و اغتصاب الاطفال و البيدوفيلي .. و الجنس مع "المحارم" : الانساست

مجتمعات .. بل مستنقعات البترودولار .. اللي تزايد علينا بالاخلاق و التقوى و الورع و السّبح و البخور و غيرها من اكسسوارات هالمهزله الدينيه اللي فايحة بريحة العفن و القاز مع بعضهم .. هي اللي ممنوع على الاستاذ فيها انّو يبعث زوز تلامذه من نفس الجنس للتوالات في نفس الوقت

هاذاكه علاش قبل ما ننصبو محكمه و مقصله للي يحبّو يخرجو شويّ على المألوف و يحلّقو خارج السرب .. قبل هاذا.. نحدّدو مفهوم البذاءه .. و القباحه .. و السفاهه.. لانّو ما أبذأش ...و ما أقبحش ... وما أسفهش من اللي يحطّ أيدو المعفّنه على وجهك و يقلّك : سكّر فمّك

...و ما أبذأش ...و ما أقبحش ... وما أسفهش من شخص يمصّلك دمّك بالديماغوجيا .. و بخطابات نهار الجمعه

.. و ما أبذأش ...و ما أقبحش ... وما أسفهش من اللي ياخذلك لقمتك من فمّك وكي تشكي يطعنك

.. و ما أبذأش ...و ما أقبحش ... وما أسفهش من اللي يحلالو الدفاع على دينو بعد كعبة البيرة الخامسه

و ما أبذأش ...و ما أقبحش ... وما أسفهش من اللي شادد خنجر وراه و رافع معاك شعار الديمقراطيه .. و على اللفته يقيم عليك الحد

و ما أبذأش ...و ما أقبحش ... وما أسفهش من اللي مطيّش كلابو على القلالـّه و الزواوله يمصّولهم في دمّهم

ما أعتقدش انّو كلمه طايشه .. فيها بعض الايحاء الجنسي .. عبّر بيها مولاها على حالة غضب .. بطريقتو الخاصة .. و ما دعاش الناس الكل باش تولّي تتكلم كيفو و الا تقرالو بالسيف .. باش تكون أكثر بذاءه من هاذا الكل

dimanche 22 juin 2008

من تراث الشعر السياسي البليد و الركيك ... ممنوع على من هم دون الـ :18 سنـــة

القدس عروس عروبتكم ؟!!
فلماذا ادخلتم كل زناة الليل إلى حجرتها
ووقفتم تسترقون السمع وراء الأبواب لصرخات بكارتها
وسحبتم كل خناجركم ،
وتنافختم شرفاً
وصرختم فيها أن تسكت صوناً للعرض ؟؟!!
فما أشرفكم !أولاد القحبة هل تسكت مغتصبه ؟؟!
أولاد القحبة ! لست خجولاً حين أصارحكم بحقيقتكم
إن حظيرة خنزير أطهر من أطهركم
تتحرك دكة غسل الموتى ،أمَّا أنتم
لا تهتز لكم قصبه !
الآن اعريكم
في كل عواصم هذا الوطن العربيّ
قتلتم فرحي
في كل زقاق
أجد الأزلام أمامي
أصبحت احاذر حتى الهاتف ،
حتى الحيطان .
.وحتى الأطفالْ
أقيء لهذا الأسلوب الفج
وفي بلد عربيِّ
كان مجرد مكتوب من أمي
يتأخر في أورقة الدولة
شهرين قمريين
تعالوا نتحاكم قدام الصحراء العربية
كي تحكم فينا
أعترف الآن أمام الصحراء
،بأني مبتذل وبذيء
وحزين كهزيمتكم
ْيا شرفاء مهزومين
!ويا حكاماً مهزومين !
ويا جمهوراً مهزوماً !
ما أوسخنا !!
ما أوسخنا !
ما أوسخنا !
ونكابر !!! ما أوسخنا !
لا أستثني أحداً
هل تعترفون ؟
أنا قلت بذيء ،
رغم بنفسجة الحزن
وايماض صلاة الماء على سكري
،وجنوني للضحك بأخلاق الشارع والثكنات
ولحسن الفخذ الملصف في باب الملهى .

من تراث الشـعر السيـــاســي المباشـــر البليـــد الرّكيـــك .. ممنـــوع عـلى من سـنـّــهم أقــلّ من 18 ســــنه

غنت فيروز مرددة
آذان العرب لها تسمع:ـ
الآن الآن وليس غداً
أجراس العودة فلتقرع
عفواً فيروز ومعذرة
أجراس العودة لن تقرع
فيروز... من أين العودة
والعودة تحتاج لمدفع?ـ
و المدفع يلزمه كف
و الكف يحتاج لإصبع
و الإصبع تلهو غارقة
في دبر الشعب له مرتع
خازوق دق بأسفلهم
من شرم الشيخ إلى سعسع
ومن الجولان إلى يافا
ومن الناقورة إلى ازرع
دايان يدق به دقا
جونسون بقوته يدفع
فتجمع ماخوس وزعين
وصلاح جديد مع الأكتع
وإبن الطلاس مع أسد
ونوري قد شهر المبضع
فتنهد نوري وقال لهم
هيهات الطب لن ينفع
خازوق دق بأسفلنا
خازوق دق ولن يطلع
لو أكمل حزبي رسالته
لقبضنا من ثمن الأقرع

jeudi 19 juin 2008

كـَـسـْـرة بومقـص .. تحجب مدوّنه أخـرى

يد
بل.. كَـسْـــرة
ْبل.. كْـــراع
بل .. حافــر بومقــص
امـتـدّت الى مـدونة "حتى لا يسقط المزيد"...ـ
لذلك ، دعوه للناس الكل باش يتحلّوا بالعناد و الشماته الممكنه و اللازمه
لتدارك الحاله
ببعث و تأثيث مدوّنه بديله و بليده كسابقتها

mardi 17 juin 2008

الحكم على شباب فريانه بسنه سجنا ... مع قصيده قديمه

إعـــــــلام
تمّ اليوم بالمحكمة الابتدائية بالقصرين الحكم على مجموعة شباب فريانه بسنة سجنا...بتهمة "الاعتداء على أربعة
موظفين اثناء أداءهم لواجبهم" ..على كل موظّف ثلاثه اشهر .. و نحبّ نذكّر هنا بملابسات و اسباب و دوافع هالـ : "إعتداء"ـ
*********
قصيــده قديـــمه
القصيده هاذي كتبها احد اصدقائي(في الدنيا موش في الآخرة...الآخره بمعنى العالم الافتراضي :)) اثناء مرورو بفترة بطاله قاسيه برشه .. و اليوم تقابلنا و حكينا على شويّة ماضي ...بما فيه تلمذه .. و شغب...وبرشه حاضر ...بما فيه من "شغب" زاده .. و ذكّرتو في قصيدتـــو هاذي.. اللي وقتها انتشرت برشه .. في أوساط معيّنه بالطبيعه .. و خذات صدى باهي في نفوس كلّ اللي لقو ارواحهم ... و الا لقوا حتّى شويّه منهم فيها ..كي ذكّرتو فيها .. عاود قراهالي .. بصعوبه في التذكّر .. لكن بنستالجي كبيره .. ايّه ولّيت اقترحت عليه انّنا ندوّنوها هنا ..علما و انّو وقت اللي كتبها كان ولد 20 و الا 21 سنه
القصيده عنولنها : بــطـّــال
ملاحظه : القاف الحمرا تتقرا بثلاثة نقاط فوقها
***
ب . ط . ا . ل
الــبـاء : بـاركْ زْمـَــنـّــَا.. بَـايـِــرْ.. و بـَـايـِـنْ بْـلاهْ
الطـّاء : طالت مـحـَــنّـَــا .. و طوفان طوّحْ طـحـَــاهْ
ألــيـف : آلاف نــــحـــنـــا .. أليـــف أحــــمر مـنــَاهْ
والــّلام : لا للـغْــبــيــنـَـه .. لا للــدّ ْ رَكْ ِو لْ وْرَاه
ِ***
بــطــــــــّال راس الــْـغَـــرَايـبْ
امـْـكـــدّر.. امـْــكــدّر.. و ذايـبْ
لبعـيــــــد ْ .. ترمـي بـْـضيـّــكْ
يــــرْجـَعْ مـْــكـَـســّــر وخــايبْ
***
بطـّـــــــال انت اللـّــوحَـهْ
لـُـوحـِـــــــــةْ حاكم ظلـــمْ
بـطــّـــال انــت اللـّــوحَـه
لوحةْ غـــــــيـــظ انـْــكـتمْ
بطـّال قــطرتْ جـروحــَــهْ
دمـْــــــعـات حمْــرا وْ دَمْ
***
يا شــيخْ .. و انت صــغـــَـيـّرْ
يا شــــــِـيــخْ .. عمْــُرو وْرَاهْْ
امـْــكـبـّــل.. دايم .. مـــحيـّــرْ
مـَــحـْـســُــــورْ.. قـلّ رْجـَـــاه
يا شــيخ .. ويــني احـْـــلامـك.. ؟ـ
آهـــــــــــــــــين ... آه... وْ ... آهْ
ويــــــنو الكـــلام الْ قـلــتـُــو.. ؟؟ـ
ويـنو الــبــنـَـا اللي رسمــْــتو..؟؟؟ـ
وينو الأمل اللي ف بالك درْتـُـــو.. ؟؟ـ
و يــنو الجـّــبل اللي بـْـغــيت اعـْلاه..؟؟..ـ
آهـــين ... آه .. و .. آه
آهــين... نار خـْــبـِـتْ
آهين... دمعه جـْــرتْ
آهـــين .. أزمه طوّلت و قـْـــوِتْ
منصف. ق

lundi 16 juin 2008

اليوم 16 جوان ...حملة اعتقالات جديدة بالرديف

آخر المعلومات التي وصلتني تؤكّد إقدام الاجهزه الامنية بعد ظهر اليوم الاثنين 16 جوان على القيام بحملة إعتفالات واسعة بمدينة الرديف شملت ما يفوق الستين معتقلا..من المعطّلين و النقابيين
يحدث هذا في الوقت الذي لم تحرك فيه هذه الاجهزة ساكنا في اتّجاه تتبّع المسؤولين عن عمليّات قتل الابرياء .. أو عمليّات النهب و الاعتداء على حرمات المنازل والدكاكين

dimanche 15 juin 2008

ملاحظه عابرة دفاعا عن حريتي في التصويت

بعضهم ، ممّن أعمتهم رماديّتهم المثيره للتعجّب عن النظر للأشياء بالوضوح اللازم .. ينكرون عليّ حقي في أن أصوّت للتدوينه التي أريد..متى أريد .. كيفما أريد ..من المنطلق الذي يرضيني
انا في واقع الحال لست معنيّا ان أطلب الاذن من أحد حتّى أصوّت .. كما انّي لست مطالبا بموافاة أيّ كان من مـُــظهري الحكمه .. و الرصانه .. و النضج .. مبطني الهذيان البرانوياكي المزمن .. بمقاييسـي في التصويت
لذلك .. رجاء .. كفى مشاكسات لا معنى لها ، نحن في غنى عنها

Le Diable ... Brel

Un jour le Diable vint sur terre, un jour le Diable vint sur terre pour surveiller ses intérêts, il a tout vu le Diable, il a tout entendu et après avoir tout vu, après avoir tout entendu, il est retourné chez lui, là-bas.Et là-bas on avait fait un grand banquet, à la fin du banquet, il s'est levé le Diable, il a prononcé un discours et en substance il a dit ceci , il a dit:

Il y a toujours un peu partout

Des feux illuminant la terre ça va

Les hommes s'amusent comme des fous

Aux dangereux jeux de la guerre ça va

Les trains déraillent avec fracas

Parce que des gars pleins d'idéal

Mettent des bombes sur les voies

Ça fait des morts originales

Ça fait des morts sans confession

Des confessions sans rémission ça va

Rien ne se vend mais tout s'achète

L'honneur et même la sainteté ça va

Les États se muent en cachette

En anonymes sociétés ça va

Les grands s'arrachent les dollars

Venus du pays des enfants

L'Europe répète l'Avare

Dans un décor de mil neuf cent

Ça fait des morts d'inanition

Et l'inanition des nations ça va

Les hommes ils en ont tant vu

Que leurs yeux sont devenus gris ça va

Et l'on ne chante même plus

Dans toutes les rues de Paris ça va

On traite les braves de fous

Et les poètes de nigauds

Mais dans les journaux de partout

Tous les salauds ont leur photo

Ça fait mal aux honnêtes gens

Et rire les malhonnêtes gens.

Ça va ça va ça va ça va

Dites , si c'était vrai... Brel

Dites, dites, si c'était vrai
S'il était né vraiment à Bethléem, dans une étable
Dites, si c'était vrai
Si les rois Mages étaient vraiment venus de loin, de fort loin
Pour lui porter l'or, la myrrhe, l'encens
Dites, si c'était vrai
Si c'était vrai tout ce qu'ils ont écrit Luc, Matthieu
Et les deux autres,
Dites, si c'était vrai
Si c'était vrai le coup des Noces de Cana
Et le coup de Lazare
Dites, si c'était vrai
Si c'était vrai ce qu'ils racontent les petits enfants
Le soir avant d'aller dormir
Vous savez bien, quand ils disent Notre Père, quand ils disent Notre Mère
Si c'était vrai tout cela
Je dirais oui
Oh, sûrement je dirais oui
Parce que c'est tellement beau tout cela
Quand on croit que c'est vrai

J. Brel

A.T.H.E.E .. Jacques Prévert

"… mais le pape l'interrompt
Ah! Foutez-moi la paix à la fin je ne suis tout de même pas arrivé à mon âge et à la haute situation pour me laisser emmerder par un malheureux petit libre penseur de rien du tout
venu je ne sais d'où
Je ne suis pas libre penseur dit le veilleur
je suis athée
Hein ! quoi ! dit le Saint-Père
et l'autre , dans le tuyau de son oreille
l'autre se met à gueuler
Allo... allo ...Saint-Père
vous m'entendez
athée
A comme absolument athée
T comme totalement athée
H comme hermétiquement athée
E accent aigu comme étonnement athée
E comme entièrement athée
pas libre penseur
athée
il y a une nuance"
(Jacques Prévert / 1900-1977 / Paroles - La crosse en l'air )

الهي أعـنــّـــي علـيـــهم..اولاد احمـــد

الهي اعني عليهم
لقد عقروا ناقتي واباحوا دمي
...في بيوت اذنت بان لايراق دم فوق سجادها
الهي
اعوذ بك الان من شر اهلي يبيعون خمرا ردئئا
ويؤذون ليل السكارى البرئ
الهي لقد تم بيع التذاكر للاخرة
ولم اجد المال والوقت والعذر كي اقتني تذكرة
فمزق تذاكرهم يا الهي ليسعد قلبي
الم تعد الناس بالمغفرة
الهي
اريد جرادا لكل الحقول
ومحو جميع النقاط
وقحطا لكل الفصول
وطيرا ابابيل للاحتياط
صدقت الهي ان الملوك كما الرؤساء
اذا دخلوا قرية افسدوها
فخرب قصور الملوك ليصلح امر القرى
الهي لينبت دود مكان البلح
ذهبنا جميعا الى الانتخاب ولم ينتخب احد من نجح
الهي حبيبي
ويا سندي
نشرت كتابا جديدا فبعه ...بلا عدد
الهي السجين لدى الانبياء
لماذا نزلت الى ارضهم
واسكنتتني غيمة في السماء
الهي
اذا كان لابد ان ادخل الجنة المشتهاة
فلا تدخل الاتقياء معي
الهي ادلك فورا عليها
على شفتيها
على حلمتيها
على اسمها العائلي
على شعرها العسلي
على ماتقول ...ولا تفعل
اله السماء
اضفها الى سورة الشعراء
الهي
سمعت تقاة يقولون عنك كلاما مخيفا
فحادفتها بالكتاب استوى حية
لدغتهم جميعاوعادت كتابا
الهي العلي الا يمكن القول اني نبي ؟؟
محــمد الصغــيّر أولاد أحـــــمد

أنا يــوسف ... يا أبــي


أَنا يوسفٌ يا أَبي.
يا أَبي، إخوتي لا يحبُّونني،
لا يريدونني بينهم يا أَبي.

يَعتدُون عليَّ ويرمُونني بالحصى والكلامِ
يرِيدونني أَن أَموت لكي يمدحُوني
وهم أَوصدُوا باب بيتك دوني
وهم طردوني من الحقلِ
هم سمَّمُوا عنبي يا أَبي
وهم حطَّمُوا لُعبي يا أَبي

حين مرَّ النَّسيمُ ولاعب شعرِي
غاروا وثارُوا عليَّ وثاروا عليك،
فماذا صنعتُ لهم يا أَبي?
الفراشات حطَّتْ على كتفيَّ،
ومالت عليَّ السَّنابلُ،
والطَّيْرُ حطَّتْ على راحتيَّ
فماذا فعَلْتُ أَنا يا أَبي،
ولماذا أَنا?

أَنتَ سمَّيتني يُوسُفًا،
وهُمُو أَوقعُونيَ في الجُبِّ، واتَّهموا الذِّئب;
والذِّئبُ أَرحمُ من إخوتي..
أبتي! هل جنَيْتُ على أَحد عندما قُلْتُ إنِّي:
رأَيتُ أَحدَ عشرَ كوكبًا، والشَّمس والقمرَ، رأيتُهُم لي ساجدين؟

jeudi 12 juin 2008

L'ivrogne ... Brel

boomp3.com

حجب مدونه أخرى

مازلنا مع فضايح .. بلد الفرح الدائم ...هاذي مدوّنه اخرى وقع حجبها .. مدوّنة " زباله" .. متاع صديقنا " البوهالي" ـ



مــلـحـق

سيـّــبو المدوّنات .. يا حيوانات

بعد التاكد من ان مدونتي كل من سمسوم
و رمضان

قد وقع التعرض لهما بالحجب .. أعبّر عن رفضي القاطع لمثل هذا السلوك القروسطي .. و اضرخ في وجوه كلاب الانترنات
سيّبو المدوّنات يا حيوانات

mercredi 11 juin 2008

شـــكـرا يا سيــادة الــ...مـحـامـــــي

حبيت نعطيكم فكرة ولو مقتضبة على خاطر هاذاكا اللي وصلني .. على أصداء محاكمة الشبان المعطلين اللي عبّروا على احتجاجهم على اوضاعهم البائسة في فريانه اخيرا..(هنـا.. و هنـا..) و اللي هوما بالطبيعه موقوفين و تعرضو
آمس 10 جوان للمحاكمه بتهمة الشغب
اهم ما ميّز هالمحاكمة اللي تمت في المحكمة الابتدائية بالقصرين .. هو الكم الكبير متاع المحامين اللي اتـّـطـوّعو .. من برشه ولايات للدفاع على هالمجموعة المتكونه تقريبا من ثلاثين شاب.. و يذكر بعض اللي حضروا .. و هنا نفتح قوس و نقول انّو الحضور ما كانش في متناول الناس الكل .. قلت، بعض اللي تمكّنو من الحضور يذكرو اللي اغلب المرافعات كانت في مستوى عالي من الدقّه.. و من وضع القضية في اطارها السياسي ... و وقع التطرّق لمواضيع اخرى هامه و اعمق من مجرّد محاكمة "مجموعة مشاغبين" .. و ثمّه من المحامين شكون اشار الى انهم هالمجموعة من الشباب كان أملهم في المخطط الحادي عشر كبير برشه .. و لذلك .. كي سمعو بزيارة مسؤول كبيييييير للمنطقة .. كتبو لافته طالبوه فيها بالتفاته.. و إذا بيه هالمخطط الحادي عشر .. هو اللي قادهم للقاعه هاذي
و يـُــذكر زادا انّو العديد من المحامين حمّلو رئيس المحكمة مسؤوليتو و ذكّروه اللي هاذي احسن فرصة تدخل بيها محكمة القصرين للتاريخ.. تاريخ القضاء الحر و المستقل بالطبيعة
القضيّة تأجـّـلت لنهار 17 ـ
تحيّة باسمي و باسم كل الاصوات الحرّة في البلوقسفير لها المجموعة الطيّبة اللي يـُــلاحظ انّهم تركو انطباعات جدّ ايجابية في المنطقه

mardi 10 juin 2008

caricature : الحــــوار الحـــار


caricature : أقـــــلام


قـالــّـــــك قـلــّـــما تـلـْــقى قـْــلـم مـوش مـتـْـــمـلــّـــق

يا اسمـاعيـل .. راهـو مــوش هـكـّـــه !!!ـ

بربّي علاش هكّه ؟؟؟؟؟ـ

موش في بالي كبرنا على برشه امراض .. من بينها المزايده الفارغة ؟؟؟؟ـ
باش ما نطوّلش .. شوفو مولى المدوّنه هاذي وين بعثنا الناس الكل
انا مانيش باش نبعثو للبلاصه اللي بعثنا هوّ ليها .. موش على حاجه .. امّا على خاطر يبدو انـّـو يعرف يمشيلها وحدو .. و مايستناش اشكون يبعثو
اما.. قبل ما يمشي .. نحب نتوجهلو بشوية ملاحظات و اسئله

واحد : التدوينات الجماعية ظاهرة صحيه في البلوغسفير.. تقليد باهي و يلزمنا نحافظو عليه .. خاطر يلمّنا ساعه ساعه تحت مهمه وحده و تحت قضيه وحدة و هكاكه نتعلمو ننساو خلافاتنا و لو لفتره وقت اللي الموضوع يكون يمسنا الكل .. و هاذا ايجابي موش كان هنا .. في هالعالم الافتراضي .. بل .. حتى في الدنيا

اثنين : هو راهو حتى كي تكون انت مشيت .. و ضربت بالحجر .. و كنت تشي قيفارا في زمانك .. و لميت حولك الجماهير .. و خطبت فيهم ..و حمّستهم... و علمتهم اصول حرب الشوارع .. و كوّنت بيهم خلايا في كل حومه .. وعصابات في كل زنقه .. و اسست خيوط ربط و اتصال بين هالخلايا باش يتمكنو الكل من انجاز نفس المهام في وقت واحد ..قصد ارباك العدو و...و...و هاذا اذا ما رجّعوكش من نص الثنيّه في احدى الدوريات...قلت حتى كان عملت هاذا الكل .. ما يعطيكش الحق باش تسمّع الناس الكلام .. لانّك تـُـو سامبلومون تكون خسرتهم في المعارك الجايّه .. و يظهرلي اللي قاعد يصير ماهوش النهايه .. دونك اذا انت هكّه .. عندك هالروح العملية متاع القياده ..و المبادره .. ما يلزمكش تأيّس منّا .. و يلزمك ديمه تعمل على كسبنا لصفّك ..و تاخذنا على قدّنا...توّ شوي شوي .. ننضويو تحت قيادتك و نعملولك تمثال.. و نطبعو تصويرتك .. نقصد تصويرة مدوّنتك .. في المراول

ثلاثه : المشاكل اللي عايشينها اهالي الحوض المنجمي .. في جانب كبير منها ماهيش خاصة بيهم هوما اكاهو .. بل يعاني منها شبابنا من الشمال للجنوب ..بدرجات متفاوته صحيح .. لكن ما ثماش جهة في بلادنا مافيهاش شباب معطل ..و محروم من ابسط حقوقو..دونك .. انت شقولك تبدا من حومتك .. من عايلتك .. و تلمّهم الكل ..و تفرّجهم عالفيديوات .. وتمشي بيهم لاقرب معتمديه .. يعني في عوض تزايد على الناس بالبطولات الوهميه .. والمتمثّله في هالكلمتين اللي طيشتهم في تدوينه ..و كانّهم طعم رميتو باش تتركّز عليه و تسمّعنا الكلام ..و اللي ناقصك كان باش تستعمرنا بيهم .. و اللي هوما : اشكون يمشي ؟؟؟ أعمل في جيهتك كيما عملو هوما في جيهتهم .. و اصنع نواة متاع احتجاج .. احسن ملّي ترمي كلمتين طايشين .. واللي ما يجاوبكش (ممكن يكون ما قرالكش من اصلو)...تسمّعو الكلام ..لا .. واللي يضحّك .. بصراحه.. انّك تستثني في اللي جاوبوك .. :) واللـّـاهي انا اذا كنت نعرف اللي مجرد تعليق ينجّم يكون بمثابة صكّ غفران .. و يمنّعني .. راني كتبتلك ايّ حاجه

اربعه : انا نتفق معاك في انّو لازم نطوّرو تجربة التدوين .. و نخرجو بيها من ورا الشاشات .. و نترجموها الى ممارسة على ارض الواقع ..لكن زاده كي نتعمّقو شويّه .. راهو اذا ممارستنا ما تكونش ماشيه بالتوازي ، و مدعومه من المنظمات الاخرى .. انسانية كانت او نقابيه او طلابية او حقوقية .. ما نوصلوش لنتيجه كبيره .....بل يمكن يكون الضرر اكثر .. كيما يحصل ديما في التحركات اللي وراها حماس زايد .. من غير دراسه و تبصّر...على خاطر الحماسه وحّدها حتّى في ماتش كوره ما توصّل لحتى نتيجة .. فما بالك بالمحاورالمهمــّه هاذي.

في الاخير .. نحب نشير الى انك يبدو انك دوب ما حليت عينك في هالدنيا .. عملت مدوّنه .. و حاطط فيها آمالك السياسية الكل
لا
الكلام هاذا راهو ما ينطبقش على الناس الكل بنفس الدرجه

على خاطر يلزمك تعرف اللي فينا اشكون قبل ما يعمل مدوّنه .. و قبل ما تدخل الانترنات فرد مرّه للبلاد .. شدّ التجنيد الاجباري في اقصى الجنوب ..فينا اللي شدّ الحبس .. اللي توقّف اكثر من مرّه جراء مساهمتو في المظاهرات المسانده للشعوب ..و اللي واجه الكرتوش و ماتو اصحابو بجنبو ..و اللي كلا الماتراك لين قال يزّي ..و اللي عاش سنوات تحت المراقبة الاداريه .. اللي نتصورك ما تعرفش اش معناها : معناها كل يوم تمشي تصحّح في مركز الشرطه صباح و عشية ...و اللي تحرم من جواز السفر متاعو من اجل قناعاتو...و اللي ... و اللي ... و اللي
بالتالي ناس بالتجارب هاذي ما يصحّـش انّهم ينتظرو منك انت باش تقوللهم : يا تمشو للرديف (هكاكه .. آلا فوقلات) يا تمشو ندرا اش تعملو
عيب عليك
و توّ ... تنجّم انت تمشي .. لوين تحب

lundi 9 juin 2008

caricature : حقـــوق... و خيـــوط


العب و اربح ... مع المعارضة !!!!ـ

الرجاء قراءة هذا المقال الذي صدر في صحيفة "البهتان" لهذا اليوم.. ثمّ الاشتراك في اللعبة التي اوحى لي بها نفس المقال .. حظّا سعيدا


الكلمة المفقوده
* * * * * * * *
كلمة معرّفة بالالف و اللام احيانا ، و أحيانا أخرى معرّفه بالغياب عن ساحة الفعل و بالانسحاب و الهروب من المواجهة ، و الامتناع عن تحمّل المسؤولية
تتكوّن من ثمانية أحرف .. و تتكوّن كذلك من أنفاس مخصيّه .. و اصوات ميّته .. و طاقات عقيمه ..مكبّلة .. مقيّدة .. لا قدرة لها على الحراك
في انتظار العثور على هذه الكلمه .. فلنسمـّــها :
إيكس
الاحرف : 8 و 7 و 2 و ي و 2 : ما تمارسه إيكس من حجب للحقائق و عدم القاء الضوء على حقيقة و واقع الاحداث
الاحرف : 7 و 6 و 6 : عكس النفع و الفائدة و هو الذي نجنيه من إيكس عندما نمنحها ثقتنا
الاحرف : 4 و 5 و 6 : حالة من لم يرتدي ملابسه .. حالة من انكشفت عوراته و سقطت جميع أقنعته
الاحرف : 6 و 7 و ي و 4 : السن التي نكون فيها عاجزين عن القيام باي شيء .. لاننا لا نملك اسنانا
الاحرف : 8 و 6 و 3 و 8 : مـؤخـّـرة .. بلهجتنا الدارجه
الاحرف: 7 و 5 و 4 و 8 : فـُـقـِـدتْ .. أُعـْـدِمتْ .. انتهت .. لم نجدها .. لم يعد لها وجود
الاحرف : 4 و 3 و
ي و 2 و 8 : صفة إيكس عندما نكتشف انّ لا دور لها الا الولاء للسلطة و اسداء الخدمات لها
و تبييض و جهها

samedi 7 juin 2008

الرديّــف في تونس ... أم .. سيدي إيفني في المغرب الشقيق

بلدة في جنوب المغرب الشقيق
اهاليها يعانون من الفقر و الخصاصه لدرجة انهم انتفضوا ..متحــــدّين عمليات التهديد .. الخطيرة التي تعرّضو اليها... والتي وصلت حدّ الاغتصاب .. و استباحة المحارم
و الكلام هاذا راهو ماهوش من راسي
بل اكثر من ذلك
وقع ا طلاق الرصاص المطاطي .. على المواطنين
مما أدّى بالعديد منهم .. انّهم يغادرو المدينه... في اتجاه الجبال المحيطه
كما يذكر انهاهالمنطقة تعاني من "التهميش" الاقتصادي و السياسي .. منةذ ثلاثين سنه .. ممـّـا سبـّب هالحاله متاع الاحتقان
المعلومه هاذي .. نسوقها ... بهدف الاهتمام بيها ..و تحليلها .. وا لنظر في الاسباب .. اللي انّجمو نشتركو فيها مع اشقّاءنا في المغرب ..

واللي قتلني آنا ريتو


قفصه و نحن .. بين تهاطل المعلومات الكترونيا .. و شـحـّــها رسميا

و انا نفكر باش نكتب تدوينه موضوعها محدد : قفصة بين تهاطل المعلومات الكترونيا... و شـحـّــها رسما..جاني تعليق في التدوينه السابقة يحذّر فيّ من الانسياق ورا البيانات اللي في اغلب الاحيان ، ما تعطيش المعلومه الصحيحه ..
كلام معقول .. و كيما ريتو في اول التدوينه السابقة .. قلت :الايميل هاذا وصلني توّ .. بما يعني انّي ما نتبناش بالضروره لوغتو و ما ناخدش محتواه بصيفه مسلّمه ..فقط هي معلومه وصلتني لتوّها .. حبيت نطرحها في البلوقسفير .. و نفكّرو فيها مع بعضنا .. و هاذي في اعتقادي طريقة جيدة للاحاطه بما يمكن الاحاطه بيه مما يحدث لتجميع المعلومات و دراستها.. خاصة امام الشحّ الاعلامي الكبير و المثير للشفقه و السخرية من هالـ"هياكل" .. و هالـ"المؤسسات" .. و هالـ"اجهزه" .. اللي مستفرده بناس عزّل .. و خايفه من الاطفال ..قلت هالشح الاعلامي اللي غارقه فيه اجهزة اعلامنا الرسمي ... بما يعني انّو ايّ معلومه يتحصّل عليها واحد منّا .. باي طريقة .. سواء يجيه ايميل .. او اتصالات هاتفية مع من هم اقرب منّو لمسرح الاحداث .. او لقطات مصوّره ...الخ ... تعتبر ثمينة .. و تنجم تعاون بعد تصحيحها و ازالة غبار المبالغة ...في بناء الصورة الحقيقية لما يحدث.. مهما كانت درجة الصدق اللي تنطوي عليها
مثلا انا البيان هذا من خلال شكلو و كتابتو و اخراجو و لوغتو الحماسية التحريضية .. و اللي ذكّرتني ببيانات اخرى ما عنديش برشه ملّي لقيتها تحت باب داري .. و بالتحديد يوم 26 جانفي .. و يوم 8 مارس ..هاذاكه علاش عطاني انطباع انّو و قع طبعو و توزيعو على المنازل .. و ينجم يكون حتى في منطقة اخرى غير الرديف ..والحقيقه كنت نتصوّر انّو ثمّه اشكون باش يقول : لقيت البيان هاذا تحت باب داري .. و هاذا حصل برشة مرّات
باختصار .. نـَــشري ليه ما يعنيش بالضروره التسليم بمحتواه .. بل مجرد رغبة مني في اني نشرّك معايا المجموعة في تلقي المعلومه ..ثم الاشتراك في تناولها بالتمحيص
انا مانيش من دعاة المبالغة و التحريض في غير وقتو و في غير ظروفو .. اصلا الفن هاذا ..ما نتقنوش .. ونطلب من الصديق اللي بعثلي التعليق اللي حكيت عليه .. و منكم .. انكم ترجعو للتدوينتين اللي كتبتهم فيما يخص الاحداث اللي صارت في معتمدية فريانه من ولاية القصرين .. و انا نتصوّر اللي كل من يقراهم باش يستنتج اللي لوغتي بعيدة على البيانات التحريضية و المبالغة.. و نحاول نتّبع الدقة و الموضوعية و التحرّي .. و نشر المعلومه و نقيضها معا.. و تحكيم المنطق
عندي ملاحظه اخرى نحب نتوجّه بيها لبعض الوخيّان اللي نراهم بصراحه مبالغين في الخوف من هالغول اللي اسمو "التوظيف السياسي للاحداث"..و هوما ناسين اللي خوفهم الكبير هاذا، راهو زادا نوع من "التوظيف السياسي" اللاواعي .. و هو اخطر .. على خاطر كي انا نقعد على الربوه .. و مانعطيش ما هو مطلوب مني من مسانده (سياسية قبل كل شي ، دايّور ما ثماش مسانده اخرى ممكنه على الاقل توّ)بدعوى الحذر من الوقوع في فخ الاطراف اللي تحرّك في الناس هاذي ..انا يظهرلي نولّي اقرب للسلبية و للتقوقع السياسي الضيق منّو للحكمه و الرصانه
باختصار
يلزمنا نفكّرو في تطوير اشكال مساندتنا لهالناس المحاصرين.. بقطع النظر على اشكون الطرف اللي يمكن يكون فاعل اكثر في الاحداث .. الفولاني و الا الفلتاني

vendredi 6 juin 2008

للاعلام : ماذا حدث في الرديّف اليوم 06 جوان 2008 ـ

وصلني توّ الإيميل هاذا
تونس 06 جوان 2008


شهيد خامس في الحوض المنجمي
يسقط جلاد الشعب
يا مارد جماهير شعبنا لا تدع القتلة يفلتون من العقاب

تشهد مدن الحوض المنجمي منعرجا خطيرا بتصعيد حملات القمع والعقاب. فمنذ الصباح تشهد مدينة الرديف هجمة شرسة على جماهير الشعب وتنكيلا منهجيا طال كامل المدينة وقد أصدر أهل الرديف بيان استغاثة يصفون فيه هول ما يتعرضون إليه. هذا وقد أنجز اليوم اضرابا عاما ناجحا شمل كافة القطاعات بمدينة الرديف عدى الباكلوريا. وقد واجهت قوات القمع التي يقودها المسؤولون المجرمون على رأسهم معتمد الرديف الضالع في تصفية الشهيد هشام علايمي المحتجين بمختلف وسائل القمع وكلّ أنواع التنكيل وتعنيف العائلات أطفالا ونساء رجالا شيبا وشبابا وجراء انتهاك الحرمات واستباحة الممتلكات وفرض العقاب الجماعي والقمع بقبضة حديدية ونارية فاضحة ومتشفية والإعتقالات وتكسير الدكاكين ومداهمة البيوت والتنكيل بأمهات المناضلين مثلما وقع مع والدة المناضل النقابي عمر حلايمي من قطاع التعليم الثانوي حيث انهال العسس على ظهر الأم بالضرب الوحشي بالعصى دون رحمة واعتقال ابنيها وأحد ضيوفهم الذي مازال رهن الإعتقال. ونتيجة تلك الأعمال القمعية والهمجية سقط شهيد جديد في الحوض المنجمي الشاب حفناوي بن رضا بلحفناوي 18 سنة روى بدمائه أرض النضال على طريق التحرر والإنعتاق. وشهيد اليوم 6جوان 2008 هو الشهيد الخامس بالحوض المنجمي وليس الأخير بعد هشام العلايمي الذي أعدم حرقا و طاهر السعيدي و هيثم صمادح الذي ضرب على الرأس والوجه ودخل في غيبوبة بيومين توفي على إثرها والشهيد الشاب نبيل شقرة الذي دهسته سيارة الحرس التي قامت بملاحقته ودهسه يوم 2 جوان 2008 بمدينة المتلوي. لنفضح هذا القمع الأسود الذي يطول خيرة شبابنا نعم للوقوف مع الشباب المناضل من أجل حقه في الحياة الكريمة جميعا معا لإسناد جماهير الحوض المنجمي بقفصة وفريانة وماجل عباس بالقصرين ونقطة بصفاقس
لنعمل على التشهير بالمجرمين وعزلهم ومحاسبتهم. يسقط القتلة
عاشت انتفاضة شعبنا بالحوض المنجمي يسقط جلاد الشعب
يا مارد جماهير الشعب ردّ عليهم.. كن صفا واحدا لا تدع القتلة يفلتون من العقاب
لنقف إجلالا للشهداء الأبرار
الخزي والعار لأعداء شعبنا
06 جوان 2008

lundi 2 juin 2008

اخر الاخبار حول ما يجري في معتمدية فريانه

كنت عطيت المعلومه هاذي حو ل بعض المظاهر الاحتجاجية في معتمدية فريانه من ولاية القصرين
اكد بعض الشهود اللي هالمنطقة تشهد مظاهرات احتجاجية كبيرة ... و ثمّه اشكون وصفها بالـ "عنيفه"...ـ
وثمّه برشه روايات تدور حو ل إ نتحار شاب في نفس المدينه بعد مقابله ليه ، هو ومجموعة من الشباب العاطلين، مع المعتمد طالبو فيها بانّو يعاونو على ايجاد شغل .. على خاطر الطرق الكلّ تسكّرت قـدّامو .. و انّها الموت أريَـحلو من اللي عايش فيه من بطالة و فقر..سي المعتمد جاوبو هكـّه : مّالــه برّا اقتل روحك.. انا ما عندي ما نعملّك

اكثر رواية انتشارا تقول اللي الشاب الهالك هاذا كتب وصيّة اعتذر فيها من والديه و اصحابو .. و اكّد فيها اللي مقابلة المعتمد الاخيرة و الطريقة المهينه اللي كلّمو بيها .. هي السبب ورا انتحارو

و ثمّـه زادا حديــث على تعزيزات" امنية" كبيرة من المناطق المجاوره في اتجاهها لمدينة فريانة
و من الجهة المقابلة .. ياقع الترويج لمعلومه .. او لرواية اخرى حول مقتل هالشاب .. و مفادها انّو مات على اثر تصفية حسابات !! بينو و بين شخص اخر كان معاه في ايطاليا ..!! متورط مع شبكة مخدرات .. !!و قام بقتل القتيل خوفا من انّو يفضحو .. بما انّو كان معاه في ايطاليا
باهي!!ـ
و هالقاتل اللي قتل شخص في قلب المدينه.. و في وضح النهار !!!.. وينو ؟؟ـ
؟؟؟؟؟
قالّك هرب
!!!!!!!!!
امّا شــدّوه
!!!!!!!
امّا ما تـْــشـــدّش في فريانه
!!!!!
تـْــشـَدّ في ... زغوان
!!!!
زعمه مازالو ينجّمو يـَــخـْـلْــطو عليه باش يربطو في ذيلو خيط
؟؟؟!!!!


dimanche 1 juin 2008

من أجل مغرب شعـــوب



انا
مع وحدة مغاربية
اندماجية
.. تكون فيها الشعوب
قد حققت ما تقتضيه المرحلة
من تحرر وطني من شراسة العولمة
و انعتاق اجتماعي
من هيمنة الطـّـغـم و الـ"عائلات المتصاهرة" ـ