vendredi 31 juillet 2009

الطـّريـحه 2 : الى عمـــروش




اطلاق صفة "المريض" إن جسديا ، عقليا و الا نفسيّا ، ماهيش عمليّه جزافية و اعتباطيّة .

لا.

يلزم تشخيص و تحاليل و و سكانار و غيرو .

وكنا شخّصنا في الحلقة الفارطه المرض ، بالادلّة و بالتواريخ و بالامثلة و بالروابط و بالاستنتاجات ، و اكثر من هكه .. زدنا عطينا وصفات مجانية .. من غير استرجاع مصاريف .

قلنا المرض متاع المرة الفارطة هو حالة خرس ازاء النقاشات الفكرية الجادة.. ناتجة على زوز عوامل

1 : فقر فكري و معرفي مدقع.
2 : استعدادات ماقبليّة للسلوك البوديقاردي ، و للتفاخر بـقدرات الآخرين.

حالة الخرس هاذي .. تتبعها حالات انتشاء غير طبيعية ، غير منطقية ، بمواهب و قدرات الاخرين .

و هي نوع من انواع التصعيد ، يعني وقت اللي نجعل من غيري مرآة مكسّرة نشوف فيها صورتي المشوّهة.

الحالة هاذي مستعصية برشه ، على خاطر صاحبها وقت اللي تمدّتلو يد تمسك بالوصفة اللي كانت تنجّم تكون فرصتو باش ينهض بامكانياتو الذّهنية ، عضّ اليد و مزّقها في حالة هستيرية .

من حسن الحظّ انّا خذينا نسخه من الوصفه ، و حطّيناهالو في ملفّو ، خاطر فمّة مرضى يمتنعو على تناول الدواء بحجّة انّو الدوا مرّ ، هاذاكه علاش ما يحبّوش ياخذوه.

اهيّ الوصفة اللي بعثناهالو و مزّقها .. و كيما تشوفو .. ماكانتش وصفه مرّة بالكل .. بالعكس .. حلوّه عسل .. فيها برشه روابط لتدوينات جادة و هامه و هادئه ، و دعوة انّو يفتّق مواهبو و يسمّعنا صوتو.



و عطيتو سلسله متاع روابط متاع تدوينات فيها مواضيع جادة و نقاش هادئ.

و كان الرّد متاعو ردّ عمــّاري بامتياز ، رغم انّو التعليق لا يحتوي بذاءات و لا استفزازات تقتضي حذفو .

اهوّ الرّد




استنتاجات
:

بهامه 1 : التشدّق بحرية التعبير و تلصيق لوقوات : "لا لتسكير الجلغه" ، ثم الحذو حذو عمار في حذف التعاليق

بهامه 2 : الرّد بتدوينه طويله عريضة من الكلام الفارغ على تدوينه "لم نقرأها" !!!!!!!! بل "اكتفينا بشويّة منها في صفحات التن بلوغز" ـ


بدون تعليق


*********

قبل ما ننتقل للطريحه الثانية ، اللي انا تظهرلي ممتعه اكثر ، نحبّ نحكي شويّة على باسّاج بقى فيبالي من رواية كنت قريتها بالانقليزية اسمها
great expectations
الامال الكبرى.

متاع الروائي البريطاني الشهير تشارلز ديكنز ..
تحكي باختصار على طفل اسمو
pip
بيب هاذا نشأ في وسط فلاحي تسود فيه العبودية و الاضطهاد ، لكن اوّل فرصه اتيحتلو باش يتسلّق السلّم الاجتماعي و يصبح من اعيان البلاد الارستقراطيين ، تنكّر لقريتو الفلاحية القديمه بكل مكوّناتها : اصدقاء .. عايله .. قيم .. ذكريات

لكن وقت اللي مشى مرّه لحانوت خيّاط باش يخيّطلو ملابسو الارستقراطية ، تفاجأ بانّو صانع الخيّاط هاذاكه ، هو من نفس قريتو القديمه ، يعني يعرفو و يعرف تاريخو و يعرف وجهو الحقيقي القديم اللي هو يحاول يخفيه بالابّهة متاع الارستقراطيين

عاد الباسّاج يحكى على لحظة متاع خمسة و الا سته ثواني ، بالظبط وقت اللي صانع الخيّاط جايب الميترو ( الميترو متاع الخيّاط اللي يقيسو بيه موش اللي يركبو فيه يعني : هاذا ) كان يمشي بخطوات متثاقلة وهادئه و واثقه ، و شادد الميترو و يشحوط بيه في ظهرو و اكتافو و كأنّو يجلد في روحو ، و يخزر لـ: بيب في عينيه في خزرة حاده خاثرة مليئه بالرسائل اللي ، و كيما أوّلها ديكنز ، كان يحبّ يقلّو من خلالها ، صحيح انت تخلّصت من حالة العبودية اللي كنت فيها و اصبحت ارستقراطي ، اما انا نعرف تاريخك ، و شوف اش انّجّم نعملّك بلساني .. يعني انّجّم ، و بلساني، نجلدك ، كيما قاعد نجلد توّ بالميترو في روحي.

بيب فهم الرساله بالطبيعه ، و تقلّق ياسر.

نستغرب وقت اللي واحد حسب موروثو العقائدي و الثقافي ، الجنس بالنسبة ليه يدخل في دائرة الثالوث المقدّس اللي حكاو فيه برشه من بينهم : بوعلي يس (الثالوث المقدّس : الجنس /الدين/السياسه) ـ ورغم هاذاكه نلقاوه يتحدّث في الجنس.

اما كيفاش يتحدّث في الجنس؟؟؟

حديث عمروش في الجنس يتلخّص في انّو جا لاعزّ تدوينه ليّ و قراها انطلاقا من شكاير العقد الجنسية المستّفه بيهم جمجمتو و استنتج هو شلّة حثالة الزباله متاعو انّي انا بيدوفيل

على كل حال ، انا باش نغضّ الطّرف على الردّ المتوقّع منّي هنا ، و اللي يحيل على التمعّن في مفهوم/سلوك البيدوفيلي ، و البحث على تجسّدات هالمفهوم / السلوك في تراثنا و موروثنا العقيدي

لا .. مانيش باش نحكي في المقام هاذاكه ... حاجتي بواحد بركه : العمروش.

تهاك تعرف تحكي في البيدوفيلي و الجنس .. و أومورك هانية .. و عال العال .. آآآه ؟؟؟
اما خسارة هاذاكه حدّك في الحديث على الجنس
.. ما تنجّمش تحكي عليه خارج دائرة "البي
دوفيلي" و "الرذيلة" و "الشذوذ" و "الاغتصابات".
خطوة وحده لقدّام .. ما تنجّمش تزيدها .
ساقين "مخّك" يحبسو .. و ريقك يشيح .. و تحمار .. و قلبك يبدا يدقّ .. و تحسّ روحك في حضرة غول .. رهيب .. مخيف اسمو : الجنس.
ماتنجّمش تحكي على الجنس متاع الحب المكثّف .. الجنس الجميل اللي يتحوّلو ابطالو الى موجتين نساو البرّ ..و اصبح كل همّهم ملاحقة بعضهم.
الجنس هاذا انت ما تعرفوش .. و رغم هاذاكه تتجلطم و تحكي عالبيدوفيلي

وينو الجنس في وعيك النفسي اكثر من انّو خطيئه ؟؟؟؟ اكثر من مشاعر الكره اللي تنتاب الرجل اللامتوازن تجاه شريكتو بعد انتهاء العملية الجنسية ، لانّها تذكّرو بغواية حواء لآدم

اش تعرف عالجنس اكثر من غواية حوّاء المغرية لآدم الحكيم الضحيّه ؟؟؟؟.
اش تعرف آخر على الجنس اكثر من انّك تدعي لربّك في كل ليلة قبل ما ترقد ، انّو يقصّلك تسكرة باش تتفرّج في فيلم بورنو تكون انت البطل متاعو ، مع شريك ماكانلكش في الحسبان انّك ترى روحك تمارس معاه في "الرذيله" .. مثلا الكونسيارج .. و الا مذيعة الاخبار ... يعني يقصّلك تسكرة باش "تحتلم" بلوغتكم متاع فقه الجنابه .. هاذا فرضا لو كنت إيتيرو .. ماكش أومو .. سينون.. تولّي "تحتلم" نوع آخر

تحكي في البيدوفيلي و الجنس سيدي ماله ؟؟؟؟؟

غياب الجسد غياب كلّي من مدوّنتك .. الكبت الجنسي ينزّ من تعاليقك ..خاصّة في مدوّنات النساء .. اللي بالمناسبة قليل وين نشوفوك تعلــّق عندهم .. و هاذا يعكسلنا جانب هام من حياتك الجنسية .. بما يعني انّك قليل وين تحكي مع مرا .. بدليل انّك ما صدّقت لقاوولك بنت الحلال .. طحت ما في عينك بلّه .. و بديت تبشّر في الناس الكل في المدونات و في التعاليق .. شى طبيعي .. مادام باب "الفــْـرَج" و"الفــَـرْج" باش يتحلّو عليك مع بعضهم .. الــّلاومنّك .. الفايده كي مازلت حي


تحكي عالبيدوفيلي و عالجنس ماله سيدي ؟؟


اش تعرف عالجنس اكثر من سلسلة من الايقاعات الاستمنائيه ، شانك شان ايّ مكبوت ، محاصر بالمغريات ، مسكون بالتحريمات ..الاستمناء الفعلى و اللي توهم بيه في روحك بلذّه ماهيش هيّ ، متبوعه بمشاعر الذنب و جلد الذّات ، و الا الاستمناء الفكري اللي مصوّرلك روحك على انّك عمار بن ياسر في زمانو

اش تعرف على الجنس اكثر من ريقتك السايلة و عينيك المبحّرة قدّام القنوات الاباحية سريّا بالطبيعه ، لانّك يلزم تظهر بمظهر "المتعفّف"

و راك ما تنجّم تقنع حتى حدّ بانّك متعفّف على مثل هذة "الرذائل" ، لانّو اللي ما يتعفّفش على مسّ الناس ... بل مسّ الاطفال في اعراضها ، و اللي ما يتعففش على اطلاق التهم الرديئة بعد تأويل التدوينات و تحميلها ما لا تحتمل ، و اللي ما يتعفّفش على النفاق و الترهدين ، اللي هي صفاتك الشهيرة بشهادة العديد من المدونين و منهم اصدقاءك

صفاتك اللي كنت قلتهالك مباشرة من فمي لوذنك دون ان احتاج الى ان اتخفّى وراء مدوّنه او شخصية وهمية ، وكنت نتمنّى انّك على الاقل ما تقتنعش باسلوب عيشي و اسلوب تفكيري ، اما كنت تنجّم تتعلّم منّي حاجة ما عندكش منها : القدرة على المواجهة

اللي ما يتعففش على هاذا الكل ، راهو ما يتعفّفش على ارذل الرذائل قبل ارتداء جبّة الاخلاق .. اخلاق فقه الحيض و النفاس اللي معشش في راسك

الزّح ... تي من اوّل كونتاكت بيناتنا .. من اوّل زيارة ليك لهنا ، عرفتك زعبان و رهدان و منافق


تتذكّر اوّل زيارة ليك لمدوّنتي اش قتلك ؟؟ كانك ناسي هاو نفكّرك : قتلك : يزّي من التزعبين هنا

من دلائل ترهدينك .. انّك تبدا ترمي في المعنى و كيف واحد يحاصرك بالروابط و بالادلّه .. شعرك ياقف كي القطوسه المحصورة .. و تبدا تتمسكن و تتضيحك و تكثّر من هاك الـ : "هههههههه" متاعك .

لعلمك ، من اكثر الدلالات النفسية للضحك : الهروب من ورطه.

يقلّك : خاين ضحّاك .

اهوّ مثال ، وقت اللي لكزتك على خشمك هنا ، و ما لقيت ما تقول ، ولّيت تسلّ في ذيلك بلوغة : شبيك خذيت الامور بجدّيه.

شوف روحك هنا .. وقت اللي بديت تقطّع و تريّش .. و كي همزتك على نسنوستك .. حسبت روحك ما فيبالكش و ما تقصدش . شوف روحك كيفاش كي عطيتك على خشمك .. طحت لوطه .. و ولّيت تسلّ فيها و تتمسكن .

ياخي زعمه صدفة انّك تسلك نفس السلوك ، و في ثلاثه مناسبات (هاذا في مدوّنتي انا فقط ، و في التدوينات اللي نتذكّرهم فقط ، خلّينا من نفس الطبيعة المنافقه متاعك مع الاخرين

تحبّ نزيدك ؟؟؟ .. انا ما نحكي كان بالروابط راو .. ما عنديش هستيريا السبّ المجاني .. خاطرو ساهل ، يكفي انّك تعمل عشويّه في حمام نسا ، تو تتعلّمو مليح

وقت اللي استدعى الامر انّي نقلّك يا منافق ما استحقّيتش نصطنع مدوّنه وهمية باش نقولهالك ، غشمتك بيها على وجهك ،

و من وقتها كانت ديمه تعاليقي ليك عبارة على شهائد توبيخ و انذارات و دعوات للتخلّي على اسلوب الترهدين متاع المومسات ، المومسات اللي عدد كبير منهم اشرف و اشجع و أجرأ منّك انت و شلّتك من حثالة التن بلوغ ، و من بغايا الذّهن اللي يهمزو فيك من تالي .. و انت ، بما انّك عندك استعدادات كبتيــّه ، ماصدّق تهمزك مـْرا .. تحلّيت و مفاصلك ترخات و بديت تقطر ملّوطه


سينون شبيني توّ برك وين وليت بيدوفيل و خايب ؟؟؟

ياخي آنا اللي نبعثلك في الورود في الايمايلات ، و ننحني اجلالا لتدويناتك


بالطبيعه انت من حبّك و المامك و احترامك للفاضل ساسي ، حتّى اسمو ماكش حافظو ، كل همّك انّك تنافقني انا

شنيّ اللي تبدّل فيّ ؟؟؟؟

انا لاديني و علماني و لائكي من اولّ تدويناتي .. وعبّرت منذ لحظات تدويني الاولى انّو دمّي فيه كريات حمراء و كريات بيضاء و بيرّه

ياخي هاذا الكل ما كانش كافي ليك باش تتمجلغ ؟؟؟ يعني كانت غمزه صغيرة من ثلاثي "بغايا الذهن" متاعك ، كافية باش تتحلّ منافسك الكلّ ، و تبدا تشطح على طار بوفلس .. يا كتلة العقد .. يا "بيب" تشارلز ديكنز

jeudi 30 juillet 2009

حثالة البلوغسفير .. و الهذيان البارانوياكي

الى حثالة البلوغسفير

يعني مولى الماخور هاذا .. و روّادو

اللي تع
ملو فيه اسمو في علم النفس

délire paranoïaque

وهو من عايلة الـ : بسيكوز موش الـ : نافروز

نعرف انّكم اصطك من انّكم تفرّقو الـ"نافروز" و الـ"بسيكوز" .. اما موش مشكل

تنجّمو تشخّصو حالتكم و تتعرّفو عليها لهنا و يجعلو لله

و من بعد اتّصلو بيّ باش ننعتكم على اخصّائيين في العلاج الجماعي

و نزيد نفرّحكم يا مـْــكـبّــته .. العلاج الجماعي راهو ميكست

اما انت .. يا "فرخ الزبابل " .. ما تكونتاكتينيش مباشرة

خاطر هكّاكه ،
بما انّك فريّخ ، خايف نولّي بيدوفيل بالفعل

فهمتها ؟؟؟؟


******

مرّه تدوينه جادّه .. و مرّه شويّه بلاده .. مافيها باس

******


ردود و تفاعلات .. مع ما تألّـــق من التدوينات


على هامش تدوينة عياش اللي عطى فيها مقاربه فلسفية مستحدثة لفهم التاريخ ، و امام بعض التعليقات اللي حولها ، و اللي كانت محترمه رغم اختلافي معاها ، محترمه على الاقل في الهدوء و الاتزان و الجدّيه ، حبيت نتفاعل معاها من خلال بعض الملاحظات

قلت هالتعاليق تدور في نفس النسق اللي يميّز كل رؤية و الا كل استنتاج ينطلق من دائرة عقدية و يبحث على شرعنتها في الواقع ، في حين انّو ، ولضمان استنتاجات اكثر منطقية لابدّ من اخذ الوقائع بعين الاعتبار، حتّى وإن كذّبت هذه الوقائع "الجديده" اعتقاداتنا "القديمه" ..و هاذا في نظري جوهرالفرق بين مفهومي "الحداثة" و "الاصولية"ـ

المشكل اننّا نحكيو عالاركيولوجيا و الا غيرها من ادوات التحليل ، و نتعاطاو معاها و مع نتايجها بالشكل الايجابي المطلوب .. اما وقت اللي النتايج تتعلّق بدائرة مقدّسه في وعينا و في موروثنا ، تسقط كل الادوات مع نتايجها .

يعني نحبّو نوفّقو ما بين اتباعنا لمنهج علمي لتلبية ضرورات المواكبة العصرية ، و ما بين استنتاجاتنا الاسطورية تلبيةً لضرورات عقائدية .

هاذا هو عين الخطا.


انا نتصوّر قدّامنا حاجتين .

يا وقت نعتمدو اداة للتحليل ، نتحمّلو تبعات نتايجها للّخّر ، حتّى و لو كانت باش تفضي بينا للتشكيك في نتايجنا القديمه اللي خذات طابع اليقين / المعتقد / المتكلّس .

يا نكتفيو باليقين /المعتقد و لا نضفي على تحاليلنا صبغة العلمية و المنطقية ، بل نكتفي بالقول انّ هذا اليقين، ولو كان خرافه يحقّق لي الطمأنينه و الراحه اللي ما نلقاهاش في نتيجه علمية حتى ولو كانت "صحيحه" ـ

يستحضرني المثال الكلاسيكي متاع الموقف اللي خذاتو بعض التيارات الالحادية الحديثة ( ذات البعد السوسيولوجي) من الدين باعتبار انّو اداة "روحية" لتابيد الاوضاع السايده .

هنا يبدا المعتقد يرفع في آليات دفاعو الغير شرعية ، يقولولك لا ، الدور هاذاكه ما ينطبقش على الاسلام ، ينطبق فقط على المسيحية.

و هنا نعطي مثال عكسي يبيّن انّو الدين هو فعلا اداة "رؤحية" لخدمة المصالح.

شبيه نفس هالدين المسيحي، اللي كان رهبانو موظّفين مأجورين عند الاقطاع و الارستقراطية الاروبيه ، هو بيدو اصبح اداة تحريض و بعث للحماس إبّان "الحروب الصليبية" اللي وقت اللي نتعمّقو في حيثياتها التاريخية نلقاو اللي فمّه برشه
عوامل اجتماعية و سياسية و اقتصادية ، ازمات داخلية لا مفرّ منها الا بالتوسّع و ايجاد مصادر اخرى للثروة ... الخ ...وقفت ورا الحروب هاذيكه اكثر من مجرّد "استعادة بيت المقدس" .

يعني الدين كمنظومه فكرية بدائية قايمه على الثنائيات (خير/شر.. جنه/نار..مقدس/مدنّس .. محرم/محلل .. فضيله / رذيله .. موت/بعث .. وخاصة : ثنائية : دنيا /اخرة ، بما يعني من معادلات مثل :

تنازل على الدنيا ..لصالح الاخرة
حرمان/ زهد في الدنيا ..مقابل تمتع في الاخرة
كبت للغرائز في الدنيا ..و اشباعها في الاخرة
ترفّع على الملذات الدنيوية النهائية ..و الانغماس في ملذّات لانهائية في الاخرة.

هاذا هو جوهر الاديان ، مع فروقات في الاساليب المتبعه ، في الظرف التاريخي ، في البلاتفورم الثقافي ، في اختلاف لحظة سياسية معينه دون غيرها .

ناخذو الاسلام و المنشأ متاعو ، اللي بطبيعة الحال بعيد كل البعد على الــدّخله المصعّدة دراميّا متاع عبدالله غيث في فيلم الرساله لنصرة ابن اخيه ، :) بل الحكاية اعمق من هكّاكه ، و عندها صلة بالانماط الاقتصادية والسياسية و الثقافية اللي كانت في حالة ارهاصات متتالية لولادة سيستام جديد من رحم السيستام القديم .

و هنا نحيلكم على مرجع هام ، الكتاب عندي ، ما لقيتوش في الانترنات ،سينون كنت نعطيكم الرابط متاعو. الكتاب اسمو : نظام ملكية الاراضي في الاسلام (نموذج اراضي السواد) المؤلف متاعو اسمو : محمد علي نصر الله.

يعطي بالحجج و البراهين و الوثائق مرتكزات النمط "الاقطاعي" اللي عملت سلطة الاسلام على إرساؤو ، بعيد على الروحانيات السطحية.

نحبّ نربط هنا ، على سبيل المثال ، مابين التركيز على استثارة العبيد و تحريضهم و اعتمادهم كوقود لـلــ"ثورة الدينية الجديدة" و مابين علاقات انتاجية جديدة يراد ارساءها ، تقوم على امتهان العمال دون استعبادهم ، بمعنى انّو استثارة العبيد ، حتّى و ان اتّسمت بالغطاء الاخلاقي الانساني السمح ، فانّها في دلالاتها الاعمق ، كانت تشير الى الرغبة في سيادة علاقات و انماط اخرى تستجيب اكثر للتوق نحو التوحيد بكافة معانيه ( اله واحد مقابل عدة الهة ، دولة واحدة مقابل قبائل متفرّقه حاكم/نبيّ واحد مقابل شيوخ قبائل ... الخ) و التوحيد هاذا كان هو الالية الوحيده اللي تحقق الاستقرار المنشود اللي ما يتحقق الا بالتمسّك بـاهمّ مصدر للانتاج : الارض.

اما كي نتقدّمو شويّة في التاريخ ، نلقاو اللي الحركات الاحتجاجية اللي نشأت من صلب مؤسسة الخلافه بيدها ، و اللي تقمعت و قع طمسها ، و قع طمسها كذلك باسم الدين / من خلال نعتها بالكفر و الزندقه / و كنت عطيت في تدوينه سابقة ، ثورة القرامطه نموذجا

و ننتقل هنا للردّ على التدوينه هاذي ، اللي لو كان تحلّى صاحبها بالأدب و بالهدوء و بالرصانه
المطلوبه ، و تكلّم في الموضوع باقلّ "تضيحيك" زايد ، و ما دخّلش شعبان في رمضان ، راني كنت تفاعلت معاه بالجدّية اللازمه

اما ميسالش ، حتّى
par galanterie
للانسة/السيده امال ، اللي ما نعرفش عليها كيفاش دخّلت موضوع "مفاخذة الرضيعه" !!!!! في تدوينتي اللي على القرامطه

كان يمكن لملاحظتها تكون في محلّها لو انا كنت تحدّثت على القرامطه في اطار الصراع سنّه/شيعه ، اللي يهمّني بدرجه اقلّ ببرشه من السياق اللي حطيت فيه استشهادي بيهم ، و اللي هوّ : الصراع بين تنوير و تكفير

ثمّ انّ ، انا كي عطيت مثل اية " واعبد ربّك حتى يأتيك اليقين " و تأويل منظّري القرامطه ليها على انّها : سقوط فرض العباده عند إدراك معناه
، مانيش مقدّم روحي على انّي مفتي جديد و الا مجتهد جديد ، تباركلّه اهوكه بوكشطه قايملكم بالمهمّه هاذي على احسن وجه في النايلسات ، و القنوات متع الفتاوي اللي تنزّ بريحة البترودولار و ريحة البخور ، قاعدة تفرّخ ، بحياة راس اتفاقية وزراء الاعلام العرب متاع الفين و سبعه

بل انا حبيت نبيّن انّو القرامطه ، و على عكس الاتهامات الاخلاقية السطحية اللي توجّهتلهم ، ما كانوش مجرّد منحرفين همّج مارقين ، بل كان عندهم قراءاتهم و كلامهم و تأويلاتهم و فلسفتهم ، اللي وقع طمسها و التعتيم عليها و تشويهها باسم الاله ، او باسم هيآت منصّبه روحها للنطق رسميا باسم الاله

****

ملاحظة تنظيميّة

بالطبيعه قلت في عنوان التدوينه : ردود و تفاعلات ، على ما تألّق من التدوينات ، يعني اللي قاعد هالنهارين يدوّن بالشكل هاذا

ماهوش معني بالعنوان
، و ينجّم من توّه يجبد الباب وراه

:)




mardi 28 juillet 2009

طريحه 1 : الى الكلندستينو

كنت ديمه من انصار نقد السلوكات و الافكار عوضا عن نقد الاشخاص .. لكن في حالات كيما هاذي


اللي ماهيش مشخصنه برك .. غادي من مشخصنه ... اسمي مذكور اربعه مرات يا بو قلب .. و في سياقات وقحه .


قبل كل شي ، السيد اللي جابدني اربعه مرات في سياقات وقحه ، كنت حذفتو من قايمة اصدقائي في الفايسبوك ، و هو ما تساءلش حتى مجرد التساؤل على السبب على خاطر عارف روحو اش عامل معايا ، كما سيأتي لاحقا.


انا ما ننكرش انّها علاقتنا سطحية .. بل تكاد تكون معدومه ، رغم انك ،و بالحساب اوّل مدوّن تونسي عرفتو ، انا منذ البداية درستك و فهمتك و عرفت انك لا يمكن ان تكون صديقا لي ، و لا يمكن ان اكون صديقا لك

و هاذا مافيهش مسّ ، لا منّك و الا منّي .. فقط .. الله غالب ، التّريسيتي الافتراضي ، ما تعدّاش بيناتنا .


ما نقرالكش ديمه ، تعرف علاش ؟ على خاطر نشوف فيك و نقابل فيك و نسمع فيك كل يوم ، في الحومه و في الخدمه و في التاكسي و في التلفزه و في الاكشاك و في الرستورونات و في البيران و في الاذاعات ... يعني ، و ما نعرفش هاذا يتحسب ليك و الا عليك : انت في نظري ، احسن نموذج للــ "مواطن التونسي "ـ

انت بارع في النقد "الاجتماعي" السطحي ، دون امتلاك رؤية واضحة للحياة و للتغيير و للعلاقات ، مدونتك كانت تكون مهمة .. ربما .. قبل بعث برامج مثل "الحق معاك" ههههه... و غيرها .. اللي نتصوّرها على يسار المحتويات اللي انت متخصص فيها .



في المحطات السجالية الهامه في تاريخ التدوين ، كان حضورك يتميز بحاجة وحده : التدخّل في اللحظات الاخيرة ، اش معناها في اللحظات الاخيرة ؟ ، يعني وقت اللي البعد الفكري للنقاش يوفى ، و يتفسح المجال للبعــد الشخصي المتوتّر المزمّر و المقوّد ، و اللي يكشفلنا ، بكلّنا ، على وجهنا الحقيقي الرديء اللي يبين اننا مازلنا عاجزين على بداية نقاش و انهاؤو ودّيــّا ، و قتها نلقوك "مخلص جدا" لاصدقائك ، و تتفانى في اسداء الخدمات لهم .


و السلوك هاذا اللي اصبح لصيق بيك ، مع الاسف ، كان يمكن يتقبل منّك لو كنت انت تشارك منذ البداية في النقاشات بوجهات نظر واضحة و جليّة تبيّن انّك مطّلع على المساله اللي مطروحه للنقاش ، و الا تبيّن انّك بحثت و أضفت حاجة ، و الا تسائلت تساؤلات قد تدفع بالنقاش الى الامام ... هاذا الكل لا اثر له ، مما يخلّي تدخّلك في الاخير ... اقل ما يقال فيه انّو : ماهوش حلو ، و اشبه بالمعالجة الامنية/الردعية للملفات السياسية ـ الشي المتعارف لدى الانظمه الاستبدادبة.



نعرف اللي موش الناس الكل مطالبة بالمشاركة في النقاشات هاذي .. و نعرف اللي موش الناس الكل مطّلعة ، مهتمّه ، متخصصه في كل المسائل ..الا قليلا ، لكن ما فيها باس الواحد يتبّع و يستفاد من غير شـــْـوه و عراعر .


انا مانيش قاعد نتبلّى عليك و مانيش شاريهالك رغم انك شريتهالي اكثر من مرة قبل ، و ما عدّلتش عليك ، و تو نقلّك لوطه شويّه و قتاش وكيفاش .



قتلك ما نيش نتبلّى عليك ، بدليل انّي باش نعطيك توّة ثلاثه مناسبات(هاذومه اللي نتذكّرهم توّه) كان ليك فيهم نفس السلوك اللي حكيتلك عليه ، و هو التدخل في الاخير لنصره صديقك بشكل عرعوري ، موش لنصرة فكرة صديقك بشكل حضاري.



واحد : النقاش اللي صار بين طارق و ماهيفا و سيتوايان و جماعه اخرين نسيتهم ، و اللي صارلو مدّه ، و اللي بدا بنقاش جدي و وفى بتفريق الفقوس و الخيار ، و كنت انت ، طبعا ، كعادتك ، غائب في النقاش.

قلتش كلمه هنا ؟


قلتش كلمه هنا ؟


اما حاضر في تفريق الفقوس ، و المقامات القشّيّه هنا.


و ماريناك كان في الاخير تدعو الى أداء واجبات الطاعة و الامتثال

في التعليق الثالث هنا.



اثنين : و في النقاش اللي دار حول العلمانية و اللي تدخّلت فيه انت باش تنصح احد المختلفين مع طارق (ازواو) بانّو يفكّ عليه من النقاشات هاذي و يكتفي بالبحث في التراث و الفلكلور.


ثلاثه : النقاش الاخير حول الاسلاموفوبيا ، و اللي ما سمعنالك فيه حتى صوت ، لا بالتدوين و لا بالتعليق و لا بالتساؤل

حليتش فمّك هنا؟

في نقاش الاسلاموفوبيا

حليتش فمّك هنا ؟


و وقت اللي النقاش بين طارق و ارتيكيلي خذا ديفياسيون ماهيش باهية ، حول مفاهيم "فتح اسلامي" او "غزو اسلامي" ، تدخّلت انت كيف العاده باش تذكّر الناس بانّهم يلزمو حدودهم ، و يأدّوا مراسم الطاعة و الاجلال لصديقك (اللي بالمناسبة انا نحترمو رغم اختلافي معاه في العديد من وجهات النظر ، بالطبيعة بعد إذنك :) ـ

نلقاوك عامل قالّري تصفّر و تهرّج و تصيح و تصفّق هنا



و ردّ بالك هنا ، راهو في الامثلة اللي عطيتهم ، ما يهمّنيش في شكون غالط و شكون صحيح .. و ما يهمنيش موضوع النقاشات ، بقدر ما يهمـّني الانطباع اللي عطيتهولنا انت على روحك في الاثناء ، و هو انّك تملك مواهب في العرك و التعرعير و الاثارة اكثر من المهارات في النقاش و المحاججه و الاستدلال

ما يختلفوش اثنين في انّو كل صاحب شهاده عالية هو محل احترام ، اقلّها ،على المجهود اللي بذلو و السهر اللي سهرو.

هاذا بديهي ، رغم انها الامور نسبية هنا

على خاطر انّجّمو نحترمو واحد خذا الباكالوريا فقط ، لكن في ظروف عائلية و مادية و اجتماعية و نفسية رثــّه بحيث كان ممكن تدفعو للانقطاع عن الدراسه ، و لتسيريج الصبابط و و الانحراف ، اكثر من دكتور يلقى كل شي حاضر ، و بالنسبه ليه ، شراء المراجع الباهضة اللي يمكن يكون ثمنها شهرييتين متاع موظف تونسي ، ما تمثّلش حتى عائق قدام بحوثو.

ما عليناش .. فقط حبيت نعطيك مثال بسيط على نسبية الامور في هالحياة ، ديمه يبقى العلم و المعرفة ،خاصة كيف يكونو مصحوبين بتاج العظمه : اللي هو التواضع ، هوما محل الاجلال و التقدير.

انا ما كنتش باش ندمج طارق في هالسياق لولا انك انت ، مدفوع بنوع من الاضمحلال امامو ، حبيت ، و بشكل لاواعي ، انّك تصدّرلنا البعض من ذاتك المضمحلّه و المتآكله ، و هنا من حقي و من واجبي باش نوقــّفك عند حدّك

انا يا كلندو راهو كيما عندي اصدقاء ما يعرفوش يكتبو اساميهم ، اما يتميّزو بذكاء حاد ما تلقاهش عند برشه جلطامه :) عندي زاده اصدقاء و احباب دكاترة في مختلف الاختصاصات ، و لا اذكر انّي في يوم من الايام خذيت المعطى هاذا كمعطي اساسي في علاقتي بيهم ، لانّو ببساطه ، الانسان كائن ذو ابعاد متعدده ، و لسبب اخر زاده هام ، و هو انّ احترام الذات من اهم شروط الشخصية المتوازنه ، يعني من حسن حظي اني ما عنديش هالاستعدادات الماقبلية للافتخار بـ ... الاخرين .

الفرق راهو كبير و شاسع و خطير ، مابين انّك تحترم المستوى التعليمي او العلمي لشخص و بين انك تدعو الناس الى تأليهو و تقديسو .

الّــهو انت و قدّسو قد ما تحب ، انت حرّ .

دونك

اعمل عقلك ... و فيق .. راهي ماهيش هكّه الامور

اقرا ...اقرا زوربا الاغريقي .. و اقرا مليح الباســّاج متاع الرقصه .. و شوفو اش حكى .. ببدنــو.

راهو وقت اللي واحد يسمح لروحو بالوقاحة هاذيكه ، باش اولا : يجمعني بشكل سطحي مع ناس نفحتلو هو باش يلمّني معاهم ، و ثانيا يقلّي راك ما توصلش لمستوى "فلان" ، نقلّو ربّي يشفيك مما قد يصيبك من الخصاء الذهني امام "فــُلانك" هذا ، و هنا يستحضرني المثل الشعبي ايّاه ، و اللي لا داعي لإعادتو.


و" فلانك" نتصوّرو أمــْــيَل الى العلاقة الافقية الندية السليمه الصحية مع المدونين خصوصا ، و مع الناس عموما ، الا انْ يكون لصمته عن السياق الذي ورد فيه إسمه ، رأي آخر.

باختصار ، و خلينا نقفلو الشابيتر متاع "الكريبيسكول ديزيدول" ، ونقولو : اللي هو بالهشاشه بشكل انّو ما ينجّمش يعيش من غير

idole

يعكسلو صورتو المكسوره ، و يصعّد فيه كل مكبوتاتو و رغباتو اللامتحققه ، و يشوف فيه صورة للي عجز هو انّو يكونو ، ماذابيه يكتفي هو وحدو بمعاناة اعراض هالمرض الخايب ، و ما يتعّبش روحو في تصديرو للناس ، و انا من جيهتي ، كمواطن عادل فيما يخص علاقاتو بالالهة ، و ما عندوش تفضيل لاحدها على الآخر ، نوعدو اني نبتهل لجميع انواع الالهة ، ليلا نهارا ، و نتضرّعلها باش تشفيه .


خلينا ننتقلو توّ لتعليقك اللي ما جاوبتكش عليه باكثر من اني بعثتلك حذف من قائمة اصدقائي في الفايسبوك و بصمت ، و قلت تو يفهم روحو ، و ما عادش يجيب سيرتي.


وقت اللي تنابزو القوفرنور و عاشور فيما يخص انتحال الشخصيات ، تدخّلت انت باش تخلّي تعليق تقول فيه راهو براستوس كلب :) و كلب عربي زاده ...

الى آخرة من هاك الـــ.... اللي خلّيتها و بعد ربع ساعة نحّيتها و غسلتها ، و انا نتبّع فيك و نضحك ، خاطر اولا انت ادمجتني في حكاية بين زوز لا ناقة لي فيها و لا جمل ... ثانيا ، على خاطر فيسع ما كتبتها و فيسع ما نحّيتها ، في حاله من الارتباك و عدم الثقه .

هنا



و هاذا نص التعليق اللي انت رجعت و مسحتو


Clandestino a dit…

صحيت صحيت سي القوفرنور
bravooooo, that's what i call a good f***** post..
عجبتني كي نصحتو باش يخرج و يعمل اصحاب

عاشور بطاطا و الثلاثي اللي معاه في بالهم الدنيا تي ان بلوق

اما مثبت هو بيدو الكلب الاخر (عماد لحبيب)؟؟
هوما لحقيقة الكل كلاب
انا ها ليامات مانيش نتبّع بالقدى فاللي صاير
أما خنار كبير
حتى براستوس و ارتيكولي كنت في فترة مالفترات غالط فيهم طلعوا زادة كلاب ...كلاب عربي و فارغة شغل

:))
و من خصال الكلب العربي انو كي تسكت عليه يخرى فيه و يسخايل روحو بالرسمي يخوّف هههههههه
سحقا للكلاب

انتهى التعليق


الحكاية صارت بيناتهم هوما الزوز بمعزل عليّ انا ، اش مدخّاني انا باش نولّي "كلب عربي"

شنية الصله ما بين عركة قوفرنور و عاشور ، و بين انّو براستوس كلب ؟؟؟؟؟ـ

شي اقوى من مخي

صدّقني نهارتها ، لولا اني متاكّد انك "مواطن تونسي صالح" ، تماما كما يراد لك ان تكون ، و ما تعملش الحاجات الخايبه ، تماما كما يراد لك ان تفعل ، و تكرة "التدوينات متاع البيرة" تماما كما يراد لك ان تكره ، كنت قلت الراجل لازم "متكيّف" .. على خاطر هاذيكه هي الوسيله الوحيده اللي تسهّل على دماغ البشر انّو يألــّف و يركــّب و يدمج عناصر ما عندهاش علاقة ببعضها .

هكّه يقولو.

هو راهو كل واحد ، حتى لا اراديا ، يبحث على الاهتمام بيه .. هاذي راهي ماهيشي عيب ، و من الاحتياجات النفسيه الاساسية للانسان ، بل هي من الغرائز الاساسية ، كيما الاكل و الجنس ، و الغريزة هاذي هي اللي تفسّر برشه حالات متاع انتحار فنانين و خاصة فنانات ، وقت اللي يبدو يفقدو في هاك المعين .. النبع ..اللي ينهلو منها ، و عايشين بيه و هو : الاهتمام بيهم .

اما راهو بالصواب ، و المنطق ... لوّج على وسائل اخرى اجلب بيهم الاهتمام ليك ، نوّع مواضيعك ، مارس فنّ من الفنون ، حاول تنفذ الى مسائل مستحدثة و مواضيع طريفة ما سبقـوكش ليها ، ما تجلبش الاهتمام ليك بالعنف اللفطي المتكرر ، و بالإيحاءات الجنسية اللاصحّيه ، و بالتدوينات"التفاعلية" اللي تتعمّد فيها جبدان الاسامي في سياقات استفزازية ، و بالاثارة اللي تذكّرني ياسر بعناوين الصحف بودورو، اللي انت عضو في المدونه المختصّه بنقدها ، اما يظهرلي التاثير وقع ، للاسف ، بشكل عكسي .

كيفاش بعد هاذا الكل تحبني نصدّق الجوانح البلاستيك اللي ساعه ساعه تركّبهم بالفيلتاج على كتافك ، متاع الملاك البريء الطاهر اللي يحب الخير و السعاده تعمّ على اهالي البلوقسفير ؟ و الحال انّها حويلتك تاعبه


اما في خصوص تمجليغك فيما يخص تهمة انّي انا منتحل صفة الجّنّي ، فـ، هاذاكه هو الجزء اللي باقيلك من الطريحه ، اللي باش تاكلو بالتساوي انت و ثلاثي الملاهط متاعك ، اللي يبدو انّهم وقت اللي حطّوك في قايمة اصدقاءهم ، حسّيت بأورقازم كبير ، شأنك شأن ايّ واحد العقد متاعو تـنزّ من مدوّنتو ، و لذلك

اعمل على انك ، خارج عالم المدونات ـ تاخذ حاجه اخرى من مْرَا .. تتفرهد بيها ، اكثر من مجرّد انّك تتصنّف كمدوّن صديق في مدوّنتها

تو تلقاها ابنّ ... أبــنّ بياسر

براستوس يـــُمهل ... و لا يـــُـهمل


من انت ؟.. بل ما انت ؟.. باش تقلّي: كلب .. يا حشرة


تحيين


لاوّل مرّة نصوّت لروحي في تن بلوغز في التدوينه هاذي ، و ذلك استكمالا للطريحه .. حتى تكون بالنجاعه المطلوبه

تراثنا .. بين التنوير و التكفير ، القرامطه نموذجا


عكس ما تحبّ تأكّدو المدونه التاريخية الاسلامية الرسمية ، من انّو تاريخ الدوله/الخلافه الاسلامية لم يكن سوى تاريخ النور و العدل و السماحه و الهدوء الاجتماعي و الطمأنينه ، بشكل اصبح فيه الخليفه او الامير ، بعد ما يسري على جواريه الكل و إماؤو ، و يمكن غلمانو ، يخرج للبلاط باش يلقى ناس ساجدتلو و تبارك في أوامرو اللي هو مستقيها "من "الله"ـ

قلت على عكس هاذا ،وألاللyyh فإنّو المسكوت عليه في هالتراث زاخر بالانتفاضات و الحركات الرافضة رفض كلّي او جزئي ، لاستبداد الدوله الاسلامية سواء فكريا أو اجتماعيا/ اقتصاديا

بطبيعة الحال ، التعتيم هاذا ما ينجّمش يتمّ دون تشويه هالانتفاضات و إفراغها من محتوياتها الـ"دنيوية" و الاكتفاء بتضخيم الجانب التكفيري فيها و نعتها بالزندقه و الالحاد

هيّا ، مع بعضنا ، نحلّو هالباب المسكّر متاع الحركات المنتفضة ضدّ دولة الاسلام ، و نبربشو ، و ننفضو شويّه غبرة على تاريخنا .. و على ارواحنا

في الاطار هاذا ، نحبّ كل مرّه نتناول حركه و الا شخصية و الا تيار من اللي تسمّيهم المؤسسة الاسلامية الرسمية حركات "رافضه" و الا "زنادقه" و الا "باطنية" ÷


في التدوينه هاذي نحبّ نحكي شويّه على دولة القرامطة ، اللي نشات في القرن التاسع ميلادي ، (مابين الثالث و الرابع للهجرة) و كيما تعرفو اللي الفترة هاذيكه عرفت ابرز مظاهر تفكك الخلافه الاسلامية ، عقب استبداد الخلفاء و الولاة و الامراء بالسلطة ، و تنامي الفوارق الاجتماعية الفاحشه مما اوجد حالات من التمرّد السياسي و الاجتماعي على الحكام ،( ثورة الزنج نموذجا) ، و تمرّد فكري و فلسفي على المنظومه الفكرية لدولة الاسلام ، و تشكيك ، بل احيانا ضرب لقاعدتها الايديولوجية و مصادرها التشريعية ، مما يأكّد انّو الفقر و الجوع لا يعترفان بقداسة النصوص

حمدان بن الاشعث ، شــُهر : حمدان قرمط لانّو قصير ، سليل مذهب الاسماعيلية ، اللي هي من ابرز فرق الشيعة ، كان معروف بقوّة شخصيتو و قدرتو على المحاججه و الاقناع و كثرة علاقاتو ، يعني كيما نقولو توّ ، شخصيه كاريزماتيك ، هو مكوّن هالنواة الاولى للحركه الاحتجاجية ضدّ الدولة العباسية (ايام حكم المعتضد) ، اللي بدات تنتشر بالطّريّف بالطّريّف ، بشكل عسكري سرّي ، الى ان كوّنت دولة شاسعة ، انضمّلها عدد كبير من قبائل العرب ، اهمّها و ابرزها : بنو هلال ، و شملت كامل منطقة شرق دول الخليج توّ ، يعنى شرق السعودية و البحرين و الامارات و قطر و اليمن ... و سوريا و جنوب العراق .. و تعدّات لمصر و لشمال افريقيا ، تونس و المغرب .. و اللي كانت من اهم مبادئها : المساواة الاجتماعية ، شيوع ملكية الارض ، الجميع يعمل ، و الدولة تتدخّل في كل شيء ، و لا يحقّ للدوله جمع الضرائب الا بعد ان تكون مساهمة و مشاركة في الاعمال و في الانتاج، القضاء على الفقر، وجوب تساوي الناس في الاموال و الاراضي


و كانت ابرز مظاهر انتعاش دولة القرامطة في البحرين ، بقيادة ابو سعد الجنابي ، اللي الغى الملكية الخاصة ، و ساوى بين المواطنين في العمل و توزيع الثروة ، و تقول مصادر التاريخ انّو طوال فترة حكمو ، ما بناش جوامع ، و ما عملش خطب و صلوات جمعه تدعو و تهتف بحياة الامراء و الخلفاء ، الشي اللي كان معمول بيه في مساجد الدولة العباسية اللي كانوا القرامطه معادينها


تنجّمو تطّلعو في الموقع هاذا على ملامح و اثار دولة القرامطه في البحرين هنا


و كان وقود هالدولة المختلفة المحتجّه ، الناشئه من رحم دولة استبدادية ، هم الفئات الفقيرة من العبيد ، و الموالي ، و المزارعين الاجراء و الشباب ، يعني الاساس المادي لبنية المجتمع ، و هاذي يحيلنا على اكثر من استنتاج ، و هو انّ الحركه هاذي ما كانتش فقط ردّة فعل عفية مندفعه على تردّي اوضاع اجتماعية في الوقت هاذاكه ، بل كانت لا تخلو من ملامح المشروع السياسي /الاجتماعي المتكامل ، فمّه توجّه مدروس نحو تغييرو تثوير اواصر علاقات الانتاج الاقتصادية السائده و اللي كانت ورا تفاقم الفقر و الاضطهاد

و كيما قلت لفوق شويّه ، اللي القرامطه شافو انّو لابدّ لمشروعهم السياسي من تصوّر ايديولوجي مفاهيمي ، يكون متعارض مع المنظومه السائده ، حتى و لو كانت مقدّسه و تستمدّ في مشروعيتها من السماء ، و لذلك ، تقول مصادر التاريخ (الملل والنحل، للشهرستاني ، مثلا ) اللي قراءة القرامطه للنص القرآني كانت تتميز بإعمال العقل بلا حدّ ، من ذلك نظرتهم للعبادات ، اللي قالو انّها يمكن تسقط اذا نحن ادركنا اليقين ، بمعنى ، اذا انت ادركت معنى العباده ، سقط عنك فرضها ، و ارتكزو في ذلك على الاية التاليه : "واعبد ربّك حتّى يأتيك اليقين"ونتصوّر اللي هاذا ينجّم يكون من الارهاصات الاولى اللي انبنى عليها توجّه كامل داخل المنظومه الفقهية الاسلامية اسمو : فقه المقاصد


بالطبيعه ما كانش ممكن لحركه كيف هاذي انّها ما تتنصبلهاش محاكم دولة الاستبداد باسم الاله ، و ماكانش ممكن لموظّفي الخلافة من فقهاء و مفتيين ، انّهم ما يرميوهاش بالزندقه و الالحاد و الدهرية ، و يتنعتو بانّهم "مذهب ظاهره الرفض باطنه الكفر المحض" كيما قال فيهم ابو حامد الغزالي ، و الا يتحطّو في خانة "الرأي الفاسد" على حدّ قول ابن تيمية هنا

-..."والمقصود ان اولئك المبتدعة من اهل الكلام، لما فتحوا باب القياس الفاسد في العقليات، والتاويل الفاسد في السمعيات،صار ذلك دهليزًا للزنادقة الملحدين إلى ما هو اعظم من ذلك من السفسطة في العقليات، والقرمطة في السمعيات، وصار كل من زاد في ذلك شيئًا دعاه إلى ما هو شر منه،حتى انتهي الامر بالقرامطة إلى ابطال الشرائع المعلومة كلها، كما قال لهم رئيسهم بالشام‏:‏ قد اسقطنا عنكم العبادات، فلا صوم ولا صلاة ولا حج ولا زكاة‏.‏"..ـ

هاذا بالطبيعه فضلا عمّا لصّقوه فيهم من تهمة اشاعة النساء ، و التشجيع على" الشذوذ" و " الزنى" و "الفسق" و "الفساد" و "الانحلال" .. فقط لتغييب الروح الاحتجاجية ، و الهاؤ الناس عن البعد الدنيوي الاجتماعي اللي كانت تتضمّنو حركتهم و اللي كان يزعزع سلطة المقدّس

يعني تصوّرو حركه كاملة ، مأسسه مشروعها، و تقاتل في الاعداء و امتداداتها الجغراسياسية ، و مركّزه برنامجها و تكتيكاتها و استتراتيجياتها علاش ؟؟؟ على "الفسق" و "الفجور" ـ .. اللي هي التهمه الكلاسيكية التّيبيك اللي يترمى بيها كلّ مختلف يتوق للتحليق خارج سّرب الغربان .. غربان الامس و اليوم ، و قطيع النعاج .. نعاج الامس و اليوم

في الختام ، و من غير قراءات انتقائية للتاريخ ، و بعيدا على الاستنتاجات الماكرة ، و الاسقاطات الايديولوجية ، ضروري نفض الغبار على مثل هالتجارب و ضروري إضاءة هالأزقّة المظلمه في تاريخنا ، و دراستها علميا و تنزيلها تاريخيا عوض الاكتفاء ، بكل كسل ذهني، باطلاق التهم الاخلاقية التكفيرية على تجربة هامه كيف هاذي .. اللي انا شخصيا نتشرّف انّي نكون ســـليلها



lundi 27 juillet 2009

رسائــــل ... و رذائــــل

رسائل الشاعرين محمود درويش و سميح القاسم

رسائل الرسام فان قوق و أخوه تيو

رسائل الشاعر اراغون و حبيبتو و ملهمتو الزا تريوليه

و غيرها من الرسائل الهامه .. الثرية .. فنيّا .. و ادبيا .. و ثقافيّــا .. قد تلهيني عن قراءة غيرها من اشباه الرسائل

****

ما عنديش برشه ملّي حكيت على جورج موستاكي

من اغانيه اللي يعجبوني غناية اسمها

le facteur est mort

*****
Le jeune facteur est mort
Il n'avait que dix-sept ans

L'amour ne peut plus voyager
Il a perdu son messager

C'est lui qui venait chaque jour
Les bras chargés de tous mes mots d'amour
C'est lui qui tenait dans ses mains
La fleur d'amour cueillie dans ton jardin

Il est parti dans le ciel bleu
Comme un oiseau enfin libre et heureux
Et quand son âme l'a quitté
Un rossignol quelque part a chanté

Je t'aime autant que je t'aimais
Mais je ne peux le dire désormais

Il a emporté avec lui
Les derniers mots que je t'avais écrit

Il n'ira plus sur les chemins
Fleuris de roses et de jasmins
Qui mènent jusqu'à ta maison
L'amour ne peut plus voyager
Il a perdu son messager
Et mon cœur est comme en prison

Il est parti l'adolescent
Qui t'apportait mes joies et mes tourments
L'hiver a tué le printemps
Tout est fini pour nous deux maintenant

*****

ريتو البوسطاجي محلاه مرّات
؟؟
نقول : مرّات