vendredi 28 décembre 2007

à la votre ...


فــلأنّ الـــعـاصـــــفـه

وعــدتـنــــي بــنــبــــيـذ

و بـأنــخــــاب جــَـديدَهْ

وبـأقـــــواس قـــــــزح


mercredi 26 décembre 2007

حكايات الحومه القديمه : منكر و نكيــر ... و خلـتـــي لعـــزوزة الـــفـقــيــــرة


خالتي فولانة ..جارتنا ..مرا كبيرة..يـحـكـيـلـــي ولدها كيـــفاش هـــي هالنهارين مغرومة ياسر بسمعان هاك الكاسات اللي جات مدة و لقات رواج نافست بيه نانسي و هيفاء...
الكاسات هاذي.. فيها واحد يتكلم بلهجة فيها برشة تمثيل ، و يخوّف في العباد من منكر و ناكير و من ويلات عذاب القبر
تسـمــع و تبــكي...خالتك فولانة .. تسمع و تبكي .. تسمع و تبكي ...
ظهرتلي العلاقة بينها هـي بالذ ّات وبــين كاسات عذاب القبر علاقة غريبة شويّــة ، و ظهرلي انـّــو الشي ما يركبش على بعضو ، لسبب واحد انها خالتي فولانة هـاذي ، حياتها مليئة بالحاجات اللي تخليها تفتخر بماضيها ، و تخليها تكــون في مأمــن من ها لحــالات متـاع الشــعـور بالذنب ، و الخــوف الهــستيـــري اللي ما عندوش مصـــادر واضـــحة ..واللـــي عادة ما تـنتاب الراقصات .. و غـير الــراقــصـات .. في آخر اعمارهم ، و يختموها بعـمرة و الرجـــوع للّـــه
امّـا خالتي فولانة ، ملـّــي حليت عينيّ في الحومة ، والناس الكل يضربو بيها المثل في الطيبة و التضحية و تحمل الاتعاب من اجل صغيّراتها..وعلى فكرة ..هي ديما تذكــّــرني بلوحــة أونوري دومـيـه الشهــيرة : الغــسـّـــالة
اش باش يخوّفها من منكر و ناكير ؟؟؟
وهي اللي كان راجلها صاحب محنة.. بحـيث الـــزّوز صــوردي اللـي يصــوّرهـــم من بيعــان الهرقـمــة و الفـــول للـــسـّـوكـارجــيـّـة فــي الطـّــــبـَرْنــة..يكـمّـل يـبـلع بــيـهـم هـو كـُودْيـــَأ و تـيـبـــار.. و يروّح ربّــنا كــما خلقــتـنا..و يزيد يتـسبّـب عـلـيـهـا لأتـفـه الاسـباب و يهرّســـها هي بطريحة، باش يـنـفـّـس شوي على حالة الـفقر و الحرمان و قلة الجهد، ممـّــا يثير حالة من الرعب و الفـــزع في لــوليدا ت و الـبْـنـيـّــات اللي صابحــين يقرو بكري
و كان السيناريو هاذا يتكرر كل ليلة تقريبا
و رغم هاذاكا الكل ، من غدوة الصباح تلقى وليداتها و بنيّاتها.. بفضلها هي ، و هي فقط ماشـين للمكتب في وقتهم، نظاف، لابسين و شعرهم ممشوط .. و كأنها ماباتتش عليهم ليلة حمرا بسبب سَــكْـــــرة ْ عمّي ........ رغم طيبتو و هــدوؤو و لـطــفــو مع جــيرانو في النّـــهار..
اش باش يخوّفها من منكر و ناكير ؟؟؟
و هي اللــي خدمت في الديار..غـسلت ..نظّــفـت..سـيّـقـت..غزلت و قــردشــت الصوف ..خدمت التريكوات بالزوز أباري..طبخت الهرقمة و الذ ّيـــول و الفول على البابور اللــي تـكْـلاتـا عليها أكـثــرمن مـرّة .. باش يبيعهم راجلها في الطبرنة كَـَـمْـيـَه للسّــوكارجيّة...صنعت الغْــرَيّـْــبَــه و البشكوطو و باعـتهم بالكعـبة لصغــار الحـومــة...
ويمكن الــحزن اللي عايشه فـــيه هالأيـّـــامات ، السبب متاعو انـّــها ، ما كانش لاقـــيـة الوقت الـــكافي باش تقوم الـّلــــيْــل كيما كانـت تعـمل أخـتـنــا رابعة العدويّة...و الا باش تصلّي الصبح حاضر...و الا باش تحط طبّة على راسها... كيما قاللها السيد اللي مسجّل كاسات يخوّف بيها في العباد من عذاب القبر ...
اش باش يخوّفها من منكر و ناكير ؟؟؟
وهـــيّ اللـي عاشت محرومة من المال.. وكانت ما تعرف الغـذاء الباهي المتكامل الا في وصفات الدكــتور حكـيم ... في راديو مولات الدّار اللي تخدم عندها
عاشت محرومة من الحب .. و ما نعـتقــــد ش انـّـو عمـّي ....... كان متعـوّد انــو يحـضـنها في الليل بكـل عـنـف .. عنــف هـــاك الفــقر اللي عايشــينو لثـــنين ..
وما نعـتـقـد ش انّــو كان يمارس معاها الحب بطريقة تحسـّـــسها انها ماهيش وحّدها في الدنيا..
بالعكس ، كان ينقـم عليها ..و يعـتبرها هـي مصـدر شـقـاؤو و عجزو على خاطر ما هوش منجّم يعيّشها هــي و اولادها كيما يلزم ..وكان..كيما أيّ مظلوم محروم عاجز ..و لقى شــويـّـــة سلـــطة لــيديــه ، .. ينتقم من عجزو هــوّ.. فيها هيّ
اش باش يخوّفها من منكر و ناكير ؟؟؟
أنا نتصور انها إذا تحكيلهم حكايتها بالتفاصيل اللي مـا يعرفهم حتى حدّ اكثر منها هــي ..و إذا كان توصفلهم معاناتها طوال حياتها بالدرج و بالثانية و باللحظة.
.و أذا تقنعهم انّها تعبت في حياتها بما فيه الكفاية و أكثر من الكفاية..
و تعلمهم - بلطفها المعروف- انّهم ضـيوف ثــقال على قبرها ، و احسنلهم يمشو يـْـمَرْكـُو نهارهم فــي قـبر آخــر..أنا متأكـّـــد انـّــهم ، إذا كانت فيهم ذرّة رجــــولــــية.. يـْــسـَـلـّـْـكُــوهـالـْــهَا..و يحشمو على ارواحهم ..و يْـقـَـطــّـْـعــُـو الـمحـضـر :)


بــلاد الجـــوع




اتضح انـّـو الجـوع فـي هــالبلاد قضيـّـة مــالها معنى ، و لا فرق بين جيعان و شبعان الّا بالتقوى و المنــاشدة .. رغم تشدّقنا ، الى درجة الاحساس بالرغبة في الغثيان ، بمصطلحات ممجوجة تكسـّـر الـ...من نـوع : العــمل على ترسيـــخ اسس المجتــمع الــمدنــي ...الارتقاء الى مصاف الدول المتقدمة و...و...و..هاك الدول اللي وقت اللي يجوع فيها قطّـــوس ، بل ، وقت اللي ياقع فيها تجويع قطّوس ، يعتبر حدث من شأنو باش يلمّ الطامّة و العامّة ، نتــذكّــر إنـّــــي تفرّجت مرّة - في ركن الطرايف متاع نشرة إخبارية لإحدى الفضائـيّات - على فيل امتنع على الماكلة لمدة كبيرة إحتجاجا على سوء معاملة مـــولاه ليــه .
أمّا قضيّة الثلاثة أساتذة اللي اضراب الجوع مـتـاعـهم دخل شهرو الثاني ، ما تتمّش تغطيتها و إضائتها لا في ركن الطرائف و لا حــتـّـى في ركن الـسّـخط الـمـسـخط .
لو كنا فعلا في مستوى الشعارات اللي عادة ما تاخذ ثلاثة ارباع توقيت نشرات الاخبارالرئيسيــّــة و الجهويّة و الخْـراويّة ...متاع انّــا ولّينا كيــفنا كيف الامم المتـقدّمة..بل نفوقوهم في بعض المجـــالات ..و متاع انّــنا ولّينا مدرسة عالمية للتضامن ومرجع لحقوق الانسان ، كيفاش مــّـــاله نتفاعلو بكل هالسلبية و هالتعنّت و هالــسّــقـُـوطْْ مع بشر يعبّر على رفضو و احتجاجو بطريقة يدمّر بيها في ذاتو و يخـيـّـر بيــها في الموت البطيء المحـتـمَـلْ على حياة مهــينة و ذليلة و خــانقة ..؟؟ الأمر اللي هو ماهوش شويّة ، و حـَدَثْ ماهوش هَــيِـّنْ بالكل ، و ماهو هـيّـن إلا على كمشة من المحتالين الجشعين اللي مستعدّين يْــجَـوّعـــو شعب كامل و موش ثلاثة إفراد فقط..باختيارات اقتصادية عقيمة ، و بشراكات وهمية قايمة على الاحتكار و النهب و
تعميق الفوارق




i wanna speak..i gonna speak..














.

jeudi 20 décembre 2007

صمود



نــجــوع ... نــجــوع ... و يحيــــا الوطــــن

lundi 17 décembre 2007

Père Noel .. !!!!

Dites Si C'était Vrai

Dites, dites, si c'était vrai
S'il était né vraiment à Bethléem, dans une étable
Dites, si c'était vrai
Si les rois Mages étaient vraiment venus de loin, de fort loin
Pour lui porter l'or, la myrrhe, l'encens
Dites, si c'était vrai
Si c'était vrai tout ce qu'ils ont écrit Luc, Matthieu
Et les deux autres,
Dites, si c'était vrai
Si c'était vrai le coup des Noces de Cana
Et le coup de Lazare
Dites, si c'était vrai
Si c'était vrai ce qu'ils racontent les petits enfants
Le soir avant d'aller dormir
Vous savez bien, quand ils disent Notre Père, quand ils disent Notre Mère
Si c'était vrai tout cela
Je dirais oui
Oh, sûrement je dirais oui
Parce que c'est tellement beau tout cela
Quand on croit que c'est vrai.

Jacques Brel

vendredi 14 décembre 2007

البؤســـاء يعـــودون


ماهــمـشــي بـؤسـاء فـيـكـــتور هيــقو
و مـاهـمـشـي مـجـمـوعـة مـن الاطـفـال اللــي تـمّ امـتـهانـهم و امتـصـاص قــوة عمـل ذريـّــعـاتـهـم إبّـان الـثـورة الـصـنـاعـيـة
هـاذا مـشـهـد صـحـيح مـن بـؤسـائـنـا نـحـنا
مـشـهـد مـؤلـم آنا شـخـصـيـا ديـمـه نـْــطَـنـْـبـجْ فيه
هاذي عـيـّــنـة من أطـفـالنــا اللـي يـحـسـدوهـم بـقـيـة اطــفـال الـعالــم علــى مـجـلــّــة الـحـقـوق مـتـاعـهـم
واللــي أهـمــهاّ:
حق تـسـيـريــج الـصـبـابـط
حـق شــمـّـان الالـكـول و السـيـراج أثــنـاء اوقـات الـفـراغ
حق الـقـمار و الـنـّـوفـي تـحت الـــحيوط
هاذي ابـرز الـحقـوق اللـي تـنـطـق بـيـهم الـتـصويـرة ..و ما خـفـي كـان اعـظـم

mardi 4 décembre 2007

لا ... لحجب المدوّنـــات

اضم صوتي الى صوت قصة اون لاين
و غيره من الاصدقـــاء
، و اطالب برفع الحجب عن مدوّنة فري راس
على كل اشكال الرقابة و المنع و الحجب
التي تمـارس على الانتاجات الفكرية و الابداعــية
*******
من اجل تدويـــن حـــرّ

solidarité 2


يومــــيـّـــــات إضـــــــــراب الجــــــوع
اليوم الثالث عشر لإضراب الجوع : 02 ديسمبر 2007

لليوم الثالث عشر على التوالي، يتواصل إضراب الجوع ويتواصل معه الإصرار والتحدي، الإصرار على المواصلة حتى نيل الحق، والتحدي لإرادة القهر والتعسف، وعلى تخوم الجوع .... التضامن النضالي راسما أروع الصور وأجملها.
من زوّار اليوم وفد نقابي من جهة سوسة ممثلا لأهم القطاعات (التعليم الثانوي، التعليم الأساسي، القيمين، البريد والاتصالات...) ومن بينهم الأخ ماهر علي الكاتب العام لنقابة القيميين بسوسة الرياض، الأخ ماهر من مجموعة النداء الموسيقية أتى مرفوقا بعوده وشرع مباشرة في الترنم بأعذب الألحان وأجمل أغاني الشيخ إمام ومرسال خليفة والبحث الموسيقي وسط حضور بعض المساندين وتفاعل من المضربين الذين تأثروا كثيرا لهذه الحركة الجميلة والرائعة، فكان تعانق الجوع والجمال عنوانا آخر من عناوين المعركة.
- وعلى نفس وتيرة الحركات اللافتة، زار المضربين عن الطعام وفد من 13 عضوا من المكتب السياسي للحزب الديمقراطي التقدمي تتقدمه السيدة مية الجريبي الأمينة العامة للحزب والأستاذ نجيب الشابي الأمين العام السابق للحزب. هذه الزيارة الجماعية تركت أثرا إيجابيا في نفوس المضربين ولقيت الاستقبال من النقابة العامة.
- وفي مساء اليوم، وفي حركة لها أكثر من دلالة ومعنى انتقل أكثر من 100 عامل من عمال المغازة العامة من اجتماعهم العام إلى مقر الإضراب مؤكدين وحدة المصير بين العمال بالساعد والعمال بالفكر، وقد دوّن البعض كلمات في سجل الإضراب حاثين على الصمود والتضحية.
- ووفد على المضربين أيضا وفد من مناضلات ومناضلي الاتحاد العام لطلبة تونس بمعهد بورقيبة للغات حاملين معهم شريطا ورقيا طويلا دوّنت عليه كلمات مساندة وتضامن، وقد أضفى حضورهم جوا نضاليا عاليا إذ وفدوا مردّدين نشيد الاتحاد العام لطلبة تونس.
- وكان في زيارة جماعية وفد من المناضلين الحقوقيين من قفصة ونفطة أتوا لتجديد المساندة والمؤازرة.
برقيات ورسائل
- النقابة الجهوية للتعليم الثانوي بقبلي تعلم بتكوين لجنة جهوية لمساندة الإضراب
- النقابات الأساسية للتعليم الثانوي بسوسة الجوهر، وسوسة الرياض وبوفيشة
- النقابة الجهوية للتعليم الثانوي بسوسة
- النقابة الأساسية لاتصالات تونس بسوسة
- النقابة الأساسية للتأطير والإرشاد التربوي سوسة الرياض
- أعضاء مؤتمر متفقدي التعليم الأساسي
الإضراب في قناة "الجزيرة"
نقلت قناة الجزيرة في نشرتها المغاربية مساء أمس خبرا عن تنظيم أساتذة تونس ونقابتهم العامة لتجمع مساندة للإضراب عن الطعام الذي يخوضه ثلاثة أساتذة معزولون عن العمل وكتب الخبر أيضا على الشريط (bande).
الوضع الصحي للمضربين
واصل الوضع الصحي للمضربين تدهوره وخاصة بالنسبة لنقص الأملاح والكلسيوم ونقص الوزن والشحوب والإعياء الواضحة. أما المعنويات فهي عالية جدا.
إضراب جهوي قطاعي
قررت النقابة الجهوية للتعليم الثانوي بصفاقس تنظيم إضراب جهوي يوم الخميس 13 ديسمبر القادم إن لم تقع تسوية الملف المطرودين.
لجنة الإعلام والاتصال


للمساندة :

216.71.337.667 Fax :
profexclu@yahoo.fr e-mail :
synd_tunis@hotmail.com