mercredi 30 janvier 2008

جندي ... حصة خاصة


و انا نبربش في اوراقي القديمه .. جات تحت صوابعي ورقة امـّـركْـسَه ..مـْــهـرّيـَــه .. مشدوده بالسـّــكوتـش من الجّـْــوَايـهْ الكـل ..و تقريبا بدت تفقد في ملامحها .. المرة لولى ما عرفتهاش .. و تساءلت : شبيني مستحفظ على ورقة في الحالة هاذي ..؟ كي حليتها .. قريت فيها من فوق .. " بطاقة سراح " و من بين ما فيها .. اسمي .. و مكتوب قدامو : "جندي حصـّــة خـاصـّـــه" ...عاد ولـّيت نفـكـّـرت .. وبقيت .... شادد ... هاك ... الوريقة ... فيدي ... و ... نقرا ... فيها ...و...نعاود... و ... نقرا ... على .. أول باخرة بريطانية.. ترسـّي على سواحل فرجينيا ... في اطاراستكشاف العالم الجديد ... و نقرا مناش يتكون البرلمان الانجليزي .. و شنيّه حدود العلاقة ما بين الملكة و النظام السياسي .. و قصة الملك اوديب .. وإلا "كينغ أوديبس".. كيما كنا نقرو فيها في ديبارتمون الانقليزية .. و جورج أوروال .. و أنيمال فارم ... و قهيوة في البيفات مع لولاد ... كابـّـوسـّـان وحدة تدور بيناتـنا الكل ... نوع من البؤس و الفقر الجميل ... المنتج ... نعلمو بعضنا بآخر الأخبار.. و آخر ما صاير في الاجزاء الجامعية الاخرى .. و في البلاد .. و في العالم ..و نبرمجو اش باش نعملو .. ونوزّعـو المهام .. و تيكه .. و جوتون .. و بلاتو واحد في زوز والا ثلاثة ..و فينا اللي يبدا مزروب ..خاطر عندو موعد حب ..ورد .. سينما.. شط .. احتفال بالجسد ...و... وقتاش يجي البورس ..باش نعملو كعـيـبات في الويكاند .. و نغـنـّـو في شنابرنا ..باصوات عالية .. و الواحد شايخ .. متوازن .. أو...ديزون.. هكـّه متهـيـّـألو...حاسّ روحو مالك الدنيا .. صغر .. قراية .. ممارسة قـناعات ..و عندو صحيـّـبتو في عينيه .. و اكثر مالفرْح دَا مااحْـلمش.. واكثر م الـّلانا فيه ماطْـــــلبْــش .... :) .....و طاااااااااف ...نحل عيني نلقى روحي لابس كمبه خضرا .. وراسي الشـّــعـره لا .. و البروتكان ..ضاربني ..صغير عليّ..و لابسو بالسـّــيف ..و نهرول في الصحرا و عطشان .. تقولش عليّ ماشي نحارب في اليزيد بن معاوية :) ..و المعجم يتبدل من اللي كنت نحكي عليه الى : سرّيّة التدريب ..لورفيجانه ... واجب حراسه ... عضلحشْ...راقو (ثلاثة نقاط فوق القاف)....اتـْـجـمـّعْ..هرولْ .. انبطح ْ..مطروحة واحد .. خوذ وضع الجرمانة ..امرك يا عريف ..ردّ خبر.. خوذ وضع القـحـ...ـه المحترمه ..استعد .. استرح
و كل ما نجي باش نرقد .. يلزمني نتأكد انو ما ثماش زواحف سامة تحت المخدة و إلا لفعه راكشه في الثـّــنـْـيات متاع الزاوره
و الشّــيـخـه وين ؟؟؟
عام كامل.. .ما مسّيناش فيه كرطوشه ميتة بيدينا..وإلا حتى كروس متاع شتاير مصدّده ...ملا ميليتار...زعمة خايفين علينا م السلاح وقتها ..؟؟ ..وإلا رمونا في الصحرا هكاكه .. قال شنوة .. عام جيش .. و هوما في الحقيقه حبّو يرتاحو منا .. خاطر ظهرنالهم طلبة نفـكـّـرو..و ماناش مْعـيـــز نـبَـعـْـبـْـعـُـو... و هنا تـْــبسّـمْـتْ .. و في هاك التـّـبسيمه .. فقت بالورقة .. بطاقة سراح.. فيدي .. و عيني مرشوقة في عبارة " الجندي حصة خاصة فلان بن فلان الفولاني"... حَــــّطيتها على جنب .. و كملت نبربش في بقـيـّـة...اوراقي ... القديمه


lundi 28 janvier 2008

رحيل "الحكيم" جورج حبش


اليوم تشيع جنازة القائد "الحكيم"جورج حبش


صورة من الجنازة الرمزية التي أقيمت للفقيد في جنين

jeudi 24 janvier 2008

حـكايـة الـقــــاف

اِسـْــتـْــحَـقـّــُـو.. قـلـْـقـُـو.. سـرْقـُـو.. شـِـلـْـقـُــو بـيهم


ذ َوّقـُـوهم الـتـّـعـْـلـيـقـَـه و الـفـَـلـْـقـَــه


قـرّ ُوا


و كي قــرّ ُوا..عاقـْـبـُــوهم


كـمـّـلو الـعـُــقـوبه.. وقــَـــرّرُوا باش يـَحـْـرْقـُــو


حـَـرْقـُــو


واحـد غـرقْ.. و لاخرْ ما غـرقـْـش


أمـّـا كي وصلْ.. ما ورّقـْـــشْ


قـَـلـّــْـــقـُوه .. و راقـْــبـُوه خاطر قـَـوّدو بـيه


قـبـْضـُــو عـْـلـيه وْ وسـْــقـُـــوهْ


وقـتـها قـال : يا ليتني كنت غرقت


و رْجـَعْ للْــقـْـلـقْ


أمـّـا المرّه هاذي .. مـا سْرَقـْـشْ


.......


شـْـــنـَــقْ رُوحـُــــو


و لْـحـقْ هــاك صاحـْبـو اللـي غـْرقْ



mercredi 23 janvier 2008

طـفـل ... و طباشـيــر ... وجــــدار


المشهد متاع الـصـّــغـَـيـّـرات اللي يخربشو.. و يكتبو عالحيوط..في الـحـْـوُمْ الشعبية خاصة.. بالطباشير و اقلام الزينه .. ومـرّات حتى بالفحم.. مشهد مزيـان .. و احيانا ..كي تصادف و نعثر في مشهد كيف هكـّه.. نسمح لروحي باش نبقى بعيد عليهم شوي .. و نراقب في العملية بالسرقة منهم .. و بكل انتعاش .. حالة واحد محروم من حاجة.. و يشوف في غيرو يعمل فيها.. ويعمل فيها بكل أريحية زاده :)
و نبدا نشوف فيهم قداش محـتـفـلـين بلحـظـتهم .. و نشوف كـيفـاش العلاقة ما بين الذات المعبرة (الصغير) و وسيلة التعبير(الطباشير/ قلم الزينة) و مجال التعبير(الحيط / الباب) علاقة منسجمة.. و منسابة .. و متكاملة و ما
تدغدشـهاش حتى عوائق و الا حواجز

اللحظة اللي يمسك فيها طرف الطباشير.. و يصور بطل الكوميك اللي يحبّو.. و الا يعاود يمثـّـل درس القراءة اللي قراه نـهـارتـها في القسم .. و الا - باش نكونو واقعيين- يكتب في كلمة " بذيئة" متعلمها جديدة و فرحان باستعمالها.. تالحاصيلو.. يكتب في أي حاجة .. ما نعتقدش انو في اللحظة هاذيكة يكون مرتبك.. و الا مسكون بهاجس متاع خوف من كرهبة ضخمة .. بيضا و كحلا..مثلا..تعمل بجنبو فران ساك .. و يهبطو منه..مثلا ، زوز عزلـّـكة.. و يكرفتوه بتهمة..مثلا.. الكتيبة عالحيوط.. و ما تبعها من نشر اخبار زائفة و اثارة البلبلة و الشغب في الطريق العام ...


بالعكس
هو وقتها في لحظة نشوة كبيرة.. و يحس اللي ذاتو تحققت.. و مخزوناتو تفجّرت.. و مكبوتاتو تـْـكـَبـّـِـتْ :) ... و حتى كي يمشي يعمل دروسو.. و الا يعمل أي حاجة اخرى .. يعملها بإتقان و تركيز .. على خاطرو متوازن و حاسس بالأمان .. و بالثقة في ذاتو و في الآخرين ..

lundi 21 janvier 2008

لنوقد شمعة في وجه الظلام


غـزّة ... فـــي قـلـــوبـنـــا

dimanche 20 janvier 2008

قيس و ليلى..هالة و الملك..زمبرة و لي ريو هونغ

الصينيون يقترعون في… الجزائر!

وقاد الحضور الصيني الطاغي في المنطقة المغاربية إلى مواقف هزلية، آخرها ما كتبه الصحفي الجزائري مسعود دكّار بمناسبة الإنتخابات الولائية والبلدية الأخيرة، إذ استعرض انطباعات مواطنين استفتاهم عن رأيهم في الإنتخابات ليخلص إلى القول “لا أحد من هؤلاء استقطبني أو ‘’دغدغ'’ شعوري، ماعدا تصريح لأحد الشباب ‘’اليائس′’ في مقهى بإحدى الولايات الداخلية، الذي قال ‘’ما دام الصينيون جاؤوا إلى بلادنا الجزائر وينجزون الطريق السريع شرق ـ غرب ومشاريع السكن بكل أنواعه والسدود والحواجز المائية… وقرأت أيضا في جريدة ‘’الخبر'’، أن رئيس الفدرالية الجزائرية لكرة القدم السيد حدّاج كان في الصين للبحث عن لاعبين للفريق الوطني لمحو آثار النكسة تلو الأخرى
وواصل الشاب ‘’فلماذا لا تستعين وزارة الداخلية والجماعات المحلية، من خلال ولاة الجمهورية، بآلاف الرعايا الصينيين واليابانيين الموجودين حاليا في الجزائر، وتطلب منهم أو تدعوهم من باب الكرم، ليتوجهوا يوم الانتخاب إلى
صناديق الاقتراع وينتخبوا مكاننا من سيكون رئيسا علينا في البلدية؟

المقطع الطريف هذا ، عثرت عليه هنــا ..أثناء تبربيشي على ما يشفي نهمي و يوضّحلي الرؤية اكثر في موضوع زمبرة و الصين..بعيد على المعجم السطحي من النوع التالي
التصور الاولي لهذا المشروع الرامي الى تثمين جزء من الجزيرة وحماية مواقعها المصنفة تراثا عالميا من قبل اليونسكو...
أو
بعث سياحة راقية بالتكامل مع مشروع صحي مع المحافظة على الخصائص الطبيعية والبيئية
أو
ومن المرتقب أن يساهم هذا المشروع في احداث عدد هام من مواطن الشغل في المجالين السياحي والصحي
أو
فضلا عن الاسهام في تنويع المنتوج السياحي الوطني بتشجيع السياحة البيئية والثقافية والصحية

*****

و ثمة بااارشة مواقع تناولت الموضوع هذا ، لكنها ما سلمتش من العجالي متاع الـ 404

زعمه علاش ؟؟؟
زعمه على خاطر تناولوه من وجهات نظر اخرى.. تحطـّو في اطار التوازنات العالمية.. و السباق المحموم و الشرس متاع الامبرياليات ، العجوزة منها و الـفـتيـّـة..على"الاستثمار" في البلدان" النامية" ؟؟؟ و الا على خاطر ما عملوش على"تثمينو" بل حطوه في اطار الازمة الاقتصادية و المالية المحلية.. و كيما قالـّي احد الاصدقاء : نشالة ما يطلعش عندكم البترول في حومتكم..سينون..راك تـنـجـّم بين ليلة و نهار ..تاقعـلك ميتامورفوز من أحد "كبار الحومة" الى مجرد آس.دي.آف

jeudi 17 janvier 2008

احـــتـلام



كـْـتـِـبْ...كْــتِــبْ...كْــتِــبْ

يـاخي كِــبـْـتـُـــوهْ

و كـــِي تــكـْـــبـِـتْ

بْــدتْ كـتـِــيـبْــتـُو تـْـبَــكـْــبـكْ فـي مكتوبو

هاي تـْـبـكـْـبـكْ ..هـاي تـْـبـكـْـبـكْ .. هـاي تْـبـكــْــبـكْ

و في تـْــبَـكـْــبـِــيكـَــه من التـّـــبَـكـْــبـِــيكـات

كـَــبّ كـْــتـِــيـبـْتـُــو على روحـــو

:)

mercredi 16 janvier 2008

الكراســـــي


الأطـفــــال
لا يـعـــشـقـــون الـكـــراســـي
بل
يـعـبـــثـون بـــهـا

dimanche 13 janvier 2008

Cent poèmes / chansons pour la liberté ... Moustaki et Reggiani



Ma liberté

Ma liberté

Longtemps je t'ai gardée

Comme une perle rare

Ma liberté

C'est toi qui m'as aidé

A larguer les amarres

On allait n'importe où

On allait jusqu'au bout

Des chemins de fortune

On cueillait en rêvant

Une rose des vents

Sur un rayon de lune

Ma liberté

Devant tes volontés

Mon âme était soumise

Ma liberté

Je t'avais tout donné

Ma dernière chemise

Et combien j'ai souffert

Pour pouvoir satisfaire

Toutes tes exigences

J'ai changé de pays

J'ai perdu mes amis

Pour gagner ta confiance

Ma liberté

Tu as su désarmer

Mes moindres habitudes

Ma liberté

Toi qui m'as fait aimer

Même la solitude

Toi qui m'as fait sourire

Quand je voyais finir

Une belle aventure

Toi qui m'as protégé

Quand j'allais me cacher

Pour soigner mes blessures

Ma liberté

Pourtant je t'ai quittée

Une nuit de décembre

J'ai déserté

Les chemins écartés

Que nous suivions ensemble

Lorsque sans me méfier

Les pieds et poings liés

Je me suis laissé faire

Et je t'ai trahie pour

Une prison d'amour

Et sa belle geôlière

Et je t'ai trahie pour

Une prison d'amour

Et sa belle geôlière





Je vous invite à chanter avec Reggiani , votre...notre liberté..

jeudi 3 janvier 2008

الـفاضـــل ســاســي..كــيـــمــا الــــيـوم




عاشــقٌ

يـسـتـحــثّ الـخـطـــى
و يـبـدّد حــــزن الـوطــــنْ
بـأرْوقــــة الشــّــارع / الـمـنـعَـــَطـفْ

لا تخفْ

دَعْ أريـــــج الـقـرنـــــفـل ينــحــت قـلـبـك

دعــْـهُ يـعـمّ البــــلادْ

فـالــنّـدَى
فـــــي شـرايــيـــنــك الــدافـئـــاتْ
لــن يـجـــفّ

صِـحْ فـقـد زُعـْــِزعَ الـتـّـــاجـر المرتجــفْ
كــن جنــــين الأمــــــل

وولـيـــــد الـــــحياة

...



لاش تقولو مات الفاضل
ما تقولوش الفاضل مات
الفاضل في قمحك يا سبوله
في الزيتونة في النخلات
الفاضل يا نوار اللوزة 
فاتح في غريق القـرات

شعاع النور في ليلة دمسه
سربة في حلق البايات
ماشي واحد راجع خمسة

ساير في طريق الحياة


...