mercredi 26 décembre 2007

بــلاد الجـــوع




اتضح انـّـو الجـوع فـي هــالبلاد قضيـّـة مــالها معنى ، و لا فرق بين جيعان و شبعان الّا بالتقوى و المنــاشدة .. رغم تشدّقنا ، الى درجة الاحساس بالرغبة في الغثيان ، بمصطلحات ممجوجة تكسـّـر الـ...من نـوع : العــمل على ترسيـــخ اسس المجتــمع الــمدنــي ...الارتقاء الى مصاف الدول المتقدمة و...و...و..هاك الدول اللي وقت اللي يجوع فيها قطّـــوس ، بل ، وقت اللي ياقع فيها تجويع قطّوس ، يعتبر حدث من شأنو باش يلمّ الطامّة و العامّة ، نتــذكّــر إنـّــــي تفرّجت مرّة - في ركن الطرايف متاع نشرة إخبارية لإحدى الفضائـيّات - على فيل امتنع على الماكلة لمدة كبيرة إحتجاجا على سوء معاملة مـــولاه ليــه .
أمّا قضيّة الثلاثة أساتذة اللي اضراب الجوع مـتـاعـهم دخل شهرو الثاني ، ما تتمّش تغطيتها و إضائتها لا في ركن الطرائف و لا حــتـّـى في ركن الـسّـخط الـمـسـخط .
لو كنا فعلا في مستوى الشعارات اللي عادة ما تاخذ ثلاثة ارباع توقيت نشرات الاخبارالرئيسيــّــة و الجهويّة و الخْـراويّة ...متاع انّــا ولّينا كيــفنا كيف الامم المتـقدّمة..بل نفوقوهم في بعض المجـــالات ..و متاع انّــنا ولّينا مدرسة عالمية للتضامن ومرجع لحقوق الانسان ، كيفاش مــّـــاله نتفاعلو بكل هالسلبية و هالتعنّت و هالــسّــقـُـوطْْ مع بشر يعبّر على رفضو و احتجاجو بطريقة يدمّر بيها في ذاتو و يخـيـّـر بيــها في الموت البطيء المحـتـمَـلْ على حياة مهــينة و ذليلة و خــانقة ..؟؟ الأمر اللي هو ماهوش شويّة ، و حـَدَثْ ماهوش هَــيِـّنْ بالكل ، و ماهو هـيّـن إلا على كمشة من المحتالين الجشعين اللي مستعدّين يْــجَـوّعـــو شعب كامل و موش ثلاثة إفراد فقط..باختيارات اقتصادية عقيمة ، و بشراكات وهمية قايمة على الاحتكار و النهب و
تعميق الفوارق




4 commentaires:

Anonyme a dit…

zeyed el 7dith m3a eli mé yefhemkchi , haljachi3in w halmo7talin mech bech tet7arkelhom cha3ra,7alethom may2ous menha... lezem el cha3b yfi9 w yet7arek...

الحكومات لم تنزل من السماء بالمظلات، إنما هي نتيجة وضع شعبي مختل

الشاعر الكبير /أحمد مطر

brastos a dit…

هذا اكيد ..
لكن الاختلال الكبير هو ان يقع حرماني في العصر هاذا .. من حقوق فرضتها الانسانية منذ مئات بل الاف السنبن : حق الشغل
و اللي من المخجل انّو يتحط في نفس الميزان مع حق الحياة ...
مرحبا شهرزاد

Anonyme a dit…

Chokran brastos.
vous avez raison,j'espère que cette année sera bien meilleure pour vous.
heureuse de croiser votre blog.
j'vous souhaite une bonne continuation.

brastos a dit…

heureuse année sherazad
j'espere te lire tres bientot ...