mercredi 7 octobre 2009

هلوسات ناخب أطرش

ـ انتِ خايـب ؟ و الا انت باهـــي ؟
ـ ش مدخّلنا في السياسه ؟ قالّو انتخاب و انتباه .. خاطي خوك
ـ طــْــرَشْ
ـ شـْـرَطْ..؟ ايه ثمّه شـَـرْط بالطبيعه : شـَـرْط الانتخاب الـباهي .. هو الانتباه .. و من غير انتباه .. يولي الانتـخاب خايب
ـ مادامك تشرط في الانتخاب بالانتباه ، انت خايب و ماكش باهي ، اش فيها الحكاية ؟ ورقه في صـــنـدوق
ـ ش قتلي ؟ صِــدْقْ على الـورق ؟ ايه .. تنجّم تقول
ـ طــْــرَشْ
ـ قتلي شــْـطَرْ ؟؟ ايه شطر الاوراق ماهيش في الصـنــدوق ، و شطر الـصّــدق ، على الــورق
ـ شبيك بليد ؟ تحبّ الـبلاده ؟
ـ لا .. نحب البلاد ْ ... و لا نـبدّلـها لا بدولار و لا بدلاع
ـ ماله انت خايب
ـ محسوب انت باهي
ـ ماعادش اطرش توّه ؟
ـ لا مانيش أطرش .. اما أشطر منّك في نـشران الـشــّــريـطـه وبرّه

4 commentaires:

ferrrrr a dit…

نقشة طايبة في حقها، في موسمها

brastos a dit…

اهلا مصرقة
حتّى احنا طـُـبنا .. ههه

jaccuze a dit…

أهلا براستوس

اقتراح خارج عالموضوع يتعلّق بتحيين مجموعة صور مجرمي الحرب إللّي عالواجهة متاع مدوّنتك.....

نقصد إضافة تصويرة محمود عبّاس تعبيرًا على الموقف الخياني متاعو ضد تقرير غولدستون

brastos a dit…

@ ferrrr
نقصد مطرقة


@ jaccuze
اقتراح جيد
حاميها حراميها
قال احمد عدوية : زحمه .. يادنيا زحمه
و توّ يلزمو يقول : عولمه .. يا دنيا عولمه