vendredi 5 février 2010

حجب آخر .. تخلّف أخر .. تقهقر أخر .. على درب الحداثة والرقيّ

يتواصل المسلسل المقرف و المتخلّف و الماسط متاع حجب المدونات على اساس آلأراء السياسية المختلفة متاع اصحابها
تقريبا في ظرف شهر من زمان ، انا شخصيا شهدت حجب خمسة مدونات جاكييز (إثر نشرو لرسالة سهام بن سدرين) سفيان الشورابي ، ارابيكا ، منجي الخضراوي إثر نشرو لأحد مقالات الراحل محمد قلبي

و توّة مازلت كي اكتشفت حجب مدونة "افكار ليلية


بكل ما يعني ذلك من استغباء و استبلاه للناس ، و كانّ مجرّد حجب مدوّنه كافي لاسكات صوت صاحبها ، و الا إثناؤو على التفكير بطريقتو هاذيكه ، و الا ، و حتى على مستوى تقني ، كافي لمنع الناس من الدخول ليها

نحبّ بالمناسبة نتوجّه بسؤال (للاسف لا فائدة ترجى من الاجابة عليه ) سؤال لمحترفي الكذب على الذّقون ، و اللي بكلّ برود (فريجيديتي)إزاء ما يحدث للمدونات الجادة و المختلفة ، ما يخجلوش من انّهم يتشدّقو علينا بالدروس في الديمقراطية

هنيئا لكم تبوّؤكم مكانة ريادية في هذا المجال : مجال إلجام و تكميم الافواه على درب الحداثة ... و الرّقي

2 commentaires:

Anonyme a dit…

تيولي معدش عندنا الحق الا في موقع التلفزه التونسيه نهر الاربعاء العشية في جرة عمار وجماعت

brastos a dit…

شي يعيّف انّها المدونات اللي تفكّر و تحلل و تنقد و تعبّر باسلوب حضاري تلقى نفس مصير المواقع الاباحبة و الارهابية