mercredi 21 novembre 2007

نعم لصراع الافكـار..لا لصراع الـمـؤخـّــرات

إيمانـّـا بحق الإختلاف مازالت تشوبو برشه شوايب ، و مازال سجين خلفياتنا الإيديولوجية الضيقة ، و أحيانا ، الذاتية و حتى المزاجيـّـة.
معقول برشه ، و ماهيش جريمة باش الواحد تكون عندو خلفية ايديولوجية ، من خلالها يقيم تصورو للعالم، للتاريخ، للعلاقات، للأحداث ، و يبني اطروحات بديلة باعتماد اداة التحليل اللي يشوفها انسب و أقرب للدقة و للصحة
أما هاو الخطر وين : وقت اللي تتحو ّل هالخلفية الى مطيـّـة لتكفير لخرين و الحكم عليهم بالجهل لمجرّد انهم ما يشاركونيش فكرتي وإلّا ماهمش معايا في نفس الصندوق ...ووقت اللي تتحول هالخلفية الى ادّعاء التفرد بامتلاك الحقيقة..و ممارسة نوع من التعالي الوهمي و المرضي العقيم على كل من يختلف معايا
بالطريقة هاذي نولـّـيو ماحناش إزاء ناس تفكر و تنقد و تحلل ، بل إزاء ستايك حليب ، و أقفاص دجاج حاكم ...قال شنوّة ، نفكـّّرو كيف كيف .
(نتوجـّه بالكلام هاذا لبعض المدوّنين و بعض المعـلـّـقين اللي يمارسو في عرك الحـوُمْ ، و عرك الحمام ، و الحزّان الجربي ويطبـّـقو في انصر اخاك ظالما او مظلوما في غـير بلاصتها
اللي تسمّيه انت مقدسات و خطوط حمراء ، غيرك يسمـّـيه اسباب للجهل و للتخلف و للإعاقة الفكرية و الحضارية..
و اللي نسمـّيه آنا نقد و تحليل و جرأة في إثارة المسكوت عنـّو ، و حطـّـانو في إطارو التاريخي و إزالة أكداس الغبار المتراكمة عليه اللي تعيق فهمـنا الصحيح ليه ، تسمّـيه انت تهجم على المقدسات و مسّ من المحظور
اش عملنا مـّـاله ؟؟؟
الإختلاف هاذا نهائي و مطلق و أبدي وأكثر من ذلك ، طبيعي . أمـّا هل انو بالضرورة يؤد ّي لهالحوارات العقيمة بما تحتويه من تبادل للشتم و السب الإخلاقي الرخيص و جبدان لخوات و لـبـّـيـّــات و المؤخـّرات...
و إلّا مقارعة الحجة بالحجة ، و الفكرة بالفكرة .. ...في جو من الصراع النظري الفكري الإيجابي ، حتـّى ولو ما يتمخـّـضش هالنقاش بالضرورة على الاتفاق ، و موش لازم يكون بالضرورة هادئ و متربـّي ، اما خليها تكون " قـلـّـة تربية " فكرية و ماهيش أخلاقية.. بالضـّـبط كيما تمارس الأمم اللي احتلتنا ، و محـتـلـّـتـنـا ، و على هالحساب هاذا، مازالت باش تكمّل على غربتنا

9 commentaires:

Kibitz a dit…

مع الاسف هذا الشيء الي تربات عليه الاغلبية
مجتمعنا توة فيه برشة عنف
عنف لفظي و عنف مادي كانه هو المعيار الوحيد لقيمة الفرد

brastos a dit…

اهلا بك kibitz
هو اكيد رد فعل على عنف آخر ..أما مع الاسف
mal orienté

L'AsNumberOne a dit…

allah ghaleb...!!!!

Anonyme a dit…

merci d'avoir lu et merci pour le commentaire , mais tout ce que je veux te reclamer c'est vraiment ce que je suis et ce que je sens pour ce pays et notre vie et notre culture et pour cet article desolé il faut bien etre plus spontané et audacieux et bien preciser qui vous accusez ; ou bien t'as peur des "7noucha"...

brastos a dit…

je n'accuse JAMAIS des personnes....
j'accuse .. plutot.. des idées...des manieres...
merci pour le passage...

nasr a dit…

je ne qualifierais meme pas ce que tu deplores de gachis d'energie.. je dirais que c'est des enfantillages,
صبيانيات
متفق معك و أشاطرك الألم، و أبلغته للمعنيين به
رد الفعل كان قويا، صارما، مصرا على المضي قدما

brastos a dit…

@ Nasr
je suis completement d'accord avec toi
mais je n'ai pas peut etre bien saisi ta derniere phrase :
...و أبلغته للمعنيين...
t'es tjrs le bienvenu ...

nasr a dit…

je voulais dire que j'en ai discuté avec les bloggeurs concernés.. l'un dit "ne pas etre fier de ce qu'il a fait, mais de l'assumer"
l'autre dit "لم يعد ينفع الا الكي"
bref
de l'entetement et un soupcon d'autocritique.. peut etre qu'il y a a espoir..

brastos a dit…

ok nasr ..je t'ai bien compris