samedi 16 février 2008

عصافير التوت

منين كنــّا صْغار

كان عـنـّـا جــار

هالجار عندو دار

وفيها شجْرة توت

و هالتوتة كانت عاليه

ورقها مْــغـطـّـي لحـْـــيـُــــوْط

فيها حمامــات و طيور

و عْـــشوش ... و حِسّ كبير

سمـّـيناهم: عَــصافير التوت


*********


نتفكـّـر.. مـرّه.. عـْــشـيـّـة

بين ضَــوّ .. و بين ْظـلامْ

توتة حلوّة و منسيّـة

و كِـبْــــرت بيها لعْــوامْ

سْــرقنا منها فُـــمـّـين

و كنا فيهم لاهين

و خاطرنا صغار

الدنيا

سرقت منا لـيـّـام

و كْـــبرنا.. كيف عصافير التوت


*********


و نْــهار.. هـبّـت ريح

و بدت لعشوش اطـّــيح

الجار .. ماعادش جار

و الدار .. ما عادت دار

و مْع سْـــنِــيني و سْـــنِــينك

و مْع الـعُـمْـر اللي يفــوت

نْـــسـيت .. لون عيونك

و نسيت .. طعم التـــوت

يا ريت ترجع عصافير التوت


8 commentaires:

Anonyme a dit…

ما أحلاه الصغر...اى حاجة كانت اترضينا وتعطينا برشة أمل وادخل الفرحة لقلوبنا أمّا توة ....اسلوبك ذكرنى بآدم فتحي برشة شاعريّة وبساطة ...شكرا يا صديق على الشعر الصباحي الجميل

Anonyme a dit…

C'est à mettre en musique cette petite ballade délcieuse.
azwaw.

brastos a dit…

@ arabicca
merci bien ..
امّا توه ... ولّات كان الـكالكيلاتريس خدّامة ...
مرحبا بيك صديقتي..صاحبة النصوص الصباحية و المسائية الاجـمل ...

brastos a dit…

@ azwaw
effectivement azwaw .. ca a été deja fait ..c'est une chanson extraite d'une petite operette que j'ai écrite il y a des années ...
منين كنت نافح :)
mais devant ces encouragements .. je ne peux que promettre de poster la chanson tres prochainement ..
merci

Anonyme a dit…
Ce commentaire a été supprimé par l'auteur.
Anonyme a dit…
Ce commentaire a été supprimé par l'auteur.
brastos a dit…

@ jaccuze ... mais qu'est ce qui s'est passé .. je viens enfin te repondre mais je ne te trouve pas !!!!

يا ناسي طعم التوت .....
;););)

Anonyme a dit…

يا نـاسـي طـعـم الـتـوت
مع كل عام يـمُـرْ
العـمُـرْ هو الـتـوت
وحـلاوْتُـه في الـمُـرّْ