dimanche 11 janvier 2009

المظاهرات : حرام = المظاهرات : دروشه


رئيس المجلس الاعلى للقضاء في السعودية : صالح اللحيدان يفتي بفساد المظاهرات .. انظر هنا



و عندك زادا .. عمّك ابو اسحاق الحويني


مقطع فيديو هنا

المظاهرات : فساد في الارض


و الداعين لها و المشاركين فيها مفسدون .. وجب .. ردعهم




موش ثمّه تقاطع ما بين الفتوى هاذي .. و الفتوى لخرى ؟؟؟ هاك اللي تسمّي المظاهرات : "دروشة جماعية" ؟؟؟؟؟ ــ

14 commentaires:

jenni a dit…

اهلا براستوس

ما ينقب عين الفلّوس .. كان خوه

3amrouch a dit…

براستوس
فرق كبير بين الراي الشخصي وبين الفتوى الي تكون ملزمة
عبر عن رايوا وخاصة امام عمليات التخريب والسلب والنهب الي يرافقوا مثل هذه الامور

kissa-online a dit…

راهم العتارس السلفية و الشلايك المتصهينين زوز وجوه لنفس العملة.هوما متشاركين في نفس الفكرة.الشلاكة قال البارح احنا عايشين في جمهورية و نتمتعو بالحرية
اذن" لا تقاوم"
و العتروس السعوديي كي تكلم على الفساد يعرف اش يقول لانو يتحدث عن الفساد بالمعنى الشرعي يعني القيام على امير البلاد
دونك الميساج هو نفسو: لا تقاوم

brastos a dit…

@ jenni
اهلا بيك ..
سعه قولّي .. ياخي وين كنت مختفي ؟؟؟

تظهرشي جنّي بالرّسمي هههههههه؟؟؟؟؟

brastos a dit…

@ 3amrouch

لا عاد ... هاذي ما فيهاش

هالموظفين لدى الامراء و السلاطين و الرلاؤساء .. يلزم فتاويهم الكل تكون في صالح حكامهم

انّو ياقع بعض الاخلال بالامن اثناء مظاهرة و الا اثنين .. ما يأدّيش هاذا الى منع الناس من ممارسة هالشكل الاحتجاجي المتحضّر .. و الا الافتاء بفسادو

brastos a dit…

@ kissa
و بئس ما اتفقا عليه

عبرات، ألم و أمل a dit…
Ce commentaire a été supprimé par l'auteur.
Anonyme a dit…

Ils sont un peu comme nos imam qui prêchent ce que leur dicte les gouvernants . Ces gens là ne sont pas crédibles et je doute que la population à moins d'être complètement idiote ne tienne compte de ces fatwas qui ne visnet qu'à protéger le pouvoir établit et surtout leur portefeuille .L'arabie séoudite applique les techinques tunisienne, d'ailleurs tous les pays arabes s'inspire de nos tecniques très efficaces.Il faudrait peut-être que nos dirigeant pensent à les commercialiser et non pas en faire profiter gratuitement les riches du golf . On voit que les reunions des ministres arabes de l'intérieur à porter ses fruits .

ART.ticuler a dit…

اتفق مع قصة تماما ..التطرف والتحجر ينتهي باصحابهما الالتقاء في آخر المطاف..إذ أن الموقفان ينطلقان من مفهوم الحقيقة المطلقة التي لا يمكن أن تكون إلا لاهوتية وإن اختلفت صورة الرب

عاشور الناجي a dit…

أخ براستوس أدامك الله ذخرا لمحاربة أذناب الطابور الخامس أعداء الوطن و الهوية و الإسلام، هؤلاء هم العدو الحقيقي، لا اسرائيل و لا الاستبداد و لاالفساد ، هنيئا لكم فعلا معركتكم ضد هؤلاء يا أخ ، أعملوا فيهم أقلامكم و سيوفكم يعذّبهم الله بأيديكم و ينصركم على القوم الكافرين، آمين

brastos a dit…

مانيش باش نردّ عليك في صلاتك اللي صلّيتها و الا في الدعاء اللي تضرّعت بيه .. لانّي نحترم معتقداتك .. و انت حرّ في ذلك .. فلكلّ طوطمه ... إن كان : "الله" او : " اللا الله" ... ـ

باش ناقف هنا في : "أخ" براستوس

"أخ" ؟؟؟؟؟ ـ

وقت اللي انا كنت ناكل على خليقتي ، من عند اصحاب اللحيّ بمختلف الوانها .. اصفر و اسود .. لين نقول يزّي .. باش نتمتّع انا و اللي من بعدي بحقّنا في الاختلاف و التعبير .. و بحق الالحاد .. كيما حق الايمان .. نتصوّرك وقتها مازلت في مرحلة "مسلم" .. و مازلت ما دخلتش مرحلة "السابق"

على كل .. ادعوك لاتخاذ حل اكثر جذرية لقلقك الحضاري .. و الهجرة الى الـ"بلد" الذي تعشق "تفوّقو العلمي و التكنولوجي" .. و تعشق "علمانيتو" و "حداثة دولتو" و "محاربتو للجهل و الظلامية"

و اترك القضايا الحقيقية و الكبرى .. لاهلها .. للقادرين على تحمّلها

عاشور الناجي a dit…

حاضر عرفي

شوف براستوس ، نعترف و أن كم النعوت الي لقيتها هنا استفزني و كنت نتمنى منك انت بالذات عدم الانسياق وراء التخوين و الشخصنة، غيرك كتب عشرة مرّاة قدك و ما تلفتلوش لأنه أصلا ما يهمنيش و الشيئ من مأتاه لا يستغرب، لكن انت بالذات كنت تهمني،

أنا وعدت اني نعتذر لو عاودت طحت في مستنقع مناقشة الأفراد و ليس الأفكار

لذا اعتذر عن تعليقي أعلاه،

الغضب أعمى و أنا في النهاية بشر

شكرا سيدي الكريم و عذرا للإطالة

و على فكرة أنا أسعد الناس لوجود مدافعين مثلك عن حق المعتقد و حرية التفكير و التعبير

brastos a dit…

@ عاشور

انا ما خوّنت حدّ

اللي يحب ينتمي لطابور من الطوابير ، ما يستناش منّي انا باش نصنّفو

عارضت وجهة نظر متخاذلة تجاه مقاومة العدوان إن ارادت ذلك ام لم ترد

لا يهم ان تكون انت ممن يتبنّون وجهة النظر هذه ،ام احد الاصدقاء ام زملاء العمل الذين اشرب معهم قهوتي الصباحية..ام تصريحات اعلامية لجهات معينه

لا اذكر انني شخصنت المسألة

هل تُراني قلتُ شيئا اكثر من : "بعضهم" ؟؟؟؟؟ ـ

بالتاكيد : لا

Anonyme a dit…

chbih ma 7arramch les manifestations mtaa el e7tifélét b intisar l'equipe nationale
mte3hom ?????

hadhika ma tlahhich la3béd 3la dhekr allah ????