jeudi 29 janvier 2009

اضراب فرانسا اليوم .. و مخّي



اكيد انّكم فيبالكم بالاضراب العام اللي دعاتلو النقابات في فرانسا اليوم .. و اللي توقّعولو شـَبــَه بالخميس الاسود متاع ازمة 29 .. ـ احتجاجا على سياسة ساركوزي اللي تعاطت مع الازمة على حساب الشغالين
التفاصيل هنــا




اللي ديمه يطيّرلي مخّي في المناسبات هاذي هو المقارنة اللي نلقى روحي نعمل فيها لا اراديا بينّا و بينهم .. بكل اسف .. في عدّة مستويات .. سواء الاعداد للاضرابات .. الاعلام ..الدعاية .. تقبّل الناس ليها .. تقبّل الحكومات المتوجّهة ليها اصابع الاتهام .. تنزيلها اعلاميا منزلة الحدث العادي .. شوفو هنــا كيفاش توقعات صدى الاضراب، ماخذة طابعها الاعلامي التحليلي "المحايد" .. بل الجميل و الاحتفالي (لعب .. و ثلوج ... ) و ماهيش ماخذه الطابع الكارثي ..الانتقامي .. التجريمي .. بل الراقي ..الحضاري.. الانساني .. اللي يعكس وعي الناس بكرامتها المهنية و بكياناتها الانسانية .. تنظيم و تأطير و ترشيد طاقات الرفض في الانسان .. حتى يتم توجيهها توجيه صحيح .. صحيح بمعنى ناجع



ما نتصوّرش كان ثمّه فيهم اشكون يتساءل في تساؤلات من نوع: قدّاش من واحد باش يتفصل على خدمتو خاطر شارك في الاضراب .. ونذكّر هنا بقضيّة الثلاثة اساتذه اللي وقع طردهم في السنة الفارطة لمجرد انهم شاركو في اضراب

و ما نتصوّرش كان نهار اذا واحد يمشي يطلّع في رخصة متاع تاكسي مثلا .. يرفضوه .. على خاطر ولد خالتو شارك في اضراب عامين لتالي

و ما نتصوّرش كي تجيهم الفيشه راس الشهر .. يلقوهم سرسبوهالهم حس تحت مس و قصّولهم اجرة يوم عمل .. بعنوان غياب غير شرعي

و غيرها من سيناريوات تجريم الاضراب و تجريم الاحتجاج عموما ، اللي قاعدة ترجّع فينا قرون لتالي .. و قاعدة تنحت فينا في ثقافة القطيع البعباعي .. وقاعدة ترسّخ في اذهان الاجيال الصاعدة اللي الاضراب و التظاهر ممارسة فوضوية حقودة عنيفة سلبية متآمرة على امن العباد و البلاد..كيما هالنموذج المسكين مولى التعليق الخامس على تدوينة عياش

شي يسخــّـف .. و يعيـّف

9 commentaires:

008 ( Хмайес Банди ) a dit…

Au moment où le sujet tunisien serait disposé à faire des sacrifices pour mériter le qualificatif de citoyen, dont il est actuellement dénué, nous pourrions envisager un élargissement concret de l'espace des droits et libertés civiques, non pas suite aux "mesures bureaucratiques" mais après une véritable prise de conscience collective, motivée et résolue...

Autrement, on se gardera toujours de toute menace qui mettrait en péril notre droit "naturel et constitutionnel" de bouffer chaud l'hiver… et de bronzer idiot l'été !

bent 3ayla a dit…

معبرة برشا عبارة القطيع البعباعي...
انا قاعدة نتساءل، مادام قادمين علي انتخابات نتيجتها معروفة من عشرة سنين لتالي.. علاه ما ندعيوش للمقاطعة؟ الورقة تدخل بيضا تخرج حمرا، اما كي الشعب يقاطع الانتخابات، كيفاش بش يلونو العدم؟

3amrouch a dit…

ملاحظةعلى العريضة
باش عريضة يكون لهادور وتؤدي المطلوب فيها برشة قواعد وطرق تتبع
اهم حاجة انو واحد يصحح باسمو ولقبو يعني هوية كاملة ويمضي قدامها
ماهيش فوروم ولا لعبة باش نحطو بسودو تي هككة يضحكو علينا لعباد وتتميع لحكاية
اسامي من نوع
-Il blad mahich likoum ou il houria aandha qima
-kiki cd
والاخر كلمة طالب بالفرنسية كاتبها بالغالط
تتخيل في مخك طالب وميعرفش يكتب كلمة طالب بالفرنسية
موش معقول حتى طرف
ماتعود كان بالفشل للمبادرة
الي موش مقتنع ولا ميحبش اسمو يطلع في الصورة موش لازم هو حر صحيح الكثرة والعدد باهي لكن زادة النضج والاحساس بالمسؤلية اهم
وشكرا

brastos a dit…

@ 3amrouch

تعليقك غريب

مادامي عريضة اقتراضية .. تدخل في اطار النشاط الالكتروني..اللي يمشي بالتوازي مع التحركات الاخرى النقابية و الحفوفية .و الهوية الالكترونية متاع العباد ، صحيح انها افتراضية ، اما زادة تؤخد بعين الاعتبار .. و تأكّد انهم اللي صحّحو بشر و ماهمش طواول والا كراسي والا حجروالا علالش
!!!!!
الانتقادات متاع الاخطاء اللغوية .. متاع واحد يتصيّد في السلبيات باش ينقد .. هالطالب اللي حكيت عليه ، على الاقل ما كتبش الكلمة صحيحة .. لكنّو صحّح .. اش يعمل ؟؟؟ حسب رايك يا عمروش ؟؟؟ يمشي يعمل دروس مسائية في اللغة الفرنسوية .. و من بعد يجي يصحح ؟؟؟؟؟؟؟ موش معقول

3amrouch a dit…

مفهمتنيش براستوس
اولا باش مايقع سوء فهم انا صححت باسمي الحقيقي ولقبي وبصفتي يعني محطيتش عمروش.
الهوية الالكترونية متاع العباد ، صحيح انها افتراضية ، اما زادة تؤخد بعين الاعتبار .
اي صحيح كيف يبدا عندك نشاط وتبدى هويتك الافتراضية عندها وزن مثلا كيف تحط امضاء باسم بيق تراب الناس الكل تعرف وسامعين بيه وهو ممكن من اشهر كان موش اشهر مدون تونسي وقتها نفهمك امى تجي تحطلي بوسود هككة يولي تخلويض في الحالة هاذي بالذات
نحكي ديما في اطار العريضة الافتراضية ..الهدف حسب راي يابراستوس موش الامضاء كغاية بل وسيلة لتحقيق الهدف بمعنى انو متخليش لمنافسك فرصة باش يشكك في المبادرة وقدرتها على جمع الناس مثلا كيف تحطلي برشة اسامي افتراضية شكون يثبتلي انو ماهوش نفس الشخص؟ فهمتني
الفرق بين انو التدوين كوسيلة ميتطلبش منك الحضور كشخص كامل متكامل لانو فمة انتاج وفمة كتابات تخلق التفاعل لكن عند الامضاء على العرائض حتى ولو كانت افتراضية تتطلب حضور وامضاء شخصي
فهمتني؟
منيش نتصيد في الاخطاء فقط عطيت مفهومي للعرائض.
بالنسبة للخطا اللغوي ماهو صيد فرص بقدر ماهي صرخة فزع عن تدني المستوى وهذاكة باب اخر وموضوع اخر لكن من راي انو حكاية كيما حكاية الحوض المنجمي راهي عندها صدى عالمي وبرشة تحركات ملزمش نجيو وبالرغم من انو الغاية نبيلة نميعوها باخطاء لغوية ولا باسماء مستعارة
كختام نقول انه ماهوش اجباري انك تصحح انت حر لكن الاجباري انك تصحح باسمك

el manchou a dit…

il ne faut pas oublier aussi qu'en tunisie manifestation rime souvent avec grabuge, taksir...

brastos a dit…

@
supposons que c'est vrai

est ce une verité absolue ??? exclusivement et typiquement tunisien ???
est ce qu'on est né ainsi ??? !!!

ou bien c'est le degré élevé de refoulement et d'oppression subis qui explique cette violence qui accompagnait les manifestations

ainsi .. les manifestations auront pour objectif de reagir violemment face à cette oppression .. au lieu de se contenter de protester calmement

من مدة كبيرة .. لاحظت تطور في المظاهرات..و خاصة التلامذه .. ما عادش فمة هالتكسير اللي يحكو عليه

قبل كان موجود صحيح .. اما قاعد ينقص .. انا لاحظت هكه

brastos a dit…

@ 008

etre "citoyen" ce n'est pas seulement et uniquement disposer de l'eau .. de l'electricité .. et du goudronné

je prefererais le dire en arabe :

ـ"جانا الما .. جانا الضو .. جانا الكياس"ـ

un grand travail nous attend pour perfectionner cette definition d'un "citoyen"

merci pour le passage

brastos a dit…

@ bent 3ayla

ما يكيدنا شي ... حتى العدم

:)