jeudi 15 janvier 2009

برشة فنانين توانسة حاولوا يعملو مسيرة .. و تعرّضوا للاعتداء ...صحيح الخبر ؟؟؟ ـ

وصلتني معلومه .. حبيت ننشرها في انتظار انّو ياقع تأكيدها او نفيها
في العاصمة ، و منذ يومين ، مجموعة من الفنانين التوانسة .. ابرزهم جليلة بكار ومحمد علي بن جمعة ومنير الطرودي ولبنى نعمان ونصر الدين السهيلي ونجاة حسني، مع العديد من السينمائيين والسينمائيين الهواة والموسيقيين والممثلين والمخرجين والكتّاب والفنانين التشكيليين والراقصين قاموا بالتجمع اما المسرح البلدي .. و حاولو القيام بمسيرة تضامنية مع اهل غزة .. الا انهم تعرّضو للمحاصرة الامنية و المنع و حتى الاعتداء بالعنف .. فانطلقوا في رفع شعارات مندده بمصادرة حقهم في التظاهر ، ثمّ توجّهوا الى دار الثقافة ابن رشيق .. اين واصلوا تجمّعهم و شعاراتهم و هتافاتهم .. الا ان البوليس اغلق عليهم الباب لمنع امكانية التحاق ناس اخرين من الشارع معاهم
ثمّ دخل عليهم البوليس و امرهم بالخروج ، موش مع بعضهم ، اما زوز زوز .. و الزوز اللي يخرجو ياخذولهم تصويرة
اعتقد انّو (في حالة صحّة هالمعلومه)ومهما كانت قوة و حجم هالتحرك ،الا انّو يعتبر سابقه ايجابية في تاريخ اهتمام فنانينا بالقضايا المصيرية و الوطنية بمثل هالاشكال الراقية و الاساليب الجريئة .. على الاقل يحاولو البدء بمحو فكرة انّهم فنانينا محدودي الاطلاع و الثقافة .. جايين من المريخ .. و ماهمش معنيين بما يحدث حولهم
نحب نعرف ويني نقابة الفنانين من هاذا الكل ؟؟ يعني اذا الخبر صحيح .. شنوّة كان موقفها ؟؟ و اذا الخبر موش صحيح ، ويني من اساسو ؟؟؟ــ
ياخي موش عملو نقابة فنانين ؟؟؟ و الا انا نحلم و نخلوض ؟؟؟ـ

5 commentaires:

jenni a dit…

الخبر صحيح براستوس
انا اكّدهولي احد الاصحاب .. قال انّو شافو في الجزيرة .. الحصاد المغاربي

يظهرلي البلوغسفير ما فيهاش مدونين من العاصمة

هههههه

زعمه غاطسين في عيد ملاد المكشّخة ؟؟؟؟

هههههه

brastos a dit…

اهلا يا جني .. يا مشاغب

حتى انا اكّدولي الخبر برشه من ناس

انا رتحت ياسر لهالخرجه اللي خرجوها الفنانين متاعنا من ببوشتهم

ART.ticuler a dit…

بالفعل براستوس أنا سمعت في قناة الجزيرة جليلة بكار تحكي على الوقوف الاحتجاجي أمام المسرح البلدي وأن الشرطة منعتهم بالرغم أنهم -كما قالت- مثقفون علمانيون..أما بقية الحكاية في إبن رشيق فهي لم تتطرق إلى ذلك

Werewolf a dit…

ما عنديش برشة تفاصيل لكن لبارح فاضل الجعايبي بمناسبة عرض بعض الأعمال حول فلسطين في إحدى قاعات السينما قال اللي هوما تمنعوا مالتجمّع أمام المسرح و تمنعوا حتى أنهم ينظموا عروض من مسرحية خمسون في المسرح البلدي لجمع تببرعات للفلسطينيين

Anonyme a dit…

آنا شفت وسمعت جليلة بكار في الجزيرة تحكي على كيفاش الفليكات كسْرُولْهم المظاهره.....آما النّقابه فمازلت غضّه لاّنها تأسست في 2007

لكن نتصوّر أنّو وجود نقابه شكّل إطار جيّد لإنجاح مثل هذه البادره النّادره!!!!!