jeudi 29 janvier 2009

تقنيّو و صحفيّو الاذاعة و التلفزة .. بين الاعتصام .. و اللـّـفت

قريت العنوان .. قلت خلّي نشوف المحتوى الدّخلاني .. الى اي درجة كان وفيّ لنقل الاحداث


دخلت
و بديت نقرا
مرّه نعثر في لفته
ومرّة في صحفة كريمه
ومرّه نتشحط بدوزه قويّة متاع عطف ابوي
و مرّة تصبّ عليّ مطر متاع عبارات شكر و عرفان

ياخي ماله وينو

الاعتصام

اللي عاملينو الصحافيين و التقنيين منذ مدّة في الاذاعة و التلفزة .. ؟؟؟؟ .. ـ

ميسالش .. مابين ربطة اللفت و صحفة الكريمه

مافيها باس كان نحكيو بشفافية و نزاهة و مصداقية

على الوقائع كيما وقعت

***

غمزة : ياخي موش هاذي معاركنا الحقيقية يا "شسمك" ؟؟؟؟؟ـ

3 commentaires:

tunisianblogger a dit…

"غمزة: ياخي موش هاذي معاركناالحقيقية يا "شسمك" ؟؟؟؟؟"

يرحم فمّك هاو الصّحيح

3amrouch a dit…

براستوس
عملو مجموعةة على الفايس بوك اسمها من اجل مساندة العملة العرضين وووووو

اليوم نلقاهم عاملين تحديث حاطين
تحية شكر و(تكبير ) لشسمو الخ الخ الخ.....


ياخي فددتهم بالرسائل وحطيت تعليق على حائط الفايوس بوك

عمروش يقول انه معادش متعاطف مع حتى طحان قالو تحية إجلال و(تكبير)إلى سيادة.. التكبير كان لله يامسطك كيف قدر عليك ربي اكتب إكبار ياولله احوال.

هذاكة كان لاجل الخطاء في عود اكبار قالك تكبير


وفيما بعد عملت تحديث على كلمة
منحننا شرف الترسيم شوف هاك الهدرة

عمروش يقول وشنية هاذي "منحنا شرف التّرسيم...)علاش دار السيد الوالد؟بعد عشرة سنين تمرميد تقلو شرف الترسيم ..تبا لكم جميعا

المفيد بعد ساعة تبخرت المجموعة من على فايس بوك

mandela a dit…

كل شيء يحبو يوضفوه حتى المعاناة متاع الخدامة...بصراحة شفت سيكونس متاع الإعتصام وكيفاه يكبسو فيهم ويخوفو فيهم ويحبوهم يحلو الإعتصام ويناشدو ...آه على الوعي الجربوعي قداش استفحل في بلادي...ما بقالي حتى خيار آخر غير الهجرة النهائية لبوتسوانا