jeudi 23 juillet 2009

لا تخونيج و لا استغفار ... بَان العــَـار و الخنّار

كيما ما دوا الفم لبـــــــــخر كان السواك الحار

ما دوا الشخصيات الهشّه ، كان حملة إستغفار

***

قالّك لمّو بعضهم بعــــــــــــضا

و انهالوا علينا ارشادا و وعظا

وقدّمو لنا النصّح الرشيد

و الراّي التلـــــــــــــــــيد

و ايديهم من خلفهم تمسك سيوفا من حديد

و يطالبوننا بان نستغفــــر

و حبّ الحيــــاة نهــــــــجر

و افكارنا من النّور نطـــهــّر

***

ردّ بالك تحلّ فمّك و تحتــــــــــــــــــــــــــجّ

على التجودير و الغورة و الخـــــــــــــــمج

و على حقّك

اللي يتخطف من قدّام وجـــــــــهك في درج

ما عليك كان بالاستغفار

ليل نـــــــــــــــــــــــــهار

بسبب ما انت عليه من الاستهتار

بفتاوي شيوخ البتـــــــــــرودولار

و بنصوص قادمه من ظلام الغــار

***

عندما تسقط الاقنعه

على اللحي المـْـقـَـمّــــــــــــــــله

و عندما تـُـكشف العورات

من تحت الجلابيب المجرتــــــله

و عندما تتراءى لنا الاحذية

من أدمغة مْــدوّدَه و مـْـنَـمّــــله

يطلّ علينا بنو استغـــــفار

اللي عـــــملو الــــــــــــعار

بالجهل و النفاق و الخنّـار

باش يرجّعونا لعــصور بـَـايْـدَه

ما عادش تجي منها حتى فايده

عصور عبيد و جـــواري و غلمان

عصور خرافات و اساطير و بهتان

***

و لذلك .. نقولوها و ما نملّوش

و نعــــــــاودوها و ما نسكتوش

بَان العـــــــَــار .. و الخنّار

لا تخونيج .. و لا استغفار

11 commentaires:

ferrrrr a dit…

لا تخونيج و لا دولار احنا هوما امالي الدار

Dovitch a dit…

لا تخونيج .. و لا استغفار
ما دواء أفكار الغار كان حكايات من البار

نستسمحك في نكتة مازلت كي سمعتها :
واحد بالعو خارج من البار مروح على ساقيه لدارو ... صاحبو بالكرهبة شافو، زمرلو وقلو : أطلع أطلع اتو إنوصلك... قالوا: لا لا مزروب مزروب هه

Anonyme a dit…

جيفارا يا توالات واليسار ايامو وفات
يا يساري يا ديوث وجيفارا ريحتو روث
يا ماركس يا مقمال راس المال فى البوبال
نعشك نعشك يا يسار دقينا فيه اخر مسمار

Big Trap Boy. a dit…
Ce commentaire a été supprimé par un administrateur du blog.
brastos a dit…

مرحبا بالناس الكل بما فيهم الشاعر الفطحل متاع الــرّوث اللي يحكي في حكاية بيدونه لا عندها لا راس لا ساس
اش مدخّل ماركس و مونتسكيو في الحكايه
ههههههه


@ dovitch
ههههههه
حلوّه

ART.ticuler a dit…

هذا شعار قمقوم يا فررر! هههه

ART.ticuler a dit…

@ أنونيم
ننصحك تشوف طبيب نفساني على خاطر كل الكلمات إلي إستعملتهم: ،موت،قمل، بوبال.. يعبروا أحسن تعبير على حالة مرضية والاناء بما فيه يرشح !

Anonyme a dit…

يا يسار يا قوّادة ركبنا عليكم كيف العادة
جيفارا يا توالات واليسار امسح مات
ارتيكيلار يا مقهور شد يمينك دور دور براستوس يا مهزوم واليسار غربان وبوم

Big Trap Boy a dit…

ملاحظة على هامش التدوينة: مانيش أنا صاحب التعليق السابق، ظاهرلي عندنا حالة متاع تجربيع وإنتحال شخصيّة

ربّي يشفي

سينون عجبتني القصيدة، حلوة منك يا براستوس

brastos a dit…

@ big trap boy

من رايي تعمل تدوينه تنبّه فيها من المعلّق المريض هاذا ، باش اللي يجيه تعليق فيه الامضاء متاعك يتأكّد من الرابط اولا

Big Trap Boy. a dit…
Ce commentaire a été supprimé par un administrateur du blog.