رسالــه مــن قــارئ جميــــــل .. و بعيـــــد

القارئ هاذا ما نعرفوش
بعثلي ايميل يتفاعل فيه معانا ، معانا يعني مع البلوغسفير عموما
و بالخصوص مع شويّة المعارك الدّايرة اخيرا في البلوغسفير
و بعثلي النص هاذا و طلب منّي ننشرو
في الحقيقة ، في البداية مشى فيبالي واحد يصبّ في الزيت على النار ، و ماهوش جدّي ، كنت حذر شويّة
لكن من بعد ما قريت السبعطاش صفحة اللي بعثهملي ، و طلب مني ننشرهم
و زيد معاهم القصيده الرايعة اللي كتبها بالفرنسوية
و اللي استوحاها من بعض الاجواء الاخيرة للبلوغسفير
و خاصة دقّتو في المتابعه و طرافة تعاليقو و رقيّ اسلوبو التوبيخي
للّي يرى هو اللي هوما يستاهلو التوبيخ
تأكّدت من انّو فمّه قرّاء جيّدين و ما يفوتهم شي
كيما النموذج المحترم هاذا
الحاصيلو انا لقيت متعه كبيرة في قراءة هالوريقات
موش فقط لانّو هو معجب بالعديد من المدونين اللي انا من بينهم
و الا لانّو عطى موقف فنّي و عميق ياسر من مهزلة البيدوفيلي الاخيرة

موش فقذط من اجل هاذا
و انما .. مانعرفش كيفاش من اول ورقه .. لقيت روحي ما نجّمتش نقصّ القراية

حاصيلو
نحب نخلّيكم معاه .. و راكم ما تندموش

و هاذي القصيدة