lundi 14 décembre 2009

التدوينه الموؤودة / قائمة المدوّنين الـ"خونه" ـ


قائمة المدوّنين "الخونه" اللي وردت في تن بلوغ هاذي


اللي اتحفنا بيها المدوّن هاذا .. اختفت في ظروف غامضة .. هنا
بعد ما أرفقها بسلسلة متاع تهديدات و وعيد
مع استجلاب امثلة من التاريخ
و تاريخ فرانسا بالذّات
امثلة خاضعة لمفهومو هوّ للـ"وطنية" و للـ"خيانه" ـ

و في حقيقة الامر ، ماهيش المرة الاولى اللي ياقع فيها التخوين و تبرير الحجب
نذكّركم بالتدوينه هاذي


يظهرلي من حقّ ايّ مدوّن يستوضح على ظروف و حيثيّات هالقايمه اللي وُ ئــِـدت في مهدها
بأيادي مرتبكه

15 commentaires:

Arabasta a dit…

Il n'a fait que changer le titre de son "article", il n'y a pas eu de liste...

brastos a dit…

salut arabasta

il est invité à nous expliquer la "légitimité" de ce titre alors.. non ??

le lien de ce titre ramène à une page introuvable ce qui affirme qu'il a soudainement supprimé ce post dés que publié

Arabasta a dit…

Bon, perso je commence à avoir ma dose de ce mec, Diana lui avait un minimum de lucidité et de culture politique, ce mec là en arrive à demander qu'on soit liquidés physiquement pour une chose qu'on n'a pas faite... Tombrou (9attous ezzebla) n'est pas mon meilleur ami certes, mais j'accepterais jamais qu'on ose demander qu'on le tue! Putain, mais ou va a Tunisie? Tu ouvres un blog et des personnes qui font partie du régime en place demandent à ce que tu sois pendu haut et court!!! Merde mais j'hallucine ou quoi?

Qalam Ahmar a dit…

يا جماعة توحدو الله راهو البلوغوسفار التونسي ولاّ شريطة للسبان و الإتهامات .. خلّيو الناس تبلوغي معارضة ولاّ موالات للسلطة .. دكاترة و متسقفين ولاّ باك موان دوز

المدونة اللي تحكي عليها ما اختفاتش .. شخصيا علقت عليها و حاولت انهدي النفوس .. آما الظاهر إني نحرث في البحر

ولّيت انخمم جدّيا في تبديل الروابط إلي عندي و"الثنية" إلي نجي منها بش نقرالكم .. برجولية شي يحمّ القلب توانسة تاكل في لحم بعضها .. وإلّي هاذا عامل رولو تيكيات يبل و يلصق على هذا "لحّاس" و هذا "متخلف" و هذا "رجعي" و هذا "بيوع" و هذا "خاين"

يا وخيّان .. ماتنجمش تنحي شخمك من وجهك .. والحزب الحاكم في تونس عندو قاعدة مليونية و هذا واقع .. و المعارضة في تونس مليونية زاده لكن صامتة (بتفاوت) وإلي باين منها قيض من فيض و المعترف بيه شي محتشم مزال يددش و إلي اختار المواجهة تم نفيه و هجر واتكا على بو برطلة والي اختار العنف و الثورة ادّك في بو فرده .. و عموم الناس مزّالوا مشرقين بين هذا و هذا .. وحالت المدونات مترجم واضح و مرايا توري حالت الفوضى الي نحنا فيها

إنسايسو بعضنا .. نتجاوزو السفاسف .. مانعملوش من حبة قبة .. مانشدوش فرا على كل بصه .. والي ما يقبلش شكون يبولو تحت حيط دارو يحصرها كي يمشي في الكياس حتى يروح

brastos a dit…

لحمر اهلا
اولا تصحيح : انا ما قلتش المدونه الكلّها اختفت قلت فقط التدوينه (البوست/الـ"مقال") اللي عطى فيها المدوّن هاذاكه قايمه سمّاها : قايمة المدونين الخونه
و اهوّ الرابط متاع التدوينه هاذيكه شوف لوين يهزّك ، يهزّك الى
page introuvable

http://patriotetunisien.blogspot.com/2009/12/blog-post_13.html

ثانيا : وين قريت في مدوّنتي اللي انا ندعو الى إقصاء المدوّن هاذا و الا غيرو ؟؟ الإقصاء موش من ثقافتي و موش من أدبياتي ، انا مع صراع سياسي متحضّر يتراوح بين النقاشات الجادة و بين التهكّم (على الافكار موش الاشخاص) و هاذا أمر مشروع

بخلاف هاذا ، الجرد اللي عطيتو على المشهد السياسي العام هاذيكه قراءتك
و انت حرّ فيها ، لكن كنت نتمنّى انّك عطيتنا مقترحات عمليّة لتجاوز هالحالة السلبية (حسب توصيفك انت) مقترحات اعمق و اجدى من "نسايسو بعضنا" هكّة في العامّ ، على خاطر المسايسه يلزمها تكون ريسيبروك طبقا للمعادلة : سايسني و نسايسك موش معادلة : خوّنّي و نسايسك

ART.ticuler a dit…

موش معادلة : خوّنّي و نسايسك"
hahahaha !c'est bien dit!

brastos a dit…

اهلا آرت
السيد معلّق المشانق .. و يحكي على الحوار

Arabasta a dit…

Oui Brastos, t'as raison, je pourrais dire tout ce que je veux, en tout cas je ne vais pas en arriver à demander qu'il soit tué!! ça devient grave, nous comparer aux collabos du nazisme??

Qalam Ahmar a dit…

سلام براستوس .. مانيش نقصد في كلامك إنت صخشياً .. و نحكي عموما على التدوينة هاذي و غيرها و زيد عليها التعليقات منّ و منّ

أنا ما عنديش مشروع .. المشاريع و الخطب و الوعود و التكهنات خليتهم إلغيري .. أنا قارئ عادي .. مدمن على البلوغات .. نقرالكم من مدّه و عامل كيف مرّة "أنتار" في مدونة منّا مرة "كريستال" غادي مرة "نفة" مرة "حلوزي" و هي ماشية .. للّي ولّيتو (ريزو المدونات اللي نتبع فيهم) تتكيّفو الكلّ في نفس الماركة .. "جيتان" يعني حلّيتو شان 2 تجبدو ملخارج (سبان) ومن غير فيلتر زادة (أرض أرض و كلام رزين) و فمّا حتى شكون بطّل الدّخان جملة وعلّق بلاكة ممنوع النيكوتين على محلو كل ما نطلب سويقر ولاّ شعول على مدوّنتو مانلقاش ويقلي أخرج اتكيف البرا .. و فمّا حتى شكون دوّرها شيشة جهار نهار وانا خوك الجيراك رزين عليا

هاكاهو .. ضبّبت يا أخي .. نحتجّ يا جماعة .. والفت بجو دخان تونس .. ماعينيش لا بشيش و لا جيتان ولا عيني انبطل الدخان وانتوما قصّيتو عليّا الصّبة قال شنوّة لنتار مقطوع .. آش نعمل ؟ هاني اندور عليكم واحد واحد فماش ما يهديكم ربي و نرجعو كيما قبل راقدين على بعضنا صاحبي تره سيقارو

تفهم فيا براستوس ؟ شنوه دخاك انت ؟ امشي عاد اتحل في وحيد تونسي فاوح و فك علينا من هذا بيه و هذا عليه .. صلي عالنبي واعطيني نشعل

Qalam Ahmar a dit…

التدوينة الي تحكي عليها مزالت موجودة العنوان تبدّل أما المحتوى هو هو .. العنوان الجديد هو : "المحاكمة للخونة المرتزقة السماسرة على أعتاب السفارات الأجنبية" و هاو الرابط

http://patriotetunisien.blogspot.com/2009/12/blog-post_5919.html

Youssef a dit…

أهلاً
أنا شاكك في أنو السيد هذا عندو ستراتيجية هايلة ، كيفاش تراه ؟
يلوح تدوينة عل بلوغسفير ويقعد يتفرج فينا من بعد نجاوبو فيه ونعملولو في قيمة كبيرة وقاوق وهو تلقاه ياكل فالسطاكة ويتبنن ومذبيه يزيد ...
أيا سيبونا منو توا ، خليوه وحدو يحكي مع الحيط ، وإرجعو أعملونا تدوينات باهين . وانا ملي جيت لل بلوغسفير وانا نشوف في حوار بيزنطي ...
ما تخليوهش يحقق أمنيتو هههه .
أيا أنستو ;)

brastos a dit…

لحمر
حكاية "صخشيا" باش نعتبرها غلطة مطبعية.. و ايّ صخش راهو ينجّم يغلط في الكلافيي متاعو
;)

باقي تعليقك.. ما فهمتوش مليح بصراحة .. يمكن خاطر انا بطّلت التدخين عندي مديدة .. ما عادش نفهم في ثقافتو و معجمو و سجلّاتو و اخلاقيّاتو
:)

بالنسبة للتدوينه المقصودة .. انا ما نجّمتش نمشيلها انطلاقا من تن بلوغ .. و يبدو انّو من الشرعي استنتاج انّو ما بدّلش العنوان متاعها فقط .. بل بدّل حتّى حاجات في المحتوى
على خاطر مفردة : "قائمه" ما تنجّم تعطي حتّى معنى اخر بخلاف اسامي مذكورين واحد تحت واحد
ليسته
liste
بالتالي موش معقول انسان سليم المدارك يمدّلك ورقة مكتوب فيها :قائمه في كذا" و كي تحل الورقة تلقاه يحكي في حاجة اخرى و ما فماش حتى قايمه
الا في حالة وحدة انّهو "اولاد باسم الله" تعرّضو للورقة في الثنيّة و فسّخو القايمه

و الا لسبب اخر انّو ببساطة يتعمّد الاستفزاز ، عبر اختيار عناوين من النوع هاذاكه ، لجلب الاهتمام بيه
ـ(الاهتمام اللي هو فاقدو)_و هنا تولّي مشكلة من نوع اخر

brastos a dit…

youssef

انا معاك في اقتراحك

مرحبا

Qalam Ahmar a dit…

بش ما نطولش عليك الهدرة .. و ما ترصيليش انشرّح في تعليقي السّابق كلمة كلمة .. واترسّيلي نجبد في أصخاش و أصخاشه .. آهوكا خونا يوسف يعطيه الصحّة عطانا الزبدة في كليمتين خفاف

باختصار ماهوش شديد إلّي حبّيت نقولو إنو الناس الكل (نسبيّا) في العالم المدوّن التونسي على بكرة أبيهم و مختلف خلفياتهم و مشاربهم ولاّو يحكيو بنفس الأسلوب و في نفس الموضوع و يرميوْ في نفس الإتهامات (إجمالا) من هذا الجانب أو ذاك

يعني وليتو في نظر القارئ ولاّ الزائر العادي (و نظري آنا صخشيا و في بالي بروحي ناقص نظر) كيف كيف .. و لمّا نطلّ نلقى "الموافقون دوما" و "المعارضون أبدا" متّفقين على نقطة واحدة أحدة إسمها "بوك و جدّك" .. نستغرب و نحتجّ ونطالب هذا و ذاك بإزالت الخلل في الصورة و العودة كيما كنتو .. متنوعين مختلفين

ما عندي مانزيد كان هاك القولة الشهيرة متاع بورقيبة (صلعه) هاك العام :"ما في باليش الزيادات باش تكون فاحشة" فكّو علينا من المزايدات و الفحشاء .. و كذلك لما قال (في صحيح المتبخّر) "نرجعو كيما كنّا" أو في رواية أخرى "مارش آريار" ثم أتبعها ب "يالله .. آنافا" قالها ثلاث مرات ثم أجهش بالبكاء

الله يرحمو كان ألمعي .. حتى إنو هاك تشوف تنبّأ بأزمة المدونات منذ سنين و حتى أقوالو مازالت صالحة لكل زمكان

brastos a dit…

لحمر
انا معاك في ضرورة إعطاء نفس جديد للبلوغسفير فيه التنوع و الايجابية و الاحترام المتبادل
مرحبا