samedi 18 octobre 2008

le blog de Stupeur vient d'etre "suspendu" !!!!!شنيّة الحكـــايه

شنيّة حكاية
this account has been suspended
اللي تحيل عليها مدونة صديقنا
stupeur
اللي اكّد هو بيدو في صفحتو في فايسبوك انّو هالاغلاق هاذا خارج على ارادتو
و في انتظار ايّ توضيحات
حبيت نعاود ننشر آخر مقال كتبو .. قبل ما يتعرّض لهالاجراء الغامض
هاذا نص المقال

آخر ما صدر في ميدان الجهل والخور من أخبار بلاد الحمير والبقر

برجولية ماعادش إنجم نحمل أكثر من هكة, شيئ ينطق الحجر
راهم بالعربي زادو فيه لين ماعادش
اليوم خوكم قاعد نخدم على روحي و كيف العادة ساعة ساعة نسمع كالصوت متاع مايل جديد عالأوتلوك
نعمل طلة, نشوف المايل شفيه و نرجع نخدم. المرة هاذي كيف حليت المايل ما عادش إنجم, بهمت. دخت. ما صدقتش
ما عرفتش روحي نضحك ولا نبكي ولا نعمل روحي ما فيباليش
أما الفازة تالمون ماهاش عادية, ضاهرلي يلزمها تتعدى فالموفيولا متع الأحد الرياضي
قالك هاذي وكالت أسفار, تونسية, تنضم جولة نور و مهند
الجولة هاذي, تدوم 3 أيامات كاملين يا بو قلب
تمشي 3 أيام لتركيا باش تعمل دولاشة عالبوسفور و تتفرج فالقصر الي مثلو فيه المسلسل و فوق من هذا و دونو يبدى يمني فيك أنك باش تتصور عالكرسي الي حط فوقو سي مهند ترمتوو باش تغزر لروحك فالمراية متع نور و باش تمس الريدو الي يضلمو بيه البيت باش سيادتهم يعملو واحد
الوكالة هاذي تختم كلامها باش تقلك إذا إنتي جاي باش تشوف نور ولا مهند, راهو دويو. تعمل مجهودك باش تمضمض مليح خاطرهم ما يقابلوش أما راك فالحقيقة ماشي باش تعيش بالمنى يا كبول, عفوا يا كمون
العيب موش فالوكالة هاذي الي تبيع فالجولة هاذي ب780دينار كارتة تحك في كارتة. أما راهو العيب فالجبورة إلي تشري فالمنتوج العجيب ياسر
الحقيقة, التونسي عودنا بحضورو الفعال فالمحافل الدولية كيما هاذم أما موش بالصيفة هاذي
أنا نتفكر هااك العام تبدى ماشي فالشارع تعرضك كتيبة على الحيط فيها : أنت أو لا أحد ولى تاكسي كاتب على مال كرهبتو : أنا كريستينا و أليخاندرو ألداما و ما نحكيلكمش على ماريا مرسيدس ولى قوادالوبي أما المرة هاذي ما فهمتش وين آخرتها
الحاصل هذي قالتلهم أسكتو
بلادنا مرهزة من أصلو و كمل زادو غرقوها هالبهايم والبقر
أهوكا باش تشوفو مليح, تنجمو تنزلو عالتصويرة باش تراو المايل كامل
و بالطبيعة الرابط اللي حاطّو هو
يحيل على صفحة مكتوب فيها
this account has been suspended
!!!!!!!!!!!
شنيّه الحكايه
؟؟؟؟

9 commentaires:

kloufi a dit…

انا نتصوّر اللي الحكاية عندها علاقة بالحملة على "الكلام البذيء" اللي كاثرة هالنهارين ..
قراصنة الانترنات ... فهمتوني ... ؟؟

brastos a dit…

@ kloufi
hana nestannaou
نتمنّو انها ما تكونش اكثر من خطا تقني ..و الا حاجه هكه .. باش ما نحمّلوهاش اكثر من حجمها

3amrouch a dit…

مدونة امين هي مدونة شخصية باسمو شاريه الموقع ولا كاريه
ممكن يكون خطا تقني من موزع الخدمة كيما ممكن يكون مخلصش الاشتراك او اي حاجة اخرى لكن نستبعد انو يكون حجب او قرصنة

brastos a dit…

اهلا عمروش
هي التدوينه الكل في قالب تساؤل
و هانا مازانا نستنّو

Stupeur a dit…

Selon un ticket d'intervention auprès de mon hébergeur américain, les raisons de la suspension de mon blog sont les suivantes :

'The account was found to be consuming an inordinate amount of system resources'

a) Block heavy users of your site, if any, that may be causing excessive load.

b) Optimize scripts that may be consuming a large amount of cpu or RAM

c) Upgrade to a dedicated server; your site may have outgrown a shared environment.

Le trafic que génère mon blog est devenu assez lourd pour la formule que j'ai acheté et qui est de 23 Go d'espace et de 550 Go de trafic /an

c'est un peu la rançon de la gloire :-(

@Amrouch, ce n'est ni une erreur technique, ni un retard de payement. j'ai déjà eu une suspension pour surcharge de trafic et j'ai mis a jour mon compte en achetant plus de bande passante

mon abonnement annuel expire en janvier et ce qui s'est passé maintenant est une aberration de la part de l'hébergeur qui suspend mon compte parce que soit disant je ralentis les autres sites

3amrouch a dit…

املا كيما قلت ضريبة النجاح هههه
وحبو يقسمو معاك

mandela a dit…

أسرة مانديلا تي في تعلن عن تضامنها اللامشروط مع ستيبور وكل مدون وكل انترنوت تونسي و إلا حتى بوتسواني

Stupeur a dit…

Merci beaucoup a tous pour votre soutien

brastos a dit…

@ stupeur
c'est un devoir