إصحـَى يا مـْــنـَــنـّـــي !!!!!!! ـ

عرفتوه هاذا شكون

الهادي التونسي

لساني رزن باش نقول: الفنان الهادي التونسي .. رغم انّو كل حدّ خبزتو كيفاش تجي .. مثلا هاذا خبزتو تتمثّل في انّو مقدّم روحو للناس بصيفة "فنّان" ـ

و سبحان الله .. يقلّك ربّي ما يهمّلش عبادو .. السيّد لاقي شكون مصدّقو و يستهلكلو في سلعتو .. ما عندنا ما نقولو كان : الله المستعان ، رغم انّو - في نظري - ما عندو من مقوّمات الفنان سوى انّو يقوّم فيّ ، توّ مديده ، من النوم على انغام غناية ماسطة .. زعمه زعمه صباحية .. كلامها مستهلك ياسر و معاني ممجوجه

ما عليناش

الغناية فيها كليمه .. ما حبيتهاش تكون هي اوّل كلمه نسمعها في بداية نهار جديد

لتوّه تونون في وذني .. و ما لقيتلهاش دوا

كيما بالضبط كي تقوم عجعاجه و تدخل كعبة تراب و الا قشّه في العين .. حبيت نكتب هالكليمتين .. ثمّاش ما نطرّدها و نرتاح

يقول الهادي التونسي في غنايتو العصماء

و الطيـــــــــر يغنّي

إصحى يا مـْـنـَـنـّـي

تصوّر روحك تفيق على همسات سي الهادي الـمـْـنـ .. و هوّ يتربّج بيك هكّه ، و يوشوشلك، و يقلّك : يا مـْـنـَـنّي

!!!!!!

مـْـنـنّي

!!!!!!!

توّ بربّي الواحد ناقص تهميش و تسطيح

حتّى تكمّل تاقع معاملتو كرضيع في غناية صباحية .. و يقولولو : يا مـْـنـنـّي ؟؟؟؟؟ ـ

بين قوسين .. يمشيش في بالكم اللي هي غناية متاع اطفال .. لا ... متاع كبار

ركّزو معاها .. و تفكّروني

ـ*ـ*ـ*ـ*ـ

وهاذي تصيويرة بمناسبة الحديث على القمرة ... و ما ادراك ما القمرة