mercredi 3 juin 2009

ثرثرة معلّم قديم ... 4 ـ

العام هاذاكه... 1989..... جت فيه فيضانات كبيرة ...يحكولنا شيّاب و فلاحة الريف هاذاكه على برشه انواع متاع حشايش عندهم عليها سنين .. عامتها ، وصللها الما لتخم الارض .. و طلعت

على فكرة سمعت مرّه اشارة استظرفتها برشه .. انّو كلّ عام بالتّسعه .. تصير فيه امطار كبيرة لدرجة الفيضانات ... اكيد لو كان جات الحكاية بالسبعه موش بالتسعه .. راهو وقع القاء الضوء على هالظاهرة اكثر :) ـ

الربيع هاذاكه في الريف هاذاكه ما ننساهش .. ما ريتش كيفو .. الدّنيا بالخضورية و الالوان .. كيما في الصور المتحركه بالضبط .. سامحوني على التشبيه بعالم الصور المتحركه .. اللي انا من عشاقو و متتبعيه لهاذي لحظه .. و ما يقلّقنيش بقدر ما يفرّحني انّي مغروم بالالوان و التلوين

;)

نتذكّر انّي نهار السبت نكمّل نصّ النّهار .. البيست متاع قرابة العشرة كيلومتر حتى للكيّاس .. نعملها على ساقيّ .. و ما نحسّش بيها من جمال ما يتشاف .. و نظافة الهوا.. و فرحة اللقاء بالبيرّات متاع السّبت :) ـ

لكن الفيضانات .. و الخصوبة ..و الربيع المربّع .. ما اكتفاش بالارض و الـفـْلاحة و الحشيش .. بل تعدّاه الى جسم "محبوبه" ...و خصّبها .. و كوّرها .. و قولبها قبل وقتها .. مسكينه

نقول مسكينه .. خاطر هالبلوغ المبكّر .. في وسط متحجّر .. متصحّر .. هو اللي جنى عليها كيما باش نحكيلكم

محبوبه كانت تقرا سنه رابعه ابتدائي .. يعني ما تتجاوزش عشرة سنين بالكثير .. امّا لاسباب هرمونية ... وراثية ربما .. نفسية .. علاش لا ... ظهرت عليها علامات الانوثه مبكّرا ... بشكل اثار انتباهنا .. و اثار قلق عايلتها لانّو كيما تعرفو الانثى في العايلات الريفية هي لعنة .. قنبلة موقوته .. فنجان شفّاف .. محطوط على حرف خزانه .. و الناس الكل عندها فوبي مزمنه من امّو "يطيح" ... و ... "يتكســّر" ... و "الطياح" و "التكسير" هنا .. افهموه كيما تحبّو
الى ان يقع التخلّص منها بالزواج .. تماما بنفس دوافع الوأد

محبوبه كانت مزيانة برشه .. وكانت خجوله .. و كانت واعية بالفرق الجسماني بينها و بين زميلاتها .. العصيفرات لخرين .. اللي مازالو ما عرفوش ما عرفاتو هي .. من قلق شهري .. و من انجذاب للجنس الاخر .. و من شهوة لعينه

محبوبه كانت تنتابها حالات من الخدر وقت اللي نقترب منها باش نفهّمها السؤال و الا نصلّحلها التمرين والا نشدّلها يدّها (كيما كنت نعمل معاهم الكل) باش نحسّسّها بحركات القلم في حصّة الخطّ ..في البداية ما حطّيتش في بالي حاجة عندها علاقة بحاجة من قبيل الانجذاب الجنسي تجاهي .. الشيء اللي طبيعي باش يحدث من جانبها هي ّ لانّي ربما الرجل الوحيد اللي تباشر فيه يوميا بعد بوها

اوّلتها حشمه مبالغ فيها منّي .. خوف من المعلّم .. يمكن تكون مريضة .. لكن لقيت انّو نفس الملاحظة عند معلّمها متاع اللغة العربي .ـ

و من وقتها .. ولّيت نتعامل معاها بنوع من الحذر .. و باستراتيجيا صغيرة متاع انّي في نفس الوقت ما نحسّسهاش انّها كبيرة على زميلاتها .. باش ما تاقعلهاش نوع من العزلة النفسية اللي تعيقلها قدراتها متاع الفهم و التركيز و تشوّهلها استعداداتها الذهنية للاندماج مع المجموعة

و في نفس الوقت يلزم نلغي من تصرّفاتي معاها الجانب اللي تمارس فيه هيّ سرّيا معايا و هو اعتباري "رجل" الى جانب انّي "معلّم" ـ

و كانت تبدي فرح .. مع الاسلوب الاول

و حزن خفيّ .. مع الاسلوب الثاني

كنت نحكي في المساله مع معلّمها متاع العربية اللي نتذكّر انّو كان ماخذ الحكاية بشكل هزلي اكثر من اللازم

:)

صحيح الحكاية ماهيش دراما مطلقة .. و صحيح انها ما تخلوش من مواقف متاع كوميديا .. لكن انا كانت مأرّقتني اكثر منّو هوّ .. و نسأل حتى على معاملة عايلتها ليها ، و تقبّلهم لجسدها الصغير .. المتفتــّح ، و هوما الغير متعلمين ، ذوي الثقافه الريفية ، اللي لا تفرق بين جسد محبوبه و جسد بقرة حلوب

و جا النهار اللي باش تحمل فيه محبوبه صليبها على اكتافها .. صليب النهد الذي تكوّر باكرا .. و الخدّ الذي تورّد باكرا .. و القوام الذي تشكّل باكرا .. و الاغماءة الخفيفة التي تنتابها باكرا عند ملامسة يدها ليد معلّمها

كانت محبوبة تحبّ "عادل" التلميذ النجم متاع السنه السادسة :) التلميذ النجم بمعنى انّو قرّاي .. مزيان .. بوه فلاح لاباس بيه

و كانت بيناتهم مراسلات غرامية .. سرية .. لكن من نهار اللي معالّم السنه السادسة فاجأ "عادل" حبيب "محبوبة" يقرا في جوابها لخّراني ليه .. ما عادتش المراسلات سرّية

كان المعلّم هاذا تقليدي في تفكيرو .. مما يخليه يعجز على التعامل مع موقف كيما هاذا ، و مما يخلّيه ما يراش فيه الا جانب واحد : "الفضيحة" و "الشرف" و "الاخلاق"ـ

و فعلا كانت فضيحة بجلاجل للحبيبين الصغيرين .. الجميلين .. القاصي و الدّاني سمع بيها

و تنصبت في ساحة المدرسه المحاكم متاع حماة الاخلاق الزائفة .. و محاكم ديناصورات الكذب .. هاك اللي تولدو و عاشو و اصبحو اباءا و جدودا ... و باش يموتو .. من غير ما تكون عندهم حبيبه تبعثلهم رسائل حب .. كيما الرسائل اللي تبعث فيها محبوبة لـ عادل .. ـ

وهاذا هو الجانب اللي وقع استفزازو فيهم بها الرسالة اللي كان محتواها مضحك .. رغم ما كان فيه من مشاعر متتدفّقه و ملتهبة .. مختفية وراء جمل مليئه باخطاء الرسم و النحو و الصرف

انا من ناحيتي سعيت ما في جهدي باش نستر الحكاية و نحاولو نحلّوها بيناتنا في المدرسه و نراقبوها من بعيد دون ان نتسبب في كارثه .. خاطر اولياء كيما هكّاكه ينجّمو يقتلوها .. عادي

و علاش .. ؟؟؟ على جواب معبّي بالاغلاط متاع رسم الهمزه :) ـ

عشيّتها .. محبوبه صفارت .. شحبت شحوب الاموات .. ترعش .. بوها جا .. التلامذه الكل يتفرّجو فيها .. العيون الكل تجرّحلها في بدنها الغضّ

جا بوها... مدنكس .. حاشم .. ساكت .. هزّها و روّح بيها

و من نهارها انقطعت هي عن الدراسه .. و انقطعت عنّا اخبارها

...................

ريتها .. بعد شهرين و الا ثلاثه .. شادة عصا .. و تسرح بالـــّـنعاج





68 commentaires:

لاعب النرد a dit…

رائع ـ كيف العادةـ
هذي هي "الركن الانسانية" اللي ما ينجم يدخللها كان براستوس...(:ـ

brastos a dit…

اهلا لاعب النرد

يصير عالرجال .. و عالنسا .. و حتى ع الاطفال زاده :) ـ

eddou3aji a dit…

يا براستوس كيفاش بالله النّقشات هاذم تسمّيهم ثرثرة ؟؟؟ ههههههه هايل كيما العادة

ART.ticuler a dit…

توا هذي رقم أربعة وإلا خمسة ؟ وإلا تحب تكلنا في تدوينة؟ ههه
نص جميل و بريء كبراءة كعبات البيرة مساء السبت :-)

WALLADA a dit…

أنت ماكش تكتب بقلم عادي أنت تكتب بريشة فنّاش نفسيته مزدحمة بالألوان و الأشكال و كلّ ماهو جميل

ما عندي ما نقول كان برافو

هشوش a dit…

خويا يعطيك الصّحه
لا أخفيك سرّا اسلوبك رائع و مزيان ما تحسّوش ثقيل و الابرز من هاذا الكل انّك تناولت موضوع مازال موجود في بلادنا او بالأحرى في بعض المناطق ...
اما تو كان نحبو نعالجو المسأله صعيب تو باش تطلب من ناس كبار فاتو العقد الرابع متاعهم و جهّال (بمعنى ما قراوش) انهم يتخلاّو على العقليّه التقليديه هاذي
نتصور انّو العمل ع العقليه المتفتحه إلي تقدر العلم و الجنس و العلاقات الانسانيه و البشريه لازم تتغرس في الاجيال الصاعده فماش ما نهار اخر نشوفو وضعيّه مغايره
تقبل منّي اخي فائق احتراماتي

jaccuze a dit…

آنا ولّيت نخمّم بجدّيّة في حقوق الطّبع والملكيّة الفكرية!!!!

MeTaLLisTiC a dit…

كثرثراتك السابقة عشنا الحكاية كلمة بكلمة و حرفا بحرفا... اسلوب رائع في طرح ذكريات جميلة و إن كانت تحمل في طياتها بعضاً من الحزن...

brastos a dit…

@ dou3aji

يظهرلي نجيب محفوظ سرق عليّ كي جا يكتب في
كتابو : ثرثرة فوق النيل
:):):)



@ art ticuler
عد ما نشرتها .. رجعت نثبّت .. صلّحتها عندي .. اما خرجت هكاكه في تن بلوغ
هههههه .... هاك تسالني كعيبه "ثرثرة"هههههه




@ wallada
العفو
شكرا
فعلا .. الحكايات من النوع هاذا اللي عشتهم في محطات مختلفة .. عاملين "ازدحام" ههه كيما انت قلت .. يحبّو يخرجو الكل .. و هام قاعدين يخرجو بالكعيبه ههه

brastos a dit…

@ هشوش

مرحبا بيك
القضية ماهيش فقط قضية سنّ

تنجم تلقى "فروخ" و هوما يفكّرو كيما جدودهم

:)

و تنجم تلقى شيوخ الحديث معاهم عسل

اما الحكاية مرهونه في وعينا بكل شي فينا .. الجسد و المشاعر و الافكار .. اذا ما تكونش النظرة للمسائل هاذي واضحه .. و منفوضه عليها الغبره متاع الفكر التقليدي .. نتحطّو في مآزق كيما هكّه

حتى مستوى التغليم وحدو ماهوش محدد في الحكايات هاذي

تلقاه عندو اكثر من دكتورا ، و هو ماهوش موضّح نظرتو لمسائل دقيقه و هامه في حياتنا كيما هاذي

brastos a dit…

le commentaire supprimé c'est bien le mien.. adressé à Hchouch ..seulement je l'ai republié .. faute de frappe .







@ jaccuZe

تقول انت "يدغبرولي" عليهم ... ههههههه




@ metallistic
اهلاصديقي
صحيح انّها ذكريات شخصية .. لكن انا ديما كي نحكيها نحاول نلقي فيها الضو على الجوانب اللي تنجم تكون تهم الناس .. و اغلب الناس يلقوا فيها رواحهم و الا شويّ من ارواحهمالكل

شكرا ليك

خليّل a dit…

السلام عليكم

ألا تلاحظ أنك أطنبت في رسم الفتاة و الإنجذاب الجنسي تجاهها.

أنا أقدر مشاعر المعلم غير أن وصفك لمشاعرها و مكونات جسدها و هي طفلة دون العاشرة من عمرها هذا غير مقبول البتة من رجل تعليم و يطلق عليه بالتحرش الجنسي بطفل دون الثانية عشر و يعاقب عليه القانون

أما الله غالب

brastos a dit…

خليل

مرحبا

اوّلا .. انا ما حكيتش انجذاب جنسي منّي انا ليها هيّ

انا حكيت على ازمه نفسية عاشتها هالطفلة هاذي بسبب نضجها المبكّر و اللي سبّبلها احراجات كبيرة مع زملاءها

و كيما قلت في التدوينه موش انا الوحيد اللي تفطّن للشي هاذا .. بل باقي معلّمينها لخرين و عايلتها

انا حاولت فقط ندخل في اعماقها و نحاول نتمثّل درجة القلق اللي تنجّم تكون عايشه فيه و نوصفو في التدوينه .. اما وقت اللي نقرّي فيها ما كانش عندي حتى معاملة خاصة تجاهها للسبب هاذا

و باش تفهم اكثر ، مادام انت صعب عليك قراءة التدوينه بشكل نظيف
هاو نعطيك مثال اخر

رغم اني مانيش قاعد نقارن في روحي بعملاق كيما هاذاكه

ياخي قصيدة نزار قباني

لوليتا



صار عمري خمس عشرة

صرت أحلى ألف مرة

صار حبي لك أكبر

ألف مرة

ربما من سنتين

لم تكن تهتم في وجهي المدور

كان حسني بين بين

وفساتيني تغطي الركبتين

كنت آتيك بثوبي المدرسي

وشريطي القرمزي

كان يكفيني بأن تهدي إلي

دمية .. قطعة سكر

لم أكن أطلب أكثر

وتطور

بعد هذا كل شيء

لم أعد أقنع في قطعة سكر

ودمي .. تطرحها بين يدي

صارت اللعبة أخطر

ألف مرة

صرت أنت اللعبة الكبرى لدي

صرت أحلى لعبة بين يدي

صار عمري خمس عشره

صار عمري خمس عشره

كل ما في داخلي .. غنى وأزهر

كل شيء .. صار أخضر

شفتي خوح .. وياقوت مكسر

وبصدري ضحكت قبة مرمر

وينابيع .. وشمس .. وصنوبر

صارت المرآة لو تلمس نهدي تتخدر

والذي كان سويا قبل عامين تدور

فتصور

طفلة الأمس التي كانت على بابك تلعب

والتي كانت على حضنك تغفو حين تتعب

أصبحت قطعة جوهر

لا تقدر

صار عمري خمس عشره

صرت أجمل

وستدعوني إلى الرقص .. وأقبل

سوف ألتف بشال قصبي

وسأبدوا كالأميرات ببهو عربي

أنت بعد اليوم لن تخجل في

فلقد أصبحت أطول

آه كم صليت كي أصبح أطول

إصبعا .. أو إصبعين

آه .. كم حاولت أن أظهر أكبر

سنة أو سنتين

آه .. كم ثرت على وجهي المدور

وذؤاباتي .. وثوبي المدرسي

وعلى الحب .. بشكل أبوي

لا تعاملني بشكل أبوي

فلقد أصبح عمري خمس عشرة



هل يعني هاذا ان نزار قباني بيدوفيل او شاذ ... ؟؟؟؟ ههههههه

الوصف اللي ريتو انت مبالغ فيه .. ماهوش نابع من شهوتي انا

ما عنديش ميول بيدوفيلية .. و متزوج من امراة سنّها مناسب لسنّي .. و نعيش حياة طبيعية

الوصف كان ميتافوريك .. و كانّي نتحدّث على لسانها هي

ياخي بعمركم ما قريتو ادب

؟؟؟؟؟

عادة البيدوفيل يعيش شذوذو بشكل سرّي لانّو عارف روحو قاعد يرتكب في جريمه

موش يتبجّح بيه بشكل علني

غريب انّو الواحد توصل عندو عقد للدرجه هاذي

غريب
!!!!!!!!!

brastos a dit…

حاجة اخرى يل خليل

ما حسّيتش انّو وصفي الدقيق فيه معنى انّو هالجسد المتكوّر قبل وقتو اصبح لعنة على صاحبته الصغيرة

تعرف اش معناها وحده يصبح جسدها لعنه ؟؟؟؟

ياخي تقراو في التدوينات باعضاءكم الجنسية و الا بامخاخكم و قلوبكم

؟

خليّل a dit…

السلام عليكم

أخي برستو شكرا أولا على ردك و ايضاحك وجهة النظر متاعك

بالنسبة لشعر نزار القباني حكا من منطلق أنوا كان في عمر متقارب مع الفتاة و هوا يسترجع في الذاكرة و يعيد وصف المشاعر في فترة مرت من عمره الي الكلنا تعدينا بيها

توا نعودوا للموضوع متاعك و الي شد انتباهي
هو الوصف الدقيق جدا للفتاة ممكن تكون في سياق الحديث عنها و بالتالي بش تصل للأخير بش تصف الحادثة هذا فهمناه و مانظنش انو فما اختلاف في المسألة هذية

أنا حبيت نلفت للنظر متاعك المعلومات التالية
تصور انوا فما انسان غيرك يحكي و يقدملنا ما يلي
:
- وصف لمشاعر الفتاة و الأحاسيس
- وصف لأحاسيس الفتاة تجاهه كرجل و ليس كمعلم (تخدر و اغماء ...(
- وصف مفصل و دقيق لجسد الفتاة

هذا يحيلنا على أنوا فما توجه جنسي في الحكاية يظهرلي صحيح كلامي

هذا ما يمنعش انوا الإنسان معرض لمثل هذه الحوادث في حياتو أما طريقة الوصف تختلف من شخص لآخر و محاولتك في فهم الفتاة مرّت من خلال تقمص شخصيتها لتوضفها من بعد في سياق الحديث.

توضيح أخير البيدوفيل أو الهوس الجنسي بالأطفال ممكن يكون لاشعوري يعني هو في قرارة نفسوا يعرف انو عيب و يعيب على غيروا القيام بالأفعال هذي أما في نفسيتو فما مرض ما لاشعوري يخليه ينجذب للأطفال جنسيا سواء بالوصف أو بالمشاهدة أو بالفعل.

ملاحظة أخرى فهم الموضوع يختلف من شخص لآخر فلا تعيب عن الناس فهمهم الخاطئ كل ما عليك أن توضح وجهة نظرك و اذا مازالوا ما فهموش فهم المخطؤن

خليّل a dit…

نحب نوضلك حاجة لادخل بالموضوع هذا أنا نعيب عليك التصرف متاعك تجاه كلاندستينوا و عمروش ماهياش باش تتحل بالمشادات و السب والريق البارد لأنوا مستوياتكم أعلى من هذا بكثير

و السلام

brastos a dit…

خليل

نتحدّى ايّ واحد قرا التدوينه من الاوّل للاخير ، يلقاني حكيت في سطر و الا في كلمه و الا في حرف واحد على انجذاب جنسي منّي آنا ليها هيّ

يا رسول الله راهي بنتي

!!!!!

انا حكيت على انجذاب جنسي منها هيّ تجاه المعلّمين متاعها الزوز .. معلّمها بالعربي ( اللي اشرت لانّو هو ايضا لاحظ الحكايه) ثم معلّمها بالسوري اللي هوّ انا

وقت اللي نوصف في بدنها ، عملت هكاكه بالعاني باش نصعّد و نضخّم الدراما اللي هي عايشتها من داخل من جرّاء بلوغها المبكّر و اللي مسبّبلها احراج كبير

البيدوفيل "الصّحاح" عادة ما يبداو أقلّ غباء من هكّه .. يعني ما يحكيوش قاذوراتهم للعموم .. يعملوها بالسكات يا سي خليل ... هكّه و الا لا ؟؟

:)

بالنسبة للجماعه اللي قلت عليهم ، اوّلا نتمنّى انّك قلتلهم هوما الكلام هاذا .. خاطر وقت اللي ترجع بالروابط اللي عطيتها في التدوينات "الطرايح" تو تلقاهم ( زمنيا) هوما اللي عندهم مدّة يتلكّشو عليّ

ديجا تهمة البيدوفيلي اللي انا و اياك بصددها توّة ، هوما اللي اثاروها

شوف تاريخ التدوينه هاذي ، و شفوف وقتاش ظهرّلهم باش يستنتجو البيدوفيلي متاعي

ههههه

بعد شهرين

شبيهم ما حبّسونيش في الوقت؟

بالطبيعة الاجابة هيّ انّهم كي ما لقاو عليّ حتّى شى .. رجعو يبربشو في الارشيف

و انا ننصحك باش تبقى محايد و ما تستسلمش لاتهاماتهم اللي ماهيش بالبراءة اللي تتصوّرها

و انا بدوري نلوم عليك انّك حكمت ميبقا عليّ في صفحة الفايسبوك اللي حلّها العمروش من غير حتّى ما تطالب باستدعاء المتّهم بش تكون محاكمه عادلة

انا باقي عندي امل في انّك تسعى لتفهّم وجهة النظر الاخرى ، و توصّلها للصفحة المحلولة في الفايسبوك ، و اللي انا ممنوع من الدخول ليها

و هكّاكه تكون ساهمت في اظهار :"الراي .. و الراي الاخر" ... :)

شكرا

خليّل a dit…

صباح الخير

انتي عاودت حكيت ما قلتوا في اجابتي السابقة أنا حكيتلك عل الوضع الي صار و سوء الفهم الي حصل من خلال قراءة متباينة و بعيدة عن قراءتك انتي الشخصية للنص ووضحتهالك في الاجابة السابقة.

ثانيا :
هاو نجمت تدخل لصفحة الفايس بوك وقريت الحكم متاعي الأولي عليك، أنا نخليك انتي تجاوب عليهم و ذلك من خلال مدونتك موش في صفحة في فايس بوك.

ثالثا مشكور على نصيحتك لكل منا اختياراته و ميولاته و أنا كيف نشوف شي غالط مايمنعش بش نعلق عليه كيف ما يجبرني حد بش نجاوب عليه

أنا مانيش تابع لحتى تكتل و لحتى حد أنا انسان الي نراه صالح يعملوا ممكن نصيب في بعض الأحيان و ممكن نخطئ و هذا مايمنعش بش نراجع نفسي و الا بش نتخذ ما نراه صالح من دون املاءات أي انسان أو مجموعة.

رابعا : اتفاهموا ما بيناتكم هذي حاجة تخصك انتي و هوما لمت عليك الرد متاعك فقط و انتي أدرا بمصلحتك.

أنا الي عليا عملتوا و حاولت نفهم الموضوع من خلالك انتي و هذا الشيء واضح في السؤال متاعي الأول

و هذايا خلى برشا حاجات توضاح و من خلال حوار عقلاني و راشد بين اثنين وبيه نجمت انتي توصل المعلومات الي ناقصة في تدوينتك و التعبير عن رايك و نجمت أنا و غيري نفهموا وجهة النظر متاعك و هذا هو المطلوب.

و السلام.

brastos a dit…

اهلا
انا راني صحيح ما انّجّمش ندخل للفايسبوك على خاطر المؤسسة اللي نشتغل فيها ، مانعتّو على الموظّفين


صفحة الفايسبوك هاذيكه ما دخلتلهاش و انّما بعثلي عمروش صورة منها بطريقة
screenprint
في ايميل يهدّد فيّ فيه بانّو باش يرفع امري للقضاء
:)

كنت انّجّم نزيد ننشر ايميلو التهديدي في تدوينه و نعمل قاوق .. اما انا ما عادش نحبّ نعطي اهمية لهالحكاية التافهة

انا نعرف روحي
اصدقائي يعرفوني

الناس الاخرين .. عندهم ارض ربي
واسعه قدامهم
:)
و عندهم ماء البحر

انا وجّهتلك اللوم هاذاكه خاطر
من بين المعلّقين اللي قريتهم اش
كاتبين : تعليقك انت

في النهاية انت بالطبيعه حرّ ، و رغم انّي ماحبيتش تعليقك اللي فيه تأثّر بفكرة مسبّقة دون تقصّي ، الا انّي احترمت ياسر المجيء متاعك هنا باش اتّبّع الحكاية في اعماقها


قذف الناس باتهامات كيف هكّه راهو ماهوش عمل مسؤول

نحبّ نحيلك على الحلقات الاولى من سلسلة : ثرثرة معلّم قديم

ممكن تزيد يوضاحلك اسلوبي في الكتابه



ثرثرة معلّم قديم 1

http://kahaw.blogspot.com/2008/06/blog-post_26.html



ثرثرة معلّم قديم 2

http://kahaw.blogspot.com/2008/07/2.html



ثرثرة معلّم قديم 3

http://kahaw.blogspot.com/2009/02/3.html



شكرا و مرحبا

خليّل a dit…

السلام عليكم

اولا نحب نشكر عمروش لدخولوا في نقاش مع برستوا

ثنيا أنا نرحب بالفكرة هذي و ان شاء الله سأكون من الحاضرين.

brastos a dit…

ملاحظة تقنية

نظرا لطول تعليقي ، اضطريت اني نقسمو على اجزاء


كيما سي العمروش يستاهل الشكر على انّو "تكرّم" علينا بالمشاركه في النقاش ، يستاهل زاده شيء اخر غير الشكر ، على تعاليقو الاستفزازية في مدوّنة صديقو قطّوس الجيفه ، و على ايميلاتو التهديدية اللي يبعثلي فيها ، و اللي ماعندو بيها وين يوصل

ما عليناش

اوّلا


نحبّ نوجّه دعوة للاصدقاء المعلّقين في التدوينه هاذي إبّان ظهورها انّهم يشاركو معانا في النقاش ، بوصفهم مشاركين معايا في جريمة البيدوفيلي عبر"مباركتها" و "التهليل" ليها عن طريق تعاليقهم اللي عبّرو من خلالها على اعجابهم بالتدوينه و بالحكاية

ثانيا

الحديث معاك باش ياخذ زوز مستويات :

المستوى الاول :

يخصّ التدوينه ، و باش نبداه بطرح بعض الاسئلة عليك

1- الـ "بيدوفيل" اللي ما يتورّعش على ذكر و سرد مغامراتو القذرة كل ما اوتيحتلو الفرصه ، راهو ما يعملهاش مرّة وحده فقط ، يعملها برشه مرّات و يسردها برشه مرّات

باهي ؟

توّ اعطيني وينو اثر البيدوفيلي متاعي في التوجّه العام متاع مدوّنتي ؟؟ بخلاف هالجملتين اللي وقع اجتثاثهم من سياقهم بسبب ما نحن عليه من خلاف فكري و سياسي موش بسبب "حماية الطفولة" ـ

الجملتين اللي باش نجي عليهم جمله جمله ، و حرف حرف لوطه شويّه

المستوى الثاني :

اسلوبي /لغوي/ادبي

الكلّنا قرينا في الادب انّو ايّ لغة عندها محسّناتها البلاغية و مجازاتها و ميتافوراتها

وعندنا لهنا اختنا ولادة اللي نتصوّرها اكثر اختصاص مني و منك في اللغه و الاداب العربية و تنجّم تحبّسني اذا حكيت بالغالط ، و الا تضيفلي حاجات


توافقنيش انّو فمّه فرق (في التاثير على القارئ) بين وقت اللي نقول : "انا فرح"
و بين وقت اللي نقول : "انا ساطير من الفرح"
؟
رغم انّهم يأدّيو نفس المعنى: التعبير على الفرح
؟


انت وقت اللي تقرا الاولى ، تحسّ روحك فرحان ، اما وقت تقرا الثانية ، تحسّ روحك اكثر فرح

مثال اخر

وقت الي نقول : "تقدّمت به السّن"

ما تعطيش نفس الفعل اللي تعملو الجملة هاذي : "اشتعل الرأس شيبا"ـ
و الا
"غزا الشّيب مفرقه"

التاثير على القارئ هنا ياخذ درجات متفاوته ، و ذلك بطبيعة الحال مقصود و مدروس من طرف المتكلّم/الكاتب

في الحكاية اللي حكيتها انا ، و في الجملة هاذي :

"لكن الفيضانات .. و الخصوبة ..و الربيع المربّع .. ما اكتفاش بالارض و الـفـْلاحة و الحشيش .. بل تعدّاه الى جسم "محبوبه" ...و خصّبها .. و كوّرها .. و قولبها قبل وقتها .. مسكينه"

صحيح كان فمّه شويّة تدقيق (عادي .. دون اباحية و دون عهر لغوي) التدقيق مقصود ، لاضخّم الجانب الدرامي اللي متعلّق بمعاناة هالفتاة اللي تعاني من بلوغ مبكّر مسبّبلها احراجات و صراعات داخلية كبيرة

هاذاكه اسلوبي في الكتيبة و انا حرّ فيه

و ما اوضحش من اشارتي للمعاناة متاعها من انّي ختمت الفقرة بكلمة : "مسكينه"

هكّه و الا لا ؟

شوف اسلوبي في الفقرة هاذي :

"و كانت واعية بالفرق الجسماني بينها و بين زميلاتها .. العصيفرات لخرين .. اللي مازالو ما عرفوش ما عرفاتو هي .. من قلق شهري .. و من انجذاب للجنس الاخر .. و من شهوة لعينه"ـ

ريتها الوصف اللي وصفت بيه الشهوة : قلت "لعينه" .. و وقتاش تولّي الشهوة لعينه ؟؟ حسب رايك و قت اللي تكون مصحوبه بمشاعر سلبية كالخوف و الندم و الالم و...و...و

brastos a dit…

مثال اخر من كلامي

اقرا الفقرة هاذي :

"و جا النهار اللي باش تحمل فيه محبوبه صليبها على اكتافها .. صليب النهد الذي تكوّر باكرا .. و الخدّ الذي تورّد باكرا .. و القوام الذي تشكّل باكرا .. و الاغماءة الخفيفة التي تنتابها باكرا عند ملامسة يدها ليد معلّمها" ـ

وينو الشبق في عبارة"تحمل صـَليبها" ؟؟؟؟؟؟

اااه ... ستنّى اسّعه


يمكنشي فمّة بعض الاحمرة المكبوتين قراووها : صـْـليبها موش صـَليبها

لا ، انا نقصد صـَليبها بفتح الصّاد ، في استحضار لصلب لمسيح الذي حمل على اكتافه صـَـليب ثورته و طيبته و اصلاح ما فسد من امّته

الصّليب هنا انا استدلّيت بيه على الثمن ، و الثّمن الباهض جدا اللي يلزمها تدفعو هالفتاة المسكينه لقاة تفتّح جسدا باكرا في وسط جاهل غير متفهّم ، قد يعاقبها و ينفرها لهذا السبب الذي هو ليس من صنعها هي

هل ممكن انّو واحد يوصف في جسد و هو في حاله شبقية (كيما تقولو) ، و يحكي على "الصّــَـليب" بكل ما توحيه كلمة صليب من موت .. عذاب .. الم .. جراح .. عقاب .. الخ

احد الاحمرة اللي انت اتّبّع فيهم و تعلّق عندهم ، استدلّ على "البيدوفيلي" متاعي بقولو : كيفاش عرف انّها عندها قلق شهري ؟؟؟

اولا ، اذا هو جاهل بالجنس ، يمشي يثقّف روحو


ثانيا ، الحادثة اللي وقعتلي عامتها في القسم و اللي تتمثّل في انّها البنيّة هاذيكه جاتها العادة الشهرية و هي في القسم ، بشكل ظاهر للناس الكل ، ناديت لزوجة العسّاس و خرّجت التلامذة الكل ، و كلّفت زوجة العساس انّها تهزّها للتوالات و تنظّفلها المقعد الدراسي متاعها ، و بعثتها روّحت بعد اعلام المدير


بالنسبة للجملة هاذي اللي انا قلتها في سياق التاثير اللي حسّيتو يعتريها وقت اللي نمسّها من يدها باش نكتّبها

و من غير ما تلبس النظارات التناسلية باش تقرا كلمة : "نمسّها من يدها"ـ

بالنسبة للي يعانيو من كبت جنسي .. ايّ لمسة من يد ليد .. تثيرو جنسيا

تلك مشكلتهم ، و لا يمكن لهم حلّها الا باكتساب التوازن النفسي/الجنسي اللازم
بالممارسات الجنسية المتكررة ، و بشكل سليم و صحّي

وقتها تو يعرفو اللي راهو الزوج و الزوجه ، الحبيب و الحبيبه ، الرجل و المراة ينجّمو -وهما على نفس الفراش- يلمسو ايدين بعضهم ، لمسة فيها حبّ و حنان و دفء انساني و عاطفة و تدفّق وجداني ، و لا اثر فيها للشهوة

يعني ميش كل لمسة يد = جنس

و هاذا اللي قصدتو بالكاريكاتير متاع النظارات التناسلية اللي رسمتهم هنا

http://kahaw.blogspot.com/2009/08/caricature.html

تبّعني و ما تقلقش .. و شوف لمس يدي ليدها في انا اطار جا

اما نحّي هاك النظارات عاد
:)

ايّ ركّز معايا

الكلّنا قرينا مادّة : "الخط" في الابتدائي
Écriture
و الا اذا فيكم شكون معلّم ، راهو درّس هالمادة
في حصص الخطّ ، يجب تعويد التلامذه على مسك القلم و التحكّم فيه و في اتّجاهاتو على خاطر اعصاب اناملهم الصغيرة ما زالت ماهيش متعوّده على مسك القلم بما فيه الكفاية .
الحكاية هاذي ماهيش ساهلة و الا بسيطه ، يعني الطفّل اللي مستانس باتّساع الفضاءات اللي يلعب فيها بكامل الانطلاق و بكامل العفوية بلا حدود ..تجي انت تمهمشلو عينيه و تعطيه زوز و الا ثلاثه ملّيمترات على ورقة مسطّرة بالطول و بالعرض.. و تطلب من باش يكتب حرف في زوز ملّيمترات

لذلك من الضروري اتباع مراحل معاه لتدريبو على التحكّم في هاك المسافة الضّيقة ياسر بالنسبة ليه ، و اللي هو مطالب بتوجيه كل تركيزو عليها هي .. و كتابة حرف في زوز مليمتر مربّع .. هنا تجي المراحل اللي تبدا من كتابة الحرف في السبورة بشكل كبير .. كل مرّة يخرج واحد يكتبو .. و من بعد نتلّفت انا للسبّورة و نبدا نكتب فيه في الهواء .. و هوما يقلّدو فيّ .. كلّها تمارين على التحكّم في الفضاء و في الاعصاب و العضلات الصغرى لليد و للاصابع .. .. و من بعد كل تلميذ نشدّلو يدّو وهو يكتب و نكتبلو آنا أما بيدّو هوّ .. و هاذا المقصود وقت اللي قلت : "كيما نمسك يد هالتلميذه كيما كنت نعمل مع باقي التلامذة"

وضع يدي على يد ايّ تلميذ (بما فيهم هي ) كان يستدعى انّي نكون قريب منّو ، يعني مثلا ما عنديش يد طولها اربعة و الا خمسة امتار باش نبعثها للتلامذه بعثان

يلزم نكون بحذاه ، و نكتــّب فيه انا ، و نحكيلو على اتّجاه يدّو ، و على ضرورة انّو يكبس على القلم هنا ، و يرخف عليه يدّو هنا ، و نورّيه السّطر اللي ما يلزموش يفوتو .. و نشوف النتايج و نقيّم

هنا بالضبط ، نلاحظ اللي هيّ تفقد تركيزها على الكتيبه ، و ترتبك ، و تصدر عنها حركات صغيرة ما تصدرش على الاخرين ، و من وقت اللي تفطّنت للشي هاذا .. اصبحت حذرا معاها .. و شافق عليها في نفس الوقت

brastos a dit…

تي وينك عاد

!!!!

3amrouch a dit…

و من وقت اللي تفطّنت للشي هاذا .. اصبحت حذرا معاها
مريتش حتى جملة تبين انك اصبحت حذر معاها وانك توخيت اساليب اخرى في التعامل معاها ممكن تحب القارئ يتخيل في بلاصتك؟
اش تحبو يتخيل كيف يعرف انك تنجم ترحب بنفسك وتسال روحك اشنية احوالك ووين كنت؟
ماهوش استهزاء را هو لهنا لكني نفسرلك فقط في اش ينجم الواحد يخمم فيك
تماما كيما حكاية الدم وخرجت التلامذة منعرفاش كيفاش واحد باش يوحي بيك نفس الامر في الادعاء انو جني استعمل نفس الحاسوب الي انت استعملتو وانكم الاثنين تواجدتو صدفة في نفس الزمان والمكان وعلى نفس الحاسوب
ماتراش انو ديمة حكاياتك تبدى ناقصة معلومة؛؟
علاش تخلي للقارئ عناء اكمال الفراغ وحدو؟
ملاحظة اخيرة
نعتك للبعض بالفروخ ومرة تيتوف كذلك نعلمك انو العمر ماعندو حتى دخل في تحديد النضج ونحيلك على بشير بن يحمد اول وزير في حكومة بورقيبة كان عمرو 27 سنة فقط ولا ساركوزي رئيس بلدية وعمرو 28 سنة

WALLADA a dit…

سلامي للجميع

أنا عندي مدّة ما حبّيتش نتدخّل خاصّة و أنّ الأمور بدات بحملة في الفايسبوك في مقابل حملة الإستغفار و كنت أبديت موقفي منها و من كلّ كلمة بذيئة كيف العادة ، لكن كيف تحصرت الحكاية في تدوينة براسطوس لقيت الأمر يهمّني من زوز نواحي
الناحية الأولى مجال التعليم و التعامل مع التلامذة
الناحية الثانية أنّي كنت من المعلّقين على التدوينة المذكورة و الّي عجبني فيها الجانب الأدبي و الأسلوب الفنّي في الكتابة فما راعني إلاّ إنّي لقيت جماعة تسخر من المعلّقين و المهلّلين و هنا لقيت نفسي مجبرة إنّي نتدخّل بالتعليق
و أرجو من براسطوس أنّه يسامحني على التطويل
و أرجو من عمروش أنّه يقبل منّي و يعطيني وذنو و نضجه الّي تعوّدت بيه

WALLADA a dit…

تعليقي باش يحتوي على مقدّمة و تحليل و لوم و تذكير

المقدمة : قبل كلّ شيء نحبّ نقول إنّي الكلّ أصدقائي و عمري ما ندمت على صداقة مادامت ماهاش ضدّ قناعاتي و في الحالة هذي نحذف الشخص من قائمة أصدقائي. يعني أنا نتدخّل هوني بصفتي صديقة لاني حاكم لا محامي ، صداقتي لبراسطوس و لعمروش و لكلندو و غيرهم هي الّي تفرض عليّ باش نعطي رايي و نشا الله تاخذو بخاطري


التحليل : التدوينة الّي قامت عليها الدنيا و ما قعدتش و الّي للأسف البعض وقف فيها عند ويل للمصلّين و تصوّرو أنّها تحمل نوايا بيدوفيليّة ، التدوينة نفسها تحمل معاني نبيلة لو كان نظرنالها بعين متجرّدة من غير أحكام مسبقة
يقول صاحب التدوينة " ... لكن الربيع ما اكتفاش بالأرض بل تعدّاه لجسم محبوبة و خصبها و قولبها قبل وقتها مسكينة " لاحظو كلمة مسكينة

و يقول " كانت واعية بالفرق الجسماني بينها و بين زميلاتها ... و عرفت ما لم يعرفنه من شهوة لعينة " لاحظو كلمة لعينة

كما أنّ صاحب التدوينة كان أشار إلى والد الصبيّة حين قال " الشيء طبيعي باش يحدث من جانبها هي / و هوني لاحظو أنّه يركّز على كلمة هي / لأنّي ربّما الرّجل الوحيد الّي تباشر فيه يوميّا بعد بوها " و هذه إشارة أنّ المعلّم عادة ما يعوّض الأب خاصّة كيف يبدا الأب صعيب

و يقول " لقيت نفس الملاحظة عند معلمها متاع اللغة العربيّة " فهل معنى هذا أنّ معلّم العربي زادة بيدوفيل و كلّ المربّين الّي يسايسو تلامذتهم بيدوفيل حتّى هوما؟ و في الحالة هذه المعلّمة المرا الّي تساعد تلميذ ذكر نتّهموها في أخلاقها و ميولاتها زادة؟ و هكّة تولّي الدّعوة للرجوع للفصل بين الجنسين في التعليم ساهلة و نخصّصو معلّمين رجال للذكور و معلمات نساء للبنات ، فهل هذا سيمنع تجاوزات المرضى الحقيقين ؟

أمّا بالنّسبة لقول المدوّن أنّه صار يتعامل مع تلميذته بحذر و الّي ظهر لكم غامض ، أنا ريته واضح
يقول المدوّن " من وقتها وليت نتعامل معاها بنوع من الحذر :
ما نحسّسهاش إنّها كبيرة على زميلاتها باش ما تاقعلهاش عزلة نفسيّة تعيقها عن الفهم

يلزم نلغي من تصرّفاتي معاها الجانب الّي تمارس فيه هي سريّا معايا و هو اعتباري راجل " الجملة الأخيرة هذه هي أهمّ ما في التدوينة
براسطوس حبّ يقول فيها أنّه حرم الطفلة من أنّه يتعامل معاها بصفته كرجل بالمعنى الذكوري . شمعناها ؟ آش قعدله من صفة الرّجل ؟ ما قعد له كان صفة المعلّم الملقّن أو صفة الأب

كلّ ما في الأمر أنّ براسطوس أطنب في الوصف لجسد الفتاة كيف ما أطنب في وصف الأرض و الربيع و الألوان و الأشكال و هذا يدخل في أسلوبه في الكتابة و ما نتصوّرش أنّ إنسان عاش حياته كاملة بالطول و العرض باش يقعد يحنّ لمشهد جسد طفلة تعدّى على تدريسه ليها سنين و سنين . و لو كان جا بيدوفيل بالحقّ راهي البنيّة اكتفات بيه نظرا لصغر سنّها و براءتها و جهلها بالممارسات هذه و لكن البنيّة كانت تميل لتلميذ في المدرسة و بيناتهم جوابات و حكايتها معاه عرفتها القرية الكلّ .


نعتذر مرّة أخرى على التطويل و توّا نرجع باش نكمّل تعليقي

خليّل a dit…

السلام عليكم

عذرا لتأخري في الرد، و ذلك لظروف عائلية بحتة.

أولا أنا مانقدتش أسلوبك في الكتابة و الا طريقة الكتابة متاعك الي كانت ممتعة و مازلت نستنى في كتاباتك

ثانيا :
حكيت على اللاشعور متاع الانسان الي في الباطن متاعوا مخبي أشياء هو في الظاهر غير راضي عليها

كنت تنجم توصف الطفلة بألفاظ ألطف من هكا و تؤدي لنفس المعنى و تعطي نفس الإحساس انو الفتاة كبرت قبل من وقتها.

ثالثا:
أنا مانلومش على الجماعةالي شكروك، لأنو كتابتك ممتازة

رابعا :
العيب الوحيد هو الاطناب في وصف الفتاة وهي في عمر الزهور و الانجذاب الي تقصدوا منها ليك ممكن يكون منطبق في الاتجاه المعاكس يعني فما انجذاب عكسي منك انتي ليها، هل الحادثة الي بقيت في ذاكرتك الى الآن و بقيت أدق تفاصيل الفتاة في بالك

السؤال يطرح نفسوا هنا؟

والسلام

MeTaLLisTiC a dit…

في كل كتاباته يقوم براستوس بوصف ادق التفاصيل سواء كان المتحدث عنه هو انسان او حيوان او اي حاجة... حتى و ان كان دورهم موش مهم برشة في الحبكة متاع الحكاية ، فما بالك بجسد طفلة جنى على صاحبته و شعرة لا ماتت من جرتو ، هذا اذا كان ما نحسبوهاش ماتت صايي بعد خروجها من المكتب و سرحانها بالعلالش...

المهم كلنا نعلم ان الحكاية متاع البيدوفيلي كان مجرد طلعة لسب براستوس لانو اختلف في الرأي مع عباد اخرين... ديجا التدوينة مكتوبة من جوان و حتى ما جبد حكاية البيدوفيلي... زعمة توة قراست و طلعت منها ريحة البيدوفيلي ؟

و بناء عليه زادة نجموا نقولو اللي جميع المعلقين في فترة جوان ، ذكائهم محدود و ما فاقوش "بالـميولات الشريرة" متاع براستوس..

المشكل الرئيسي هو ان الكتابات الادبية تحتمل اكثر من تأويل و ينجم اي عبد يفسر معانيه على قياس مخو و ميولاتو و يحط مقاصد اخرى بين سطور النص ما عندها حتى علاقة باللي كان ناويه الكاتب..

"مثلا في التدوينة قبل الاخيرة متاع "كوسين روم... و حديث في الموسقى" ، قال براستوس :"تذكّرت صديقي "ارفيوس" اللي تقول الاسطورة اليونانية كذا..."
انا نجم نقول انو براستوس عندو جنون العضمة -اللي بدى يظهر من سعادتو الظاهرة بتذلل القطاطس ليه و اطعامهم بالقاء الماكلة ليهم من فوق ،و كانه اله يمن على خلقه من اعلى السماوات-...
لذلك يعتبر الشخصيات الاسطورية بمثابة اصدقاؤو..

و خلاف اللي براستوس عندو جنون عضمة جعل من انسان مريض يظن انه بمنزلة الالهة ، طلع الاه شاذ جنسيا، لانو قال : "ياخي رجعت لعالم الاموات .. و المرة هاذي .. فقد ارفيوس حبيبتو يوريديس الى الابد.... كي نحطّو الاسطورة المزيانه هاذي..."
و الشذوذ هنا هو في وصفه فراق ارفيوس عن حبيبته "بالاسطورة الـمـيـزيـانـة" ، اي انو فرح كي يوريدس بعدت صايي عن ارفيوس... و خلالو الجو باش يمارس شذوذو مع ارفيوس...."

يعني كيف ما قلت مللول اي واحد ينجم يفسر اي حاجة كيف ما يحب هو و طبعا تلك التفاسير تعطينا لمحة عن خفايا الشخص المفسّر..

و نحب نزيد حاجة اخرى ، باللهي فينا شكون ما عندوش في الانتوراج متاعو طفلة في العمر هذاكة و لاحظ عليها التطورات هاذي..؟؟
و زعمة كي ام واحد فينا او بوه يقول "واللهي بنت فلان كبرت و ولات صبية تبارك الله عليها..." ( و طبعا معروف انه يقصد في الجسد.. ) زعمة تولي فيه ريحة البيدوفيلي زادة ؟؟ خاصة و ان بروسيسور مخاخنا في جزء من الثانية باش "يعالج" منظر تفاصيل جسد الطفلة هاذيكة اللي ولات صبية تبارك الله عليها و تتعدى الحكاية نورمال...
........
صديقي براستوس ، اي واحد عندو القدر الكافي من الخمج في مخو و زيد معاهم شوية بونتوات ينجم يطلعك ميولات انحرافية حتى في النشيد الوطني لذلك، لا تبـالي.. لا تبــالي...

3amrouch a dit…

@ولادة
مرحبا بيك رايك يهمني برشة فقط شوية حياد
وهانا نستناو في باقي التحليل وفي اللوم وهككة انجمو نجاوبك
براستوس@
يضهرلي خليل ماهوش مختلف معاك لا فكريا ولا سياسيا ورغم ذلك مزال يعاود في انوا الوصف مبالغ فيه شوية
زعمة عندو نظارات عجيبة حتى هو؟
على كل مازال عندي امل تقرى تعليقي وتجاوبني عليه نقطة نقطة كيما عملت انا لتعليقك هككة انجمو نواصلوا
الاخر@
بربي جماعة
les beni oui oui
خليونا كبار صافي
كان عندك تعليق في صلب الموضوع تفضل كان جاي تناشد وتساند وتطبل راو موش هوني
شد دينار برة خوذ كورونو كلاس من عند عمك سالم مدام كملنا نحكيو تو نعيطولك مبعد
براستوس تعاليق المساندة راهي تضرك اكثر ماتنفعك

brastos a dit…

ولاده

سعيد بقبولك للدعوة .. وكنت كلّي أمل في انّك تنزّل التدوينه منزلتها الاسلوبية ، و هاذا اللي ناقص برشه قرّاء ليها

رغم انّي لحد الان ، و بكل ثقه في سلامة ميولاتي الجنسية / النفسية ، و بكل ثقه في اني نظاراتي بلاّر ، عندي اعتقاد راسخ غير قابل للتزعزيع اللي تدوينتي اللي تهكّمت فيها من حملة الاستغفار ، الشي اللي نعتبرو حق من حقوقي طالما اني ما تعرّضتش لاشخاص بعيبهم

في انتظار بقية تعليقك .. مرحبا

brastos a dit…

ولاده

سعيد بقبولك للدعوة .. وكنت كلّي أمل في انّك تنزّل التدوينه منزلتها الاسلوبية ، و هاذا اللي ناقص برشه قرّاء ليها

رغم انّي لحد الان ، و بكل ثقه في سلامة ميولاتي الجنسية / النفسية ، و بكل ثقه في اني نظاراتي بلاّر ، عندي اعتقاد راسخ غير قابل للتزعزيع اللي تدوينتي اللي تهكّمت فيها من حملة الاستغفار ، الشي اللي نعتبرو حق من حقوقي طالما اني ما تعرّضتش لاشخاص بعيبهم

في انتظار بقية تعليقك .. مرحبا

brastos a dit…

ولاده

الجملة ناقصه

قلت : تدوينتي اللي تهكّمت فيها من حملة الاستغفار ، الشي اللي نعتبرو حق من حقوقي طالما اني ما تعرّضتش لاشخاص بعينهم ، هي السبب وراء إثارة هالزوبعه التافهة

brastos a dit…

ميتاليستيك

اهلا ..

فقط حبيت نقلّك اللي اعتباري لارفيوس صديقا لي ، كان على قاعدة انّو "ارفيوس" و "براستوس" يشتركو في انّهم الزوز الهة متاه موسيقى

الاسطورة هي بالثراء بحيث انّها قابله لما لا نهاية له من التاويلات .. هاذاكه علاش تلقى اعظم و اقدر الشعراء هوما اللي تلقى الاسطورة حاضرة في اشعارهم ، و يتقنو الاستفادة من تلك الملاحم

تلقى زاده فرويد استفاد ياسر من الاسطورة في تحليلو للاشعور .. و الامثلة عديده : اوديب .. الكترا .. ديونيزيوس و غيرهم

شكرا

MeTaLLisTiC a dit…
Ce commentaire a été supprimé par l'auteur.
MeTaLLisTiC a dit…

@3&mrpuch
معناها مرة تكتب تعاتب في براستوس :"نعتك للبعض بالفروخ ومرة تيتوف كذلك نعلمك انو العمر ماعندو حتى دخل في تحديد النضج..." و مبعد تحكي هكة ؟
بون حاجة متوقعة منك.. لانك بكل بساطة عمروش :))

المهم انا قلت رأيي في طريقة فهمكم للتدوينة اللي نفهمو منها طريقة تفكيركم في المرأة و كيفية تعاملكم معاها بصفة عامة ، لانو لو كان نفرضوا ان براستوس كان يقري في محو الامية لتلامذة اندادو و مس يد تلميذة منهم ، اتو تولي مغامرة جنسية كاملة و يولي براستوس وقتها داعر و فاسق...
المهم تشوفو حكاية تعملوها لانو خالفكم في الرأي في قضية اخرى.....

المهم انا مانيش باش نحول ساحة التعليقات الى عركة ، لانو طريقة ردك على واحد مخالفك في الرأي تذكرني بالحق بالايامات الي كنت ناخو فيهم دينار و نمشي نشري "كورنو كلاس" من عند سالم او غيرو..

الحاصل تعلم كيفاش تجاوب و كيفاش تقول كلام و مبعد ما تطبقش عكسو بالكشي ترتفع البوسيبيليتي متاع انك تولي عبد للصفر...


مع اعتذاري لبراستوس عن الفوضى اعلاه

MeTaLLisTiC a dit…

@Brastos

يا براستوس نعرف الكلام الي قلتو الكل...
اما انا بلعاني فسرت صداقتك لارفيوس التفسير هذاكة باش نضرب مثال بسيط عن كيفاش
واحد ينجم يمسخ الكلام متاع العباد بنجاسة افكارو...

تحياتي

brastos a dit…

خليل

خوذ راحتك .. الدار دارك

كيما انت قلت .. الاطناب "اذا جاز لنا ان نسمّيه اطنابا" على خاطر انّجّم نحيلك على فقرات و قصايد فيها وصف للجسد تقول الناس مااوسع بالها ، و قدّامها هي ، تولّي هالاربعه كلمات اللي حكيتهم انا ، و اللي اثارو اصحاب النظارات اللاسويّة (ماكش مقصود)عبارة على وصف سطحي و ماعندوش معنى ..

وصفي كان معطوف على وصف تفتّح الربيع في باقي عناصر الطبيعه الاخرى .. اللي اجسادنا ماهي الا جزء منها

بالنسبة لنقطة اللي الحكاية قعدت في بالي كل هالمدّة .. الله غالب .. يمكنشي العامين اللي درّست فيهم في الارياف أثّرو فيّ لدرجة انّي نتذكّر كل شي فيهم .. و لك ان تقرا باقي تدوينات تلك السلسلة .. لتتأكّد ان ذاكتي ماهيش قويّة فقط في اجساد المراهقات ، بل في مختلف الجزئيات

ثمّ انّي كيما تنجّم تكون قريت في الحلقات لخرين / انا موثّق للعامين هاذوكم بالتصاور و بالتسجيلات السمعية

عندي اشرطه فيهم التلامذه يغنّيو و يلقيو في محفوظات و عندي تصاورهم و هوما تلعبو و يشطحو .. و محتفلين بانتهاء العام الدراسي .. عندي كرارسهم متاع الخط

هالعناصر المادية/السمعية/البصرية الكل راهي تعاون على تنشيط الذاكرة

يبقى انّو كيما حكيت لولاده ، التدوينه هاذي من جوان
و حتّى حدّ ما اثار حكاية تضمّنها للبيدوفيلي

الا وقت انا وقفت موقف ساخر من حملة الاستغفار اللي اقاموها ناس معينين عالفايسبوك

و عبّرت على انّو احنا كشعوب زوالية و مقهورة و مغلوبه على امرها سياسيا و اقتصاديا و كل شي ، ماناش في حاجة لحملات من النوع هاذا ، بقدر مانا في حاجه لتوعية اخرى و لاستفاقه اخرى

قد يحق لايّ مؤمن ان يستغفر ربّه في بيته او في مسجده .. اما ان نقيم حملة استغفار عالفايسبوك فهذا ما لا معنى له

من نهارة اللي قلت الكلام هاذا ، انتبهو هالجماعة الى انّي ... هههه ... في جوان ... كنت بيدوفيل

:)

مهم ياسر خويا خليل وضع الامور في أطرها و سياقاتها الزمنية باش ما نندفعوش و ما نظلموش لعباد

طيب

هالدّعوى اللي يحبّ يرفعها عليّ الاخ عمروش ادامه الله !!.شنيّة باش يكون فحواها؟؟؟

شنيّة التهمه؟؟
الاطناب في وصف جسد طفله/مراهقه سنة 1989؟؟؟؟؟

ربما

!!!

مرحبا

brastos a dit…

الجزء الاول من الرد على عمروش
@ عمروش
من غير ما تبدا توزّع في الدينارات
دينارك خلّيه عندك ، و اذا لازمك تعطيه ، اعطيه لصاحبك قطّوس الجيفه اللي حالّلكم ماخورو باش تفتّقو مواهبكم في سبّاني انا بكل تفوريخ
و لذلك ، وضمانا لسير النقاش سير طبيعي ادعوك
اولا .. ادعك الى التحلّي بآداب النقاش و احترام الناس اللي قبلو الدعوة اللي وجّهتهالهم و جاو شاركونا الحديث .. خاصة و انّهم اولا يتسمّاو "ضيوفي" ثانيا لانّهم التزمو بالاداب و بالتحضّر ، و نكون واضح هنا اكثر .. نقصد في ردّك اللي ناقص ادب على تدخّل ميتاليستيك اللي ما تعرّضلكش بحتّي استفزاز
بل بالعكس ، و بقطع النظر على رايو اللي "مع" و الا "ضدّ" كان تدخّلو في منتهى الادب و الاضافه .. الشي الل نفتقدوه عند قطاطس الجيفه اللي نلقاوك انت تخلّي عندهم في تعاليقك ايّاها
ثانيا
و الكبر، يا سي عمروش .. ياللي ديمه تتفخّر بصغرك .. (هالصفه هاذي نعرفها عند نوعية خاصة من النسا .. الجاهلات .. التافهات .. اللي يقولو : صحّه ليّ مازال في وجهي ما نورّي و مازال في زندي ما نعرّي) قتلك الكبر راهو ماهوش فقط في العمر .. الكبر في رجاحة العقل و نضج الفكر .. ميتاليستيك نموذج للشاب الصغير في العمر (ربما)، لكن الكبير في اهتماماتو و في اطلاعاتو و في نظافة مخّو و في عدم ارتداؤو للنظارات ايّاهم
نبدا نجاوبك
ما طارلك حتّى تعليق
و ما جانيش منّك حتى تعليق
و من حسن الحظ انّي في الفترة اللي انا نستنّى فيك فيها باش تجاوب ، كنت نثرثر(تشات) مع احد اصدقاءك ، و قتلو راني وجّهتلو دعوة للنقاش الهادئ في موضوع التدوينه ، و عندي ثلاثه ساعات نستنى فيه و ما جاوبنيش

يمكنشي انت تهيّألك انك بعثتو و ما بعثتوش .. على خاطر هالنهارين برشه حاجات قاعده يتهيّألك انها موجوده ، و هي موش موجوده

على خاطر منطقيا يا سي العمروش ، موش معقول باش نوجّه دعوة لواحد باش نتناقشو انا و اياه ، و نتــلّفــلو تعاليقو

هكّه و الا لا ؟؟

;)

يقول عمروش

كيما سبق وقتلك تنجم تنطبق عليك ملاحظة خليل الي هي ممكن انت ترفض مثل تلك الممارسات ولا ضد استغلال الاطفال ولكن هذا مايمنعش انجذابك اللاشعوري لرقة طفل ولا لملمس جلد طفل صغير

اولا انت للمرّه الثانية تقول : كيما قال خليل

خلّي "أقوال" خليل على جنب ، واعطيني اقوالك انت



تقول : "ممكن انت ترفض مثل تلك الممارسات ولا ضد استغلال الاطفال ولكن هذا مايمنعش انجذابك اللاشعوري لرقة طفل ولا لملمس جلد طفل صغير"

اولا .. انت بديت جملتك بكلمة : "ممكن" .. و هاذا فقط كافي باش يضعّف حجّتك ، و الحال انّك ، اش قالّك و اش قال عليك ، باش ترفع ضدّي قضية عدلية في التحرش بالاطفال ، و باش يقولولك اشنوّة الادلّه متاعك ؟ و باش تقوللهم راهو : لا .. راهو """"ممكن"""" تكون عندو ميول لاشعورية تجاه رقّة الاطفال و ملمس جلودهم

ترا ثبّت شويّة في الجملة هاذي " لرقة طفل والا لملمس جلد طفل صغير" ... شبينا ما نعتبروش هالجمله متاعك "اطناب في الوصف" ؟؟؟؟؟ " رقّه" ..." ملمس جلد" لو انا كنت مو هوّاة اصطياد التهم و الشتائم الاخلاقية التافهة ، لما تركت هذا "الوصف الدقيق" و هذا "الاطناب" يمرّ هكذا

!!!!
يعني شكوك .. احتمالات .. ما عندكش ما يأكّدها ، و كنت في تدخّلي الاول وجّهتلك طلب انّك تبحث في باقي محتويات مدوّنتي و في توجّهها العام و الخاص ، عمّا يؤكّدها

ما جاوبتش

يعني ما لقيتش

ممّا يساهم في إضعاف هالـ :"ممكن" متاعك

و زيد يا سي العمروش .. وقت اللي تحبّ

اش بقالك ؟؟

قضيّة الجنّي .. و اتهامي بانّي انا هو و هو انا؟

ما تتصوّرنيش ساكت عليها .. هكّاكه .. اما كل شي يجي في وقتو .. خاطر صديقي الجّني/البوهالي حاليا قاعد يمرّ بظروف صعيبه برشه .. صحّيا ..

نقول صديقي الجنّي و نسطّر تحتها .. لانّو الجنّي من اروع الاصدقاء اللي عرفتهم من التدوين

و هانا جايّينك .. و انا متأكّد انّ الجميع سيفاجأ مفاجآت غير سارة .. قريبا .. قريبا جدا

يعني شكّك في انّي انا منتحل شخصية اخرى ، يبقى مجرّد شك .. ماهوش مثبت ، و ليس لبعض التّرّهات من نوع تشابه الحروف و تشابه الفواصل و تشابه نقاط الاستفهام .. الخ .. ليس لمثل تلك التّرهات ان ترتقي الى مرتبة الادله

وعليه .. مادامت مجرّد شك ، اذا ما تنجّمش ترتكز عليها باش تستنتج الاستنتاج هاذا :

"الاعتبار وزدناه انك تعيش افتراضيا بوجهين (ممكن اكثر) وجه براستوس الرقيق المحب للحياة والالوان والطبيعة المتذوق لكل ماهو جميل ووجه جني الناقم على الحياة (اعاقتو) والوضع والدنيا ولعباد"

الاستنتاج هاذا إذن يسقط في الماء ، لانّه مبني على مجرّد شكوك و هــلوسات

brastos a dit…

الجزء الثاني من الرد على عمروش


بالنسبة لتيتوف .. انت اكثر من مرّه تجبدو .. ياخي انت لسان حالو ؟؟؟؟ خلّيه على روحو .. المدونه محلوله للجميع .. اذا عندو ما يقول .. تو يجي .. ماعادش تجبدهولي .. خاطر انا مانحبّش نتعامل بمنطق بالمنطق القبلي و منطق الحوم.. هو يعرف روحو اش قال باش انا قتلو هكّاكه

و اذا يعاود يقول .. نقول اكثر من هكاكه .. خلّي بيني بينو .. انت خوذ مسافه من حكاية تيتوف .. الكلوف موش باهي

انا ارتيكيلي من اعزّ اصدقائي التدوينيين و الحقيقيين .. و وقت اللي مستوى النقاش بينو و بين طارق هبط لوطه .. ما مارستش الدّورة متاع الحومه و القبلية المتخلّفه

بالعكس .. كنت عنيف مع اللي مارسوها .. هاك اللي سمّيتهم نعاج

كيف كيف .. انت .. خلّي بيني و بين تيتوف

الخلاصه الاولى

اتهاماتك لي بالبيدوفيلي .. تسقط في الماء طالما انّها انبنت على مجرّد احتمالات قائمه على كلمة :"ممكن" ـ و طالما انّو يفتقد الى اثباتات مادية فعلية في باقي محتويات المدونه و توجّهها ، الشي اللي يعتبر مصدرك الوحيد اللي تعرفني بيه ، الا انّك تدّعي انّك تعرفني شخصيا ، الشي اللي ما ثمّاش منّو


قلت :
(فمة نساء علقو عندو وابدو استغرابهم

فينهم هالنسا اللي علّقو عندي و ابدو استغرابهم ؟؟؟ ما ثمّاش منها الحكايه ، ارجع للتعاليق اتو تلقى المراة الوحيدة من بين المعلقين هي اختنا ولاده ، و ما ابدتش حتّى استغراب

وينهم لخرين؟؟؟ موش قتلك ماعادش تحكي جزافا ؟؟؟؟ عود اعطي روابط و امثلة باش تكون محلّ ثقه .. سينون .. يولّي كلامك كلام فروخ

نحبّ توّ نجاوبك على تساؤلك المضحك هاذا : " وبالضبط بعد عقدين او اكثر من الزمن... هل فعلا براسطوس غاضو حال الطفلة اللي ولات تسرح جراء تعنت اهلها والا قعد منظر النهد الصغير للفتاة عالقا بذهنو طول هذه المدة؟ "


كيما قلت لخليل

العامين اللي درّست فيهم في الارياف .. كانو غنيين بالاحداث و بالحكايات بشكل انّي نحبّ نعاود توّه ندوّنهم .. بكل ما سمحتلي بيه الذاكرة

و هاو نعطيك علاش

انا وقتها كنت في الجامعه .. و الجامعه كيما تعرف (و ما نعرفش تعرف و الا لا) عالم اشبه ما يكون بالعالم الافتراضي .. يعني .. شعارات .. حماس .. اندفاع .. خصومات و تهويمات فكرية . ترف ايديولوجي .. و فجاة و من غير مقدّمات .. نلقى روحي في اسفل سافلي المجتمع (بالمعنى الطبقي موش بالمعنى الاخلاقي) ناس فعلا عايشة عيشق اقرب للحيوانات .. ناس تقعد من غير ما لمدة اكثر من يومين .. ناس عمرها لا شافت فانوس كهربائي .. ناس بعمرهم ما سمعى موسيقى صادرة على الة موسيقية .. ناس بعمرهم ما حدّ صوّرهم تصويرة فوتوغرافية و ورّاهالهم

كيفاش ما تحبّنيش نعيش في وسط هالعالم الجديد بكل تفاصيلو و بكل دقائقو و بكل انفعالاتو .. هاذا بعض ما يفسّر انغماسي الكبير في العالم هاذاكه

ثمّ انّي موثّق كل شي بالتصاور و بالصوتيات .. ياخي ماريتش في الحلقات الاولى متاع السلسلة كيفاش انا مصوّر التلامذه محتفلين بنتهاء العام
و ما سمعتش صوت تلميذي سابقا/استاذ الانقليزية حاليا .. وهم يلقي في انشوده

ياخي ما تراش؟؟؟ ما تسمعش ؟؟؟ .. شنوّة مفعول و جدوى التصاور و التسجيلات غير انّها تقوّي الذاكرة و تنشّطها تثبّتها كيما تقول العبارة التقليدية (رغم اني نكرهها) ناقوس يدق في عالم النسيان ؟؟؟

الخلاصه الثانية

اعتمادك على انّو تذكّري تلك التفاصيل يدلّ على ميولي البيدوفيلية يسقط في الما ، لانّها الاشياء موثّقه عندي .. بالصوت و الصورة

brastos a dit…

الجزء الثالث من الرد على عمروش

نجي توّ لحكاية الخط .. و ما ادراك من حصّة الخطّ

لعلمك يا سي عمروش انّي انا كنت درّست عامين كمعلّم فرنسية .. ما درّستش بالعربي

و عام 1989 كانت اللغه الفرنسية يبدا تدريسها في السنه الثالثة

رغم انّو كلامك من انّو التلميذ يمتلك اصول الخطّ منذ الروضه و التحضيري غالط .. و غالط ياسر وهاو علاش

اولا

انا نقلّك ثور و انت تقلّي نحلبوه
انا نقلّك تلامذه عايشين بلا ضو و بلا ما و في بيوت متاع طوب و مهدّدين بنّم يلتهمهم الذّيب .. و انت تقلّي قراو الخطّ في الروضه ؟؟؟؟؟؟؟ .. آما روضه علينا ياولدي
!!!!!!!

ثانيا

الكتيبه ماهيش فقط عملية فيزسولوجية ميكانيكيه .. الكتيبه عملية عصبية بالاساس .. هاذاكه علاش تلقي اطفال ما ينجّموش يكتبو الا وقت يعضّو على لساناتهم .. و فمّه شكون تكبر معاهم الحكاية .. فمّه شكون ما ياخذ راحتو في الكتيبة الا وقت اللي يميّل الكراسة كومبلاتمون .. و الا يميّل راسو .. هاذي الكل دلائل على انّها الكتيبه عملية عصبية بالاساس .. على خاطر الامثلة اللي سمّيتهملك .. متاع ناس يبحثو على نوع من التوازن العصبي باش يكتبو مرتاحين .. واحد يلقاه في تخريج لسانو و احد في تعويج الكراسه .. و...و...و
و بما انّو الجهاز العصبي مازال ما اكتملش نضجو .. و بما انّها الكتيبه مرتبطه عضويا بالجهاز العصبي .. فانّو التدريب على الخط يلزم يرافق الاصفال في كامل مراحل الابتدائي

ماله علاش لتوّة تلقى مادة الخط حتّى للخامسة ابتدائي .. و للسادسة .. خاصة في الفرنسية .. لانّهم بداو يقراو فيها امّخّر

في التدوينه الجاية باش ننشر صور من كراسات الخط متاع تلامذتي في العام هاذاكه .. و انت تفرّج فيهم و احكم وحدك هل انّها حالات كيما هاذيكه تستدعي تدخّل المعلّم و الا لا

الخلاصة الثالثة

اعتمادك على انّو موش معقول ندرّس فيهم في الخط بالشكل هاذاكه ، كدليل على البيدوفيلي متاعي يسقط في الما .. على خاطر الخط الفرنسي و اشكالو و ارتفاعاتو و اتّجاهاتو .. كانت حاجه جديده عليهم وقتها .. و كانّهم يتعلّمو في الخط لاوّل مرّه

انا نتصوّر اذا انت توّه تبدا تتعلّم الخط الصيني و الا الياباني .. يلزم المعلّم يمسكك من يدّك و يعاونك على اداء تلك الحركات .. فقط لانّها جديده عليك

نقول معلّم .. ذكر .. هههه ... موش معلّمه .. خاصة بالنسبه ليك انت

WALLADA a dit…

براسطوس

يظهرلي فهمتني بالغالط و مضطرّة للتوضيح
أنا ما عنيتش تدوينتك أنت بالحملة ضدّ حملة الاستغفار

أنا قلت أنّه المشكل و الخلاف الكلّ اندلع من نهار الّي البيغ و زبراط و معاهم جماعة أخرين عملو حملة في الفايسبوك ضدّ حملة الاستغفار ، بدا الصراع معاهم هوما و من بعد انتقل بصفة غريبة و سريعة لتدوينتك أنت " ثرثرة معلّم قديم " الّي ماهاش جديدة

هذا الّي قصدته

ثمّ إنّي في تعليقي عرّجت على الأسلوب الأدبي الّي انتهجته في تدوينتك و مازال لتعليقي بقيّة فقط حبّيت نجزّءه باش ما نطوّلش

brastos a dit…

ولاده

انا الفايسبوك ما يمكنليش ندخلّو لانّو
inaccessible
في المؤسسة اللي نشتغل فيها

و بالعربي ما عنديش انترنات في الدار .. و ما نحبّش المراكز العمومية للانترنات .. تنرفزني

و لذلك .. انا مغيّب عمّا يحدث فيه

و محرج من برشه اصدقاء يمكن قاعدين يراسلو فيّ و مانيش قاعد نجاوب فيهم

و حتى الحملة متاع ضد الاستغفار .. سمعت بيها بالصّدفه .. موش عن طريق دخولي للفايسبوك .. بدليل انّي مانيش منتمي للمجموعه هاذيكه

ماعدا هذا .. مرحبا بيك ديمه

خليّل a dit…

السلام عليكم

على عكس ما ممكن يعتقد عمروش أنا مانيش فرد توجه سياسي أو فكري مع براستوس الا انو فما توافق في بعض الكتابات متاعو أما هذا ما يمنعش الي فما اختلاف واضح و صريح في الفكر الديني لأنوا أنا انسان نؤمن بالله و رسوله و هذي في حد ذاته توضح مدى الاختلاف

براستوس حر في اختياراتوا و في توجهوا أنا ندعيلوا بالهداية كيفوا كيف جميع الناس.

على المستوى السياسي أنا لاني معارض و لاني تجمعي أنا خبزيست يعني من النوع أخطا راسي و اضرب، السياسة مسخة ياسر و تتبدل مع تحالفات و تنازلات و غدر و ما خفي كان أعظم هكا علاش نحب نبعد قدر الامكان عليها.

نرجع للتدوينة هذي مركز النقاش الي داير حاليا

أنا ماقريتش هل التدوينة من قبل و اذا كان ريتها من قبل راهو يا برستوس باش تلقى نفس التعليق كيف ما قتلك القراءة تتبدل من شخص لآخر.

وشكرا على الدعوة متاعك.

3amrouch a dit…

اجابة على السؤال هي بنعم وبدات اول خوة ديجا الي هي التوثيق عند عدل منفذ مبدائيا ونواصل كيف نروح لتونس الاجراءت المتبقية مايخفاكش انو الامور التقنية تتم على عين المكان كاثبات النص هذ صا رومن بعد تحديد الاي بي من عند المشغل وتحديد المقر وزيد في حالتك الامر ساهل لانو ماهوش الي بي شخصي ولا خاص ولكن متع شركة (مؤسسة حكومية) ساهل برشة معرفة العنوان
ارتكازك على امكانية ميولي اللاشعورية للاطفال ، واهية لانّها مجرّد امكانية ، لابدّ لمختصين نفسانيين إثباتها ، موش انت
لم اقل عكس ذلك انا عليا فقط الاذن على عريضة تقديم المطلب التحقق من صفة الطالب والمطلوب تماما كيمة قضية بن يوسف مع الصحافي الحمروني ومن بعد اهل الاختصاص هوما الي باش يثبتو الامر اوينفيوه انا بحكم البينة على مننادعى نقدم اش عندو ونشوفو
بالنسبة لخليل
استشهادي بيك كان فقط لانك محايد ومعندكش اختلاف لا فكري ولا سياسي مع براسطوس بمعنى انك ماكش بالضرورة تكون متفق معاه
لانو في حالتي اي كلمة نقولها باش يقلك الاصل هو اختلافنا الفكري انا وياه واني نتلكش عليه لكن انت ماكش داخل في العجة هاذي الي يحب بالسيف يحطها تحت سقف تهمة كيدية
فهمتني

WALLADA a dit…

عمروش

بالنسبة للحياد ، يظهرلي أنت أكثر واحد تعرفني قدّاش كنت ديما محايدة في خلافات قدم صارو و نقول الحقّ حتّى إذا تعلّق الأمر بأفراد عايلتي و أنت فاهمني يعني زايد باش تذكّرني بالحياد على خاطر من البداية قلت إنّي صديقة الجميع و ما ندمت على صداقة حتّى حدّ فيكم


نواصل تعليقي
أوّلا لاحظو أنّ الّي علّقو على التدوينة وقت صدرت في تاريخها كلّهم علّقو على الأسلوب في السرد و الوصف و حتّى واحد منهم ما تعرّض للمقاصد الّي شافها قطّوس ولا شكونه ، زعمة هذا الكلّ الّي قراو التدوينة كيفي أنا كيف الدوعاجي و غيرنا ما نشمّه شيء ؟ و قطّوس بركة هو الّي يفهمها و هي طايرة و يقرا بين السطور ؟

ثمّ إذا باش نحاسبو المدوّنين على الّي يكتبوه ، هات عاد نجبدو القديم متاع الناس الكلّ مانا نحبّو على الحياد ، أتوّا نعملو مسح للّي تكتب في تن بلوغ طيلة عامين والا ثلاثة و نفليوه بالكلمة و نحاسبو النّاس على نواياهم و أحاسيسهم و ذكرياتهم و ميولاتهم السياسيّة و حتّى الّي ما فطنش بيه عمّار نقدّموه له على طبق و نخدمو أحنا علماء نفس و قضاة و بوليسيّة و نقّاد في الأدب و كلّ شيء

ثمّ لو كان جات النيّة طيّبة و حتّى كان ما تجمعكش صداقة بصاحب التدوينة ، يكفي أنّك تغير على أيّ مدوّن تونسي ، كان ينجّم إلّي لاحظ حاجة و إلاّ ظهرله مقصد غير عادي في تدوينة تناقش صاحبها راس راس و تعبّرله على استغرابك و إلاّ استهجانك للّي كتبه موش نرقدو قدّاش من شهر و بمجرّد ما قطّوس يكتب تدوينة فجّة كلّها تجريح و فضاضة نقومو نساندوه من غير ما نثبّته من مولى المول
و انت بالذات عمروش أرزن من هذا ببرشة و قدّاش عمناول عرضتك صراعات مع عاشور عمرك ما انخرطت فيها بها الحماس و هالتحامل هذا ، كنت حتّى كيف تردّ عليه تردّ بتدوينة متعقّلة و إلاّ بصورة و عمرك ما تبّعت راي غيرك فيه

و هوني ندخل في جزء اللّوم

سبق و قلت إلّي المشكل بدا بحملة رفعها عدد من المدوّنين في الفايسبوك / يفدلكو بيها على حدّ تعبيرهم / في مقابل حملة الاستغفار . و كتبو مدوّنات ضدّ الطابور تدوينة في نقدهم و التشهير بيهم بالإسم و ردّو هوما زادة و من بعد قام قطّوس يشهّر ببراستوس و لا يزال وسانده كلندو بالتدوين في حين ضد الجماعة الأولانين كلندو إكتفى بتدوينة بدون تعليق نشر فيها صورة قطيع من الحمير . هوني نتساءل شبيكم ما تواجهوش البيغ و ستوبور و زبراط و أنتيكور بل هناك حتّى فتيات في الحملة و البعض منهم أصحابكم فهل الحملة فيها براستوس بركة ؟؟؟

من ناحية أخرى ماهو غايضنا حال التعليم و التليمذات الصّغار ؟ شبيه حتّى حدّ ما تحرّك وقت الّي مدوّن صديق كتب قال اليوم بنتي روّحتلي مالمدرسة و في خدّها علامات صوابع المعلّمة من الكفّ الّي عطاتهولها ؟ شبينا ما عملناش صفحة في الفايسبوك ندّدو فيها بالعنف الجسدي داخل الأقسام ؟
شبينا كيف وقعت غلطة في مناظرة الحساب في امتحان السنة السّادسة مشاو ضحّيتها آلاف من صغيراتنا ، حتّى حدّ ما تحرّك و لا عمل صفحة في الفايسبوك نطالبو فيها وزارة التربية بردع المخالفين و مراجعة مقاييس الإصلاح ؟

بأمانة و بحياد و بكامل الصراحة و الألم أنا نرى أنّه تمّ الكيل بمكيالين و ما عندي حتّى شيء لا مع براستوس و لا ضدّ عمروش و لا كلندو و لا غيرهم الكلّ أصحابي و نعتزّ بصداقتهم و تعنيلي برشة و يؤسفني إنّي نراهم يتشتّتو و يختلفو و يتفرّقو في فترة حرجة ن تاريخ بلادنا أحنا فيها في أمسّ الحاجة للتكتّل

و انت عمروش جرّبت الحجب من أجل آرائك و جرّبت حتّى التهديد في بعض قروبات الفايسبوك و تعرف مرارة الإدانة من أجل أفكارك ، فما بالك ببراستوس إلّي كتب لوحة فنيّة و حاول فيها أنّه يغوص في عذابات النفس البشريّة من خلال صبيّة في وسط ريفي للأسف البعض قراها و فهمها و أوّلها بطريقته و حمّلها أكثر ملّي تحتمل

و لهذا أنا نخاطب عمروش الّي جرّب الدّنيا و تعامل معاها بنضج و حكمة أنّه يحكّم عقله و يطرح الخلافات جانبا و انا عندي الثقة في رجاحة تفكيرك

brastos a dit…

عمروش

علاش بعجاله

؟؟؟؟!!!!!

شبيها العجالة ما استعملتهاش وقت اللي تشهّر بيّ زورا و بهتانا في الفايسبوك ؟؟؟

و قتها ما فمّاش عجاله ؟؟؟؟ وقتها فمّه توسيع بال ؟؟ و تنميق عناوين بودورو .. ؟؟؟

خطر .. عاجل .. و تفاهات من قاموس صحف العامري و الجريدي

توّ كي حاصرتك بالاسئلة و بالادلّه و بالتفاصيل و بالحجج ولّيت تحبّ تحكي بعجاله؟؟؟

اعطيني حجة مقابل حجة

ارجع للنقاط نقطه نقطه .. بيّنلي خطأ كل وحدة فيهم ، بحجج اقوى و بأدلّه اقوى


انا مانيش باش نعتبر ردّك ردّ جدّي .. لانّك ما جاوبتني على حتّى نقطة من النقاط اللي اوردتهالك بالتفصيل.

و نقولها و نعاودها قدّام اللي قاعدين توّة يسمعو و يتبّعو .. بالكلام و بالمشاركه .. او بصمت : يا إمّا تجاوبني على نقاطي نقطه نقطه .. و تعطي حجج دامغه و لا لبس فيها .. و بالشهود . و الوثائق ، و الصور على التهمه اللي وجّهتهالي .. يا إمّا تولّي القضيّة تتقلب عليك

التسلسل الزمني اللي عطيتو غالط
ما يبداش من غادي

اهوّه منين يبدا

يبدا من فيفري/مارس

وقت اللي انا انّاقش فيك في افكارك و مشروعك و انت تتهكّم على هواياتي متاع الرّسم و باعثلي تدوينه فيها صورة ابيض و اسود و طلبت منّي انّي نلوّنها

هاذاكه ردّك على اللي يخالفك افكارك سي الشباب

من وقتها انا غادرت التدوين .. مارجعت كان في جوان

رجعت لمدوّنة قصائد الحرية ، و حاولت نثريها بقصائد جديدة .. و من بينها قصيدة لن يمرّوا متاع شاعر صديقي اسمو عبد الجبار العش .. و هي قصيدة قديمه بعيده كل البعد عمّا بيننا من خلاف

فما راعني الا و انك تتدخّل لتحكي لي عن السلامه المرورية .. و الفول و الكمّون في اشارة لانّني اعاقر الخمر


شنوّة علاقتة تعليقك هاذاكه متاع السلامه المرورية و الفول و الكمّون .. بالقصيده هاذيكه

ريتو الترتيب الزمني منين يبدا عزيّز ؟؟؟؟؟

اكرر و اقول

لم تجبني

ثمّ اين اصدقاؤك الذين ارهقهم النباح من بعيد .. ككل الجبناء .. براستوس بيدوفيل .. براستوس بيدوفيل

وينهم ... ؟؟؟ شبيهم ما يجيوش هنا و يحكيو ؟؟؟؟ ... ويني الشجاعه و المواجهة و الدفاع على المواقف و الافكار و اثبات الاتهامات

تي وينو الكلندو ؟؟؟ تي وينو قطّوسك ؟؟؟ تإيجاو يا لولاد اثبتو عليّ التهمه .. ما تخافوش ..مانسحّتكمش ..؟؟ شبيكم متخبّين

وينهم بغايا اذهانهنّ .. اللي ما خلاّوش خرية من خريات الطّمبرو ما صوّتوش عليها ؟؟؟

وينهم عاد .. يعرفو كان يصوّتو ؟؟؟ هكّاكه بالسّكات ؟؟؟

يا ملّا حال ... يا ملّا حال .....

انا نستنّى في هالنّهار الذي باش تحكّ فيه بلاصه ما كلاتكش يا عمروش ..

نستنّى فيه بالدقيقه و الدّرج

اخر حاجة نقولهالك
انت مطالب بحاجتين

1- اجابتي على نقاطي نقطه نقطه

و الا

2- الاعتذار

3amrouch a dit…
Ce commentaire a été supprimé par l'auteur.
jaccuze a dit…

Ce que je ne comprends pas:

Pourquoi insiste-t-on a se justifier devant une personne qu'on aie accusee de pedophilie!

facon de s'auto-accuser?

brastos a dit…

شنوّة عمروش .. يظهرلي بديت تتنرفز

ميش حكاية حزّ باجية و حوم
انا نّادي في العباد اللي تهمةني بالاتهام هاذا باش يأكّدو التهمه و الا ينفيوها

على خاطر اللي خرّج من فمّو قاذورة .. يتحمّل مسؤوليتها

و نزيد نوجّه دعوة لكلّ اللي شاركو في اطلاق هالتّهمه انّهم يجيو و يدافعو على ارواحهم

ما يخبّيووش روسهم

خاطر توّ وين صحّ الصحيح

خلينا نفضّوها بكل هدوء .. و من غير عرك

كل واحد متورّط في توجيه تهمة البيدوفيلي ليّ مطالب بالقدوم الى هنا .. و توضيح ذلك .. و الادلاء بشهادته .. ههه

و الا .. سيصبح من حقي اعتبار ذلك هروبا

مما ينفي التهمة عنّي

و يسقط دعواك الثضائية في مياه مجرده

غدا نلتقي.. ظروف الوقت لا تسمح لي بالبقاء اكثر من هكّه

الى اللقاء

لم ينته النقاش

MeTaLLisTiC a dit…

@amrouch
معناها انتي من التعليق الكل ما ريت منو كان السطر هذاكة اللي انا قلت فيه "تدوينة في جوان و تحيرت في اوت" ؟ رغم اني موش انا الوحيد اللي عاود حكى عليها الفازة...
بون هاذي حاجة متوقعة منك ديجا المشكل لهنا انكم نسيتو تدوينة كاملة على شنوة تحكي و كبشتو كان في الاسطر اللي تحكي على الطفلة...

و بالنسبة للاله براستوس انا اول ما ريت الاسم هذا كي دخلت للبلوغسفير ديراكت لوجت على اسمو و اسم بوه و علاش جابوه... نفس الشي عملتو كي ريت مثلا اسم "ولادة" رغم اني نعرفها من قبل لكن حبيت نزيد نعرف اكثر تفاصيل عليها ..
و هاذي هواية قديمة عندي نمارسها كل ما نرى كلمة او اسم نجهل / نسيت معناه او بعض منه

و انا كي قريت كلمة "صديقي ارفيوس" فهمت شنوة يقصد بيها... سينون نبعثلو رسالة الكترونية و نستفسرو عليها.. مانيش باش نحشم منو انا...
لكن انا حكيت على كيفاش واحد ينجم يأول الكلمة هاذيكة بطريقة منحرفة كيف ما تم تأويل وصف تطورات جسد محبوبة

و بالنسبة للاستفزاز اللي تحكي عليه و اللي ما يليقش بالحوار ، نذكرك انو التعليقات تخضع لترتيب عمودي من الاعلى الى الاسفل ، يعني تنجم تشوف شكون اللي بدى بيه الاستفزاز اللي ما يليقش...
و انا جاوبتك هكاكة و حرصت اني نكون معاك "لطيف شوية" و نفهمك انو اي واحد ينجم يقول الكلام المرزي و ماهوش صعيب برشة خاصة مع نوع معين متاع عباد..

ملاحظة صغيرة : واللهي الواحد ولّى حاشم كي يكتب تعاليق هكة ردًا على عباد هكة.. خاصة كي يقرى تعاليق الاخت ولادة و كذلك الاخ خليل... طبعا بغض النظر عن ردود براستوس
...

لاعب النرد a dit…

مرحبا
1- قلت سابقا أن نصوصك السردية خاصة تظهر قدرتك الكبيرة على التقاط التفاصيل،على الانتباه الى ما لا يستطيع القارئ العادي رؤيته و رصده و لكن حين يقرأ النص سيقول حتما: تماما، هذا ما حصل أو هكذا تسير الامور، فكيف لم انتبه لهذا الامر من قبل...؟" تقول مثلا ، في هذه التدوينة:"لكن الفيضانات .. و الخصوبة ..و الربيع المربّع .. ما اكتفاش بالارض و الـفـْلاحة و الحشيش .. بل تعدّاه الى جسم "محبوبه" ...و خصّبها .. و كوّرها .. و قولبها قبل وقتها ." و تقول في موضع اخر:"محبوبه كانت تنتابها حالات من الخدر وقت اللي نقترب منها باش نفهّمها السؤال و الا نصلّحلها التمرين والا نشدّلها يدّها (كيما كنت نعمل معاهم الكل) باش نحسّسّها بحركات القلم في حصّة الخطّ .."
الاسوياء يسمون هذا الامر موهبة و
ابداعا ...ـ
كنت أشرت في تعليقي السابق الى " الركن الانسانية" و سأوضح هذه النقطة تحديدا:ان تتناول الاجتماعي ( المشاكل التي يعانيها أطفال المدارس ـ الفتيات خاصةـ في اريافنا شبه الاقطاعية التي ترزح تحت ثقل التقاليد و الاعراف و لكن من الزاوية التي تقف فيها محبوبة ، وترى منها العالم...و ان تنقل بعينها و بحواسها ما يحيط بها هو ما صنع تفرد هذا النص و تميزه.. الانساني ليس فبي الموضوع فحسب بل في الطريقة.في ان تنتبه الى الذاتي الى الحميم في سياق تناول الهم الاجنماعي..
2-ثمة أمر أعتقد اننا جميعا متورطون فيه وهو الايمان بغد أفضل لا تسود فيه اخلاق العبيد...و علينا ان ندفع الضريبة... يا أخي جئنا الى الحياة بشرا، لا أنصاف الهة و لا حميرا او قطط...جئنا بشرا و علينا ان نتحمل مسؤولية هذا الامر و بفخر...سنحتفي دائما بالبشري و علينا ان ندفع الضريبة.
3-قراءة نص أدبي بأدوات من خارج الحقل و بنية مبية هو عادة عمل بوليسي أخرق ... كان يفترض اذن ان يكون جوابك هو التجاهل التام رغم ان عملا من هذا النوع قد يجعلك تشعر في أعماقك بقرف عام و عارم من العباد و البلاد... اش تحب تعمل ؟
الصبر و برة.

3amrouch a dit…

براستوس
باش مايكونش فمة مايعرف بحوار الطرشان والعصفور يغني وجناحو يرد عليه مذابيك تجيب جماعة لا ناقة لهم ولا جمل يشهدولك بصفاء قريرتك ونقاوة ذهنك من الخبث والخبائث خاطر لحد توة كان انت قاعد تحكي
وكعبة ونص
beni oui oui et de cire-pompes et
انا باش نستشير الجماعة الي بعثولي ايميل ولا علقو على النص ونحط ملاحظاتهم هوني
ووتوة تلاحظ انهم خارج نطاق التن بلوق ومعندهم حتى توجه لا فكري ولا عقائدي معين ورغم ذلك ابداو استهجانهم واستنكارهم للامر
اهوكة عندك ثلاثة ايام شوف شكون يشهد معاك ولقائنا الاسبوع القادم

3amrouch a dit…

انت بديت جملتك بكلمة : "ممكن" .. و هاذا فقط كافي باش يضعّف حجّتك
هوني حبيت نفسرلك فرضية انك تكون ماكش فايق بروحك يعني في حالة انك تعتبر نفسك انسان سوي وعاقل وماعندكش شذوذ ،وزيد فكرة ممكن هاذي فكرة خليل الي عبر عليها وان تجاوبت معاه
رايي كيما سبق وقتلك (علاش تحبني نعاود كل مرة؟)
انامتاكد الف في المئة من شذوذك لانو لا احد سوي ويدعي خلوه من الشذوذ ويوصف جسد فتاة بتلك الصورة الدقيقة الي تحس من ورائها نشوة خفية متنساش انك تحكي على الثمانينات وفي الوقت هذاكة مفماش تلفاز بكثرة، لا توجد نساء سافرات وفي بيئتك القاحلة معندكش اختلاط بالجنس الاخر وماتسمع بيه كان سمعان وزيد وقتها تلقاك مزلت شاب يافع وعازب واكيد عندك رغبات صعب ترجمتها على ارض الواقع فالشيء هذا يخليك تستمتع بلمس فتاة ولا حتى طفل صغير تماما كيما ممكن ملمس ملابس داخلية يخليك في قمة النشوة ولذا حكاية "ممكن " هاذي مردودة عليك عاود اقرى التعاليق اللي لفوق وشوف وقتاش طلعت حكاية الممكن والربما ؟
لرقة طفل والا لملمس جلد طفل صغير
لهنا نقلك وليت تخلوض
لانو الناس الكل تعرف انو بشرة الرضيع والطفل الصغير هي من الطف مافمة وهذا علاش يستعملو الوصف برشة في الاشهار متع الصابون ولا يقلك .......

هاذي حاجة معروفة وزيد انت تحدثت على اماكن معينة ودقيقة في جسم الفتاة
شوية جدية عيشك ...فقط شوية جدية ماتبداش تتبهلل
يعني شكوك .. احتمالات .. ما عندكش ما يأكّدها
انا قلت انا متاكد من ذلك لكن رايي يبقى مجرد راي خاص وشخصي وانت بيدك في تعليق لفوق قلت لازم اهل الاختصاص يعطيو رايهم
شوف كيف واحد دارو تتسرق اش يقلولو في المركز؟
في اشكون تشك؟ ولا شكون تتوقعو يعملها؟ وهذا يسهل فيما بعد البحث
هوني كيفاش يتم الامر
انسان قرا نص لمعلم
النص لقى فيه حاجة غير طبيعية
يوثقو ويعمل فيه عريضة ويجيبو فني مختص ويعمل تقرير بعد التحري وبعد التثبت الخ
من بعد القاضي يحكم حسب التقرير
يعني متظنش انك خاطر عندك تسجيل ولا خاطر مدونتك مافيهاش توجه معين باش اكاهو بريئ لا والاغرب ولى يطالب باعتذار مااوسع بالك
قضيّة الجنّي .. و اتهامي بانّي انا هو و هو انا؟
من المستحسن تنساه الامر خاطر موش في صالحك ولا اكذب اكذب لين تصدق نفسك ويصدقوك
بالكش جدت عليك الحكاية انو جني موجود؟
انا الي غايضني اكثر في الامر هو تعاطفي معاه
كنت اول من تعاطف معاه وبعثتلك كيفاش تحط غناية في مدونة وشجعتك وجيت علقت عندك وتلهيت بيه ولاحظ انو رابط الي يحيل لمدونتي عند هو من الاؤائل
هككة قلبي حنين ههههه نعطف ونسخف فيسع
امى الله غالب على مراد الله وهذا السبب وقتلي وقع الامر مشنعتش بيك وماشهرتش بيك بالعكس فؤجئت نهارتها
دهشت وسكتت قل مايلزك على المر
لكن امام تعنتك عاودت جبدت الامر من جديد
شوف قداش عندك من انتحال شخصية
براستو س
جني بوبالة
اناهو الجديد بالكل
تيتو
فري ار
وماخفي اعظم
هاذي نقطة بالذات ماتعودش ترجعلها
الاستنتاج هاذا إذن يسقط في الماء ، لانّه مبني على مجرّد شكوك و هــلوسات
ماهوش هلوسات وتتذكر مليح كيفاش جني تحدث بلسانك وقتها
بالنسبة لتيتوف .. انت اكثر من مرّه تجبدو .. ياخي انت لسان حالو ؟
نجبد فيه كمثال فقط
الشي اللي يعتبر مصدرك الوحيد اللي تعرفني بيه ، الا انّك تدّعي انّك تعرفني شخصيا ، الشي اللي ما ثمّاش منّو
ماقلتش شخصيا
قلت عندي بعض المعلومات الي جمعتها من هوني ومن غادي من عند بعض الي تثرثر معاهم وكيما يهزولك يجيبولي
كيما الصور متاعك لي حطيتهم اول ماحليت مدونتك ومن بعد نحيتهم
لذا قلت عندي وجه واسم وشخصية الي نحكي معاه
(فمة نساء علقو عندو وابدو استغرابهم

فينهم هالنسا اللي علّقو عندي و ابدو استغرابهم ؟؟؟ ما ثمّاش منها الحكايه ، ارجع للتعاليق اتو تلقى المراة الوحيدة من بين المعلقين هي اختنا ولاده ، و ما ابدتش حتّى استغراب

وينهم لخرين؟؟؟ موش قتلك ماعادش تحكي جزافا ؟؟؟؟ عود اعطي روابط و امثلة باش تكون محلّ ثقه .. سينون .. يولّي كلامك كلام فروخ
جاوبتك وقتلك في الفايس بوك وهاني بانتظار موافقتهم
اسف لازم نخرج توة توة نرجعلك
شد يدك توة نرجعلك
وجيب شوية شهود محايديين موش من اصحابك كيما باش نعمل انشاألله

3amrouch a dit…

ah oui
j'accuse
:)
maritouch hekkka
9oulou i3wed yekteb
mouch watha7 ech 9all
:)
بوضوح
الكعبة ونص موش تعبير مجازي
هو هاك الكعبة لاعب ومعاه النص الحديدي
كعيبة ونصيف
باش ماتبداش تقلي هاك خفت
سلم عليهم
:)

brastos a dit…

تهاك جيت فيسع .. موش قلت ملتقانا الاسبوع القادم ؟؟؟؟؟ شنيّه هالفوضى

انا فرحان بمرتكزاتك الجديدة .. لانّها اشنع و اضعف من الاولى

يقول عمروش للتدليل على امكانية تحرّشي بالتلاميذ بسبب ما كنت نعيش فيه من كبت
يقول :
متنساش انك تحكي على الثمانينات وفي الوقت هذاكة مفماش تلفاز بكثرة، لا توجد نساء سافرات وفي بيئتك القاحلة معندكش اختلاط بالجنس الاخر وماتسمع بيه كان سمعان وزيد وقتها تلقاك مزلت شاب يافع وعازب واكيد عندك رغبات صعب ترجمتها على ارض الواقع فالشيء هذا يخليك تستمتع بلمس فتاة ولا حتى طفل صغير تماما كيما ممكن ملمس ملابس داخلية يخليك في قمة النشوة

و انا اقول
اولا
بالنسبة للتلفاز .. كان والدي من الاوائل الذين اشتروا تلفازا .. كارتاج بالخشب البنّي على اجنابها ، و تتحلّ بالمحوّل الكهربائي .(اللي هو مستقل على الشاشه) .و نبقاو نستنّو مدّة لا تقلّ عن دقيقتين باش يوصل الضو للشاشه و تبدا التلفزة تخدم
و ذلك سنة في النصف الثاني من الستينات ، يعني قبل ما نتولد انا  يعني انا مثلا انّجّم نحكيلك على التلفزة وقت اللي تحلّ ساعتين و تسكّر ..
امّي تراكي
كمّوشه
الحاج كلوف
فيلم الفجر .. فيلم مصباح الجربوع
فضلا عمّا كانت التلفزة تعرضو من افلام مصرية فيها برشه راقصات .. يعني يا سي عمروش انا ملّي حليت عيني نلقى عندنا تلفزة
و نزيدك زياده
و نتذكر انّو الجاره المقرّبه هي اللي تبعثني ليها الوالده و تقلّي امش لخالتك فلانه قلّها قاتلك امّي ايجا تفرّج شويّه على التلفزة
هاذا اللي من جيلي ينجّمو يأكّدوهولك
مذيعات الربط : نبيهة بن صميده
وحيده بلحاج
عفيفه بن عاشور ( ابنة الفاضل بن عاشور)
فرحة شعب (عيد ميلاد بورقيبة بالجينيريك متاع غناية عبد الحليم حافظ : يا مولعين بالسهر)
سهريات محمد الجموسي الشعرية الغنائية .. مع نعمه و صفوة
البرنامج البوليسي : محكمه و بعد
مسلسلات وقتها عملت ضجّه في تونس خاطر مازالت فال :" انّي راحله" (ليلى حماده و ما ادراك) و الوساده الخالية (صفاء ابو السعود في عزّها)
ريت كيفاش انا عكس ما تدّعيه انت ، عيني محلوله تلفزيا ملّي صغير

خلاصه 1 : حجة انعدام التلفزة مردوده عليك ، و عليه استنتاجك بانّو كبتي اللي ناتج على انّي محروم من التلفزة في ذلك الوقت خلاني نتحرّش بالتلامذه .. تسقط في مياه نهر مجرده كما سقطت سابقاتها من الحجج


نواصلو

يقول عمروش:

"وزيد انت تحدثت على اماكن معينة ودقيقة في جسم الفتاة"


تعود لتلوك لوبانة السرد و الوصف الدقيق لجسد الفتاة .. و اللي ما ناصرك حدّ فيها ، و الكلّهم حطّوها في سياقها الاسلوبي
كلمة : كوّرها .. يعني بالفرنسويّه : ولّات عندها
Les rondeurs
يعني اختلف جسدها عن جسد الطفله
الاطفال : ذكور ام اناث .. كيف كيف
الفتة في المراهقة : تتكوّر( يبرز نهداها) و تعراض من لوطه استعدادا لاحتضان الجنين داخلها
الولد في الراهقة : عضلاتو تتفتل و يعراض من فوق

هاذي حقائق فيزيولوجية ، و هاذا المقصود بكلمة : كوّرها

بالطبيعه ، اذا تمشي تشكي بيّ للحاكم بتهمة انّي قلت : كوّرها

يضحكو عليك انت



المأزق اللي احنا بصددو هنا ، هوّ انّو هالفتاة هاذي ، وقعّلها هاذا الكل ، باكرا ..قبل وقتو .. و هالوصف هاذا ، مهما كانت الدقّه متاعو ، انا كنت حطّيتو في سياق تراجيدي .. حزين .. فيه مرارة و صراع و الم داخلي و غموض نفسي و تذبذب .. مما ينفي ايّة نيّه شبقيّه من هذا الوصف

(بربّي ما عادش تقعد في بلاصه وحده .. ما تعاودش تلوك الشوينقومه متاع الوصف الدقيق ، و الا كي تحبّ تعاود تلوكها ، لوكها على الجنب لاخر متاع الماشوار متاعك .. معناها اوكها في مستواها الاسلوبي ، على خاطر مستواها الاخلاقي الشبقي طاح في الما من البارح ، و كيما قتلك : كلمة "مسكينة " و معاها كلمة "الشهوة ""اللعينه"" كافية باش تعطي الطابع التراجيدي للوصف و تنفي عليه الطابع الشبقي )

خلاصه 2 رغم انها مكرورة و معاده : حجة الوصف الدقيق تسثط في مياه مجردة .. لانّ لها ما يبرّرها في السياق الاسلوبي و الدرامي للـ"أقصوصه" إن جاز لنا تسميتها كذلك

نواصلو

حكاية الجنّي

كيما قتلك .. ظروفو الصحّية توّ ما تسمحلسش باش نقول حتى كلمه في الموضوع هاذا .. اما انا ننصحك باش ما عادش تجبدها الحكاية .. خاطر باش تكون اوّل من سيفاجأ مفاجآت غير سارة

المهم ربّي يشفيه

المهم .. ما تندمش على تعاطفك معاه .. و سيأتيك بالاخبار ما انت جاهل

brastos a dit…

@ عمروش

شنيّه هاللوغه متاع "كعيبه" و "نصيّف" و و آآه .. وي .. جاكييز .. ماريتوش هاكّا .. تحقير و تصغير

!!!!!

اش قالولك هوما ؟؟؟

هاذي لوغة واحد يحبّ يناقش ؟؟؟ و رافع
قضيّه

؟؟؟؟؟

بالنسبة لجاكييز .. قلّو انت يعاودلك و قلّو راني ما فهمتش ..

رغم انّو في الكلمتين لي قالهم هوّ لخّص بيهم كل شي

لا عاد عمروش
ماك ناقشهم واحد واحد .. و نقطه نقطه .. خير ملّي تبدا تتمقعر عليهم هكّه
صحيح انّو ملامح الانهيار بدات تبان عليك .. اما انا ماذابيّ ما تنهارش توّ .. مازال حاجتي بيك

brastos a dit…

عمروش

اهوكه على خاطرك .. زدت هبّطت تدوينه مفلفلة

التدوينه اسمها : دعوة الى إقبال الغربي و آخرين

http://kahaw.blogspot.com/2009/08/blog-post.html

وجّهت فيها دعوات للناس الكل باش تجي .. بما فيهم السيدة إقبال الغربي

بربّي يا عمروش تعمل عليّ مزيّه مادام انا الفايسبوك عندي
inaccessible
بحكم ظروف العمل

بلّغلها انت الدعوة هاذيكه .. مادام هي صديقتك (فايسبوكيّا) و ابعثلها رابط التدوينه و مرحبا بيها

شكرا

;)

ferrrrr a dit…

اهلا براستوس، انا ما علقتشي وقتها على التدوينة متاعك الي صايرة عليها الحكاية، اما قريتها، و عاودت قريتها اليوم، تعرف براستوس، كان فم حاجة غايبة من الناحية السردية الادبية البحتة راهي الاطناب في وصف جسم البطلة او شخصية التلميذة ان شئت، وين شافو اطناب؟ بالعكس، عندي انا انت مريت مرّ عجول على الجانب الجسدي للبنت و حكيت اكثر على الجانب النفسي و الاجتماعي... و يا جماعة راهو النص الادبي ما هوش ديما اعترافات و الا مذكرات، و كل واحد يقرا كيما يحب يقرا، الكتابة فيها كل شي و كل واحد يشوف فيها الي يحب/ينجم/ من مصلحتو/ يلزمو يشوفو

eddou3aji a dit…

تدوينة هايلة و حلوّة ياسر و ما ريتش فيها حتّى مشكلة و حتّى كي ثبّتت مليح باقي حلوّة و نظيفة ههههه يظهرلي الحكاية حكاية تصفية حسابات و برّا لذا زايد تقنع فيهم على خاطر أولا هوما يلزم يلقاولك حكاية يكبّشو فيها وثانيا ماكش متهم بحتّى شي هوما إلّي متهمين بالقذف و الثلب هذا في صورة عندك وسع بال باش تشكي بيهم أمّا نتصورك عندك حاجات أهم تعملهم هههههه

brastos a dit…

فررررر

بالطبيعه الحكاية من اصلها فاضية .. الرّاجل كي طيّحتلو الحجج متاعو الكل في الما .. قالّي انت في الثمانينات ما عندكمش تلفزة .. و بالتالي .. ماكش تشوف في النسا .. و بالتالي .. تعاني من الكبت .. و بالتالي تتحرّش بالاطفال

انا راني مانيش قاعد ندافع على روحي

الحثالات ما تحسّسنيش بالذّنب باش ندافع .. تعرف علاش كبّشت فيها .. ؟؟ باش نبيّن حاجات اخرى .. متخفّية ورا ستار الدين و الاسلام و الاخلاق السمحه متاع الكذب متاع الطايفه لولى متاعهم جدّ اصلهم

هاكه باش حاجتي

و وصلت للي حاجتي بيه

كيما ترر .. الحجج ولاّت قايمه على شكون عندو تلفزة و شكون ماعندوش

ولخرين روسهم تحت الزّاورة

و مانيش مسيّبهم

انا لانواع هاذي نعمل عليها كيف

مرّات كي نشيخ عهلى واحد منهم .. خيرلي من زوز بيرة

(استغفر باخوس العظيم ) ههههههه

brastos a dit…

اهلا دوعاجي
كيما تعرف
اقدم و اخيب و اقذر اسلوب لمواجهة الخصوم الفكريين .. هو اسلوب المس من اخلاقهم و من حياتهم الشخصية

انا غايضني العمروش خاطرو تورّط بكل غباء ( و هاو يسمع فيّ) في قاذورة خرج بيها هاك فرخ الزبابل/صبيّ العوالم

الفرخ انسحب من الحكاية .. و هو وحل فيها .. و بالطبيعه انا مانيش باش نرحمو كيف يقلّي لا راني موش انا اللي قلتها لولاني

راني مخيبني كي نكبّش

اقعد تفرّج .. مازال عندك ما باش تسمع راو

ههههههه

Big Trap Boy a dit…

في الحقيقة لازم الواحد يكون جاهل (ماهوش عيب) جهلا كبيرا بالأدب وبالقانون باش يحكي على بيدوفيليا أو على ممارسات يمنعها القانون في التدوينة هاذي

أتمنّى أن يكون الدافع وراء الحكاية البيدونة إلّي قامت حول التدوينة هاذي هو مجرّد "بونتوات" وتصفية حسابات، على خاطر الجهل بالأمور هاذي ومحاولة الخوض في أمور نجهلوها كيما عملوا برشة من ناس أخيب برشة من سوء النيّة ونحن نعيش في أواخر سنة 2009

Big Trap Boy a dit…

على فكرة أنا ما قريتش التدوينة هاذي قبل وكانت لي مناسبة باش نقراها، وحبيت نأكّدلك أنّها تدوينة رائعة ولا فائدة في جدال من يحرمهم مستواهم المتواضع من فهمها أو قراءتها قراءة سليمة

الجهل مصيبة

ههههه

3amrouch a dit…

الاحظ دخول اطراف جديدة في هذا الحوار العقيم
اطراف اكن لها الاحترام ولم يسبق لاحدنا تجاوز حدوده مع الاخر بمشاركة كانت اكثر من رائعة بكل معنى الكلمة ولكن .. ااااخ من لكن هذي للاسف انجرفو وراء شعارات واهية
شكرا لهم على النصيحة و
وبدوري اتوجه لهم بنصيحة ان يفتحوا القاموس و شوف معنى الكلمة .
Impartialité
حاجة للأسف نحتاج المزيد منها.

هاني آثرت أن أحفظ على لساني
وزيد نذكر انو موضة رفع الامر للعدالة وتقديم شكاية هوما الي خرجوها مؤاخرا

خليّل a dit…

السلام عليكم

أولا نعتذر عن تأخري في الرد نظرا لأني في اجازة و اليوم رجعت لبيتي.

الحكاية طالت و تفرّعت

نعم الوصف الدقيق لجسد الفتاة موجود و نكره محاولة لرش الملح على الأعين هناك قصد من وراء هذا الوصف.

الإشكال هو عمر الفتاة
كان "و كلمت كان نكرهها" من المستطاع وصف ألطف من الذي استعملته لأنو الفتاة في عمر الزهور و بالتالي فانوا من الملائم استخدام عبارات لعمر كهذا.

علاش ديما نحبوا نغطيو الشمس بالغربال
الموضوع واضح و ما فيهش لبس

القضية الآن هل أنوا هذا الوصف هو ناتج عن ابراز و مبالغة نصية و الأدبية في هذي الحالة الاشكال يلغى تماما و ينصب في خانة الابداع الأدبي

أو أن الوصف ينصب في حالة نفسية غيبية من الممكن أن يعيشها الكاتب تعكس كبتا جنسيا و شذوذا نحو الأطفال

هنا مربط الفرس و هذا هو لب النقاش.

الهروب نحو تصفية حسابات بين هذا و ذاك يجعل الردود رتيبة و يبعده عن دائرة النقاش.

brastos a dit…

اهلا بيغ

فعلا .. هي حكاية بونتوات بلا ادنى شكّ .. و هاذاكه علاش انا بيني و بينك كبّشت .. حبيت نبيّن اللي احنا مازلنا لتوّة في هاك المستوى القديييييييم متاع إلصاق تهم اخلاقية بيدونه بخصومنا الفكريين
.. و هاذاكه علاش احنا في اسفل سافلين

brastos a dit…

اهلا خليل

الوصف كيما فمّه شكون شافو دقيق .. كيما فمّه شكون شافو عادي

كل حدّ و مرجعيتو الثقافية و كل حدّ و نوعية النظارات اللي حاططهم على عينيه


اما ، هل انّو هالوصف ، وحتى لو فرضنا انّو دقيق هل هو مرادف لممارسة التحرش بالاطفال ؟؟؟
مما يشجّع على اطلاق التهمه
ام لا؟

انا نرى اللي السؤال هاذا اهم

،

زاده هل الوصف ينجّم يكون ركن من اركان جريمه و الا جناية البيدوفيلي
؟؟؟

هاذيّة الاسئلة الاهمّ هنا

Anonyme a dit…

اكتشف الان هذه المدونه الرائعة
و استغرب هذه القراءة السطحية لها
ليس في هذا النص ما يشير الى البيدوفيلي
و ان كان الامر كذلك فماذا تسمّون هذا اذن

http://www.facebook.com/video/video.php?v=106721332704787&oid=148624229235&comments