lundi 2 juin 2008

اخر الاخبار حول ما يجري في معتمدية فريانه

كنت عطيت المعلومه هاذي حو ل بعض المظاهر الاحتجاجية في معتمدية فريانه من ولاية القصرين
اكد بعض الشهود اللي هالمنطقة تشهد مظاهرات احتجاجية كبيرة ... و ثمّه اشكون وصفها بالـ "عنيفه"...ـ
وثمّه برشه روايات تدور حو ل إ نتحار شاب في نفس المدينه بعد مقابله ليه ، هو ومجموعة من الشباب العاطلين، مع المعتمد طالبو فيها بانّو يعاونو على ايجاد شغل .. على خاطر الطرق الكلّ تسكّرت قـدّامو .. و انّها الموت أريَـحلو من اللي عايش فيه من بطالة و فقر..سي المعتمد جاوبو هكـّه : مّالــه برّا اقتل روحك.. انا ما عندي ما نعملّك

اكثر رواية انتشارا تقول اللي الشاب الهالك هاذا كتب وصيّة اعتذر فيها من والديه و اصحابو .. و اكّد فيها اللي مقابلة المعتمد الاخيرة و الطريقة المهينه اللي كلّمو بيها .. هي السبب ورا انتحارو

و ثمّـه زادا حديــث على تعزيزات" امنية" كبيرة من المناطق المجاوره في اتجاهها لمدينة فريانة
و من الجهة المقابلة .. ياقع الترويج لمعلومه .. او لرواية اخرى حول مقتل هالشاب .. و مفادها انّو مات على اثر تصفية حسابات !! بينو و بين شخص اخر كان معاه في ايطاليا ..!! متورط مع شبكة مخدرات .. !!و قام بقتل القتيل خوفا من انّو يفضحو .. بما انّو كان معاه في ايطاليا
باهي!!ـ
و هالقاتل اللي قتل شخص في قلب المدينه.. و في وضح النهار !!!.. وينو ؟؟ـ
؟؟؟؟؟
قالّك هرب
!!!!!!!!!
امّا شــدّوه
!!!!!!!
امّا ما تـْــشـــدّش في فريانه
!!!!!
تـْــشـَدّ في ... زغوان
!!!!
زعمه مازالو ينجّمو يـَــخـْـلْــطو عليه باش يربطو في ذيلو خيط
؟؟؟!!!!


7 commentaires:

Da7dou7a a dit…

C'est vraiment navrant!!! Chay mo2sef walah!! Fin méchin?? :s Ana kénik 3liya madhabiya touniss lkolha thij, lkolna nhijou...Faméchi mat7erkilhom cha3ra elhmoum ejjemda lo5rin wy7essou bel 3béd ch3aycha!!

يرحم بوك a dit…


يا دحدوحة توّ هوما ماهم طالبين كان باش العباد الكل تهج ثماش ما يكملوا يبيعوها ما دام جماعة البترودولار ما زال هابلين بالدزة

يا ربي ملاّ إعلام و ملاّ تلفزة وطنية و ملا بلاد الطرنني أما قاعدين قاعدين على قلوبهم

أرابيـكا a dit…

وين تهج دحدوحة وتخلى المدينة خالية باش يقيمو فيها الآذان شنوة توة هاو برنامج بكل وضوح البرنامج الشامل جابلنا سي الوزير وقالك حمل الجماعة ريش هههههههههه انظن باش تتحل المشاكل شوية صبر بركه :))
براستوس

مالقاو حتى بلاصة أخرى يشدو فيها القاتل كان زغوان؟؟؟؟ ما أقواهم

Da7dou7a a dit…

ya jme3a mafhemtounich!! 9olt thiiiiiiiiij min haja yhijou mouch thej.. thij ya3ni ta3mel thawra te9leb eddenya!!

Anonyme a dit…

منين باش تشدّها ياالعرف
و يقولو عام جفاف هذا عام خير و بركة و ثورة
romdhane

mandela a dit…

swite des affrontement a feriana atef zeyri sauvagement agressé et blessé gravement a la tete pour le contacter:97357865

titof a dit…

السلام عليكم
نتصور هشام موش لول و السيد هذا موش موش لخر
و حتى الطفلة الي حكيتلك عليها عمرها ثلاثة شهور اما معنديش ادلة
الحكاية ماشية نحو طريق مسدود و ربي يحسن العاقبة
شكرا لشجاعتك و يعطيك الصحة هاي المواضيع الي لازم نحكيو فيها