mardi 17 juin 2008

الحكم على شباب فريانه بسنه سجنا ... مع قصيده قديمه

إعـــــــلام
تمّ اليوم بالمحكمة الابتدائية بالقصرين الحكم على مجموعة شباب فريانه بسنة سجنا...بتهمة "الاعتداء على أربعة
موظفين اثناء أداءهم لواجبهم" ..على كل موظّف ثلاثه اشهر .. و نحبّ نذكّر هنا بملابسات و اسباب و دوافع هالـ : "إعتداء"ـ
*********
قصيــده قديـــمه
القصيده هاذي كتبها احد اصدقائي(في الدنيا موش في الآخرة...الآخره بمعنى العالم الافتراضي :)) اثناء مرورو بفترة بطاله قاسيه برشه .. و اليوم تقابلنا و حكينا على شويّة ماضي ...بما فيه تلمذه .. و شغب...وبرشه حاضر ...بما فيه من "شغب" زاده .. و ذكّرتو في قصيدتـــو هاذي.. اللي وقتها انتشرت برشه .. في أوساط معيّنه بالطبيعه .. و خذات صدى باهي في نفوس كلّ اللي لقو ارواحهم ... و الا لقوا حتّى شويّه منهم فيها ..كي ذكّرتو فيها .. عاود قراهالي .. بصعوبه في التذكّر .. لكن بنستالجي كبيره .. ايّه ولّيت اقترحت عليه انّنا ندوّنوها هنا ..علما و انّو وقت اللي كتبها كان ولد 20 و الا 21 سنه
القصيده عنولنها : بــطـّــال
ملاحظه : القاف الحمرا تتقرا بثلاثة نقاط فوقها
***
ب . ط . ا . ل
الــبـاء : بـاركْ زْمـَــنـّــَا.. بَـايـِــرْ.. و بـَـايـِـنْ بْـلاهْ
الطـّاء : طالت مـحـَــنّـَــا .. و طوفان طوّحْ طـحـَــاهْ
ألــيـف : آلاف نــــحـــنـــا .. أليـــف أحــــمر مـنــَاهْ
والــّلام : لا للـغْــبــيــنـَـه .. لا للــدّ ْ رَكْ ِو لْ وْرَاه
ِ***
بــطــــــــّال راس الــْـغَـــرَايـبْ
امـْـكـــدّر.. امـْــكــدّر.. و ذايـبْ
لبعـيــــــد ْ .. ترمـي بـْـضيـّــكْ
يــــرْجـَعْ مـْــكـَـســّــر وخــايبْ
***
بطـّـــــــال انت اللـّــوحَـهْ
لـُـوحـِـــــــــةْ حاكم ظلـــمْ
بـطــّـــال انــت اللـّــوحَـه
لوحةْ غـــــــيـــظ انـْــكـتمْ
بطـّال قــطرتْ جـروحــَــهْ
دمـْــــــعـات حمْــرا وْ دَمْ
***
يا شــيخْ .. و انت صــغـــَـيـّرْ
يا شــــــِـيــخْ .. عمْــُرو وْرَاهْْ
امـْــكـبـّــل.. دايم .. مـــحيـّــرْ
مـَــحـْـســُــــورْ.. قـلّ رْجـَـــاه
يا شــيخ .. ويــني احـْـــلامـك.. ؟ـ
آهـــــــــــــــــين ... آه... وْ ... آهْ
ويــــــنو الكـــلام الْ قـلــتـُــو.. ؟؟ـ
ويـنو الــبــنـَـا اللي رسمــْــتو..؟؟؟ـ
وينو الأمل اللي ف بالك درْتـُـــو.. ؟؟ـ
و يــنو الجـّــبل اللي بـْـغــيت اعـْلاه..؟؟..ـ
آهـــين ... آه .. و .. آه
آهــين... نار خـْــبـِـتْ
آهين... دمعه جـْــرتْ
آهـــين .. أزمه طوّلت و قـْـــوِتْ
منصف. ق

6 commentaires:

mandela a dit…

4 militants min feriana da5lou fi greve de le faim min nhar etleth m3a nos nhar fi itti7ad echoghl
abd el khale9 lhermessi.fethi la3bidi;atef zeiri;taher sa3dewi
pour contacter les grevistes appeler abidi fethi:97750675

abunadem a dit…

حلوة القصيدة نابعة من احساس حقيقي تستاهل تكون ملزومة البطال

Anonyme a dit…

بلادي الرّدَيِّفْ يابْلاد الفسفاط
نَخدِمْ عالخُبزِ الحَامِي والكِسْوَه والصّبَّاط
وِالبَيْ جَازَاني بالسُّوط والزّلاّط

brastos a dit…

@ abounadhem
اكيد كنت نتوقّع منك تعليق .. لانّك من المهتمين الجادين و الجدّيين بها المدرسه الشعرية .. اللي . بصراحه .. نحسد كل من يتقنها

مرحبا
:)

brastos a dit…

@ jaccuZe

c'est tres emouvant

brastos a dit…

@ mandela

que vive la lumiere