mardi 17 février 2009

عـــلاش لا

لو كان الاموال اللي تصرفت و قاعدة تتصرف و باش تتصرف على
ـ- الحروب .. و الصناعات العسكرية .. و التكنولوجيا الحربية
ـ- بذخ و مجون و فانتازمات أمراء و ملوك الخليج

ـ- الاحتفالات السنوية للحكام المستبدّين بذكرى تولّيهم السلطة في البلدان المتخلفة

ـ- بناء القصور و المنتجعات الخاصة متاع أغنى أغنياء العالم

ـ- إنشاء مؤسسات الاستخبارات التجسس

ـ- قنوات التكفير و نشر التعصب الديني و الطائفي وقنوات الكليبات و البورنو

ـ- ميزانية الحملات الانتخابية متاع الجمهوري و الديمقراطي في امريكا ، وفي كل البلدان اللي فيها تطاحن متاع احزاب من غير ديمقراطية فعلية

ـ- تجارة المخدرات و السلاح و الجنس

ـ- الاعياد : كبيرها و صغيرها و مولدها ، الحج و رمضان .. خاصة الفقراء اللي يتسلّفو ثمن الملسوقة و الدّقلة و المعدنوس

ـ- ميزانية قناة تونس 7 الكلّــها .. بتجهيزاتها و أجور موظّفيها و عمّالها و منشّطيها خاصة علاء الشابي

ـ- الميزانيات اللي تتصب بعنوان تجميل المدن ، اللي يبنوا بيها نصب تذكارية في رومبوانات المدن اللي زادوها بشاعة على بشاعة ، إي كـُـومبري المبالغ اللي سرقوها رؤساء بلدياتنا عبر تاريخنا المجيد باش يصيّفوا بيها في المدن الجميلة بالحق

ـ- عائدات الصفقات اللي يعقدوها سماسرة الحكم في بلدان الجنوب المتخلفة قصد دفن النفايات الكيميائية في صحاريها

ـ- الفلوس اللي تصرفت على القمم العربية وكل الفطورات العشاوات متاع الجلسات التمهيدية و الافتتاحية و الختامية ، و تساكر الطيّارة متاع التساكر... نقصد الوفود المشاركة

ـ- ميزانية وزارات الداخلية و اجهزة البوليس في الانظمة الاستبدادية ، مع إضافة ميزانية وزارات الدفاع و الثقافة في بلدان الخليج

اه … زعمه نسيت اهمّ حاجة

ـ- ميزانيات احزاب المعارضة في تونس


الفلايس هاذي الكل ياقع تخصيصها

ـ- للأبحاث العلمية و التكنولوجية موش بهدف تقوية الترسانات العسكرية و انما ، القضاء على الامراض المستعصية(سرطان ، أيدز ...)ـ

ـ- العمل على الحد من التلوّث الكيمياوي المتسبب في العديد من هالامراض
ـ- لمحاربة الجهل في الارياف و البلدان المتخلفة .. بناء المدارس .. تمكين كل الاطفال من حقّ التعليم و الحياة الكريمه ، باش ما يدفعهمش الفقر الى مواخير و مستنقعات تجارة و سياحة الجنس الجنوب شرق آسيوية

ـ- لتمويل حملات عالمية للقضاء على البطالة في العالم ، عبر مراجعة مواقيت العمل، و ايجاد التوازن بين العمل اليدوي و العمل الفكري

ـ- لتحقيق أمن غذائي لجميع الناس

ـ- لإنشاء مؤسسات إعلامية و ثقافية و و فنية تحترم كرامة الذات الانسانية و لا تمتهن جسد المرأة و جسد الرجل على حد السواء لاغراض تجارية حقيرة
ـ لــ .....ـ
ـ لـ ... ـ
ـ لـ ... ـ
...............................


13 commentaires:

Carpe Diem a dit…

"..et le budget des partis de l'opposition tunisienne"

Bien envoyé:)

brastos a dit…

ahla :)

ça devrait etre en premier lieu !

ces peluches que l'on se sert lors des élections .. ensuite on les renferme

:)

L'AsNumberOne a dit…

يا براستوس شبيييك؟؟؟ راهو القنوات الدّينيّة هي اللي هداتنا للثنيّة الصحيحة.....

brastos a dit…

ههههههه
ما تنساش باش تقرا بحسابي (كيما قال فرررر يذكرو بالخير) في شوي هذايه
:)

brastos a dit…

هدايه

ART.ticuler a dit…

قبل ما تسكر الحساب زيد معاهم 80 مليون يورو يمشيو في ساعة زمن (من 11 ليلا إلى نصف ليل) فوشيك و صواريخ ومفرقعات للاحتفال براس السنة
أحسب وحدك قداش يجيو فلوس تونسية وقداش من مشكل ينجمو يحلوها ..

bent 3ayla a dit…

حطيت صبعك ع الجرح، و الله! ااااه لو، لو لو...
اما اش تعمل بالغباء الانساني و محدودية الفكر

لو ها الفليسات حطوهم بش يحسنو وضعية العباد، ماعادش حاشتهم بفلوس البروباقندا و المسرحيات الديمقراطية.

brastos a dit…

الحساب راهو محلول .. ديمه خاطر البشرية عمّال تهبل اكثر

brastos a dit…

bent 3ayla
هي حاجات بسيطه .. اما الواحد كيف يركّز معاها .. يهبل

لاعب النرد a dit…

"...
و القمح اللي قاعد يتحرق و الناس اللي قاعدة تموت بالجوع.. ـ
هذيكة طبيعة الرأسمالية.
في النهاية الانسانية مازالت ما وصلتش لسن الرشد أما باش يجيها نهار و تفيق على روحها كان ما انقرضتش قبل

abu arabi a dit…

وبخصوصى فلوس الحج ورمضان...فكرة هايلة تستاهل كاس فودكا

brastos a dit…

@ لاعب النرد
الهموم الكل في استحواذ اقلية جشعة على ثروات و مصادر الفلوس في العالم .. مقابل اغلبية محتحتة

brastos a dit…

ابو العربي
يظهر فيك خلواظ .. ما يتشربش معاك