samedi 21 février 2009

طلب إلى مدوّنة "ضدّ الطابور" ـ

الى المشرفات على مدونة " النضال ضد الطابور الخامس"ـ
قبل كلّ شيء ، اوّ ان اعبّر لكنّ عن امتناني و شكري للثقة التي من خلالها اعتبرتـنـّني صديقا أو شقيقا ، و لكن و رغم ذلك ، و نظرا للاعتبارات التالية
اولا ، لانني، و بصفة شخصية .. ذاتية .. مزاجية .. نفسية ... اسعى في الحياة كما في الانترنات ان ابني علاقات انسانية متوازنة هادئة غير متوترة .. حتى و ان تضمّنت الصراعات و الاختلافات
ثانيا ، باعتبار الصداقة التي تجمعني ببعض الذين تم تصنيفهم كأغبياء و حمقى ..و بعض الذين تم تصنيفهم ك"أشقاء"..أقول : بعض
ثالثا : باعتبار انّني كنت دائما اجنح للصراع المتحضّر الذي ينآى عن الانطباعات و الآراء الشخصية .. فالصراع الناضج هو الوحيد القادر على الوصول للنتائج المرجوّة
رابعا ، باعتبار انني ارفض النظر للاشياء لا من زاوية أحادية ولا شمولية ، إذ قد تتقاطع الرؤى و لكن من زوليا مختلفة بل متناقضة
خامسا ، باعتبار انني لا امثل سوى نفسي، و قلمي ، و تفكيري ، و ريشتي ، و الواني ، و اقلامي ، و اوتاري ، فأنني اشعر بالاختناق إن أنا وُضــِـعـْـتُ في قالب/إطار/مربّع
سادسا ، باعتبار انّ التأخير الحاصل في هذا الطلب هو نتيجة انّ الظرف الذي نشأت فيه المدونة كان يتضمّن محاور اعلى شأنا من خوض مثل هذه الخلافات الجانبية : اعتداءات صهيونية على اهالي في غزّه
سابعا : أؤكــّدعلى عدم التقائي المطلق مع بعض المصنفين كأصدقاء ، و عدم اختلافي المطلق مع بعض المصنفين كأغبياء
ثامنا : باعتبار رفضي المبدئي لتصنيف المدونين بصفاتهم الشخصية، أذ أنني و إن كنت مع تصنيف الافكار و الاتجاهات و التصورات و التدوينات فإنّني ضدّ تصنيف الذّوات و الاشخاص
و بناء على كلّ هذا ، فإنّني اتقدّم للمشرفين/المشرفات على مدونة "ضد الطابور" بكل لطف ان يقع حذفي من القائمات المنصوبة على يسارالمدونه ، او الاكتفاء بالاشارة الى مدوّنتي دون ادراجها تحت اية يافطة قد تكون سببا في حساسيات زائده نحن في غنى عنها
شكرا

10 commentaires:

Anonyme a dit…

و إن كان لي لا ناقة و لا جمل في هالخرَّافة و نظرا لصداقتنا القديمة يامَّا سامحني براستوس ما أوسع فالك و ما أعرض رحابة صدرك و تعليقي هذا خودو لا من باب اللي داخل بين الصفر و الل... أمَّا من باب المداعبة اللي أنا متأكد باش تاخذها بكل أريحية. ههههههه

ART.ticuler a dit…

البعض يعتقد انو كيف يعمل مدونة جاب الصيد من وذنو وهو في الحقيقة جاب الوذن وخلى الصيد ..بلاغات إلى الرأي العام وأسرة تحرير وتوزيع اختصاصات وتنسنيس و تبربيش ..وهو في ذلك مازال يتعامل مع الأنترنات بما قبل عصر الكتابة وإختراع الحرف.. حسنا فعلت برستوس !

brastos a dit…

اهلا ازواو
:)
لا لحم لظفري .. سوى لحمي انا
:)

Anonyme a dit…

ماو ساعة ساعة الواجد يبدا لحمه ياكل فيه، و هو كي تجي تشوف لحمك ياكلك خير من اللي ياكله حد آخر ههههه

brastos a dit…

art ticuler
اللازم لازم

brastos a dit…

هههه
بالفعل .. برشه صداقات جيّدة .. انا كنت شايخ معاها .. تمسّت في هالقربلّه متاع التصنيف
موش هكّه آرت ؟؟
موش هكّه ازواو ؟؟
;)

kacem a dit…

الطابور الخامس ...= حارة و كعبة ، موش أحسن الجملة هذه من حكاية الطابور ...حارة و كعبة إنشوفها أوريجينال أكثر ...و تونسية أكثر ...هذا أولا ...

و بصيفتي ما عاش مدّون ..توه عندي مدّة ..و إشوف و نقرى و نتقززّ في نفس الوقت ..قلت برى ...إنزيد على ما بيكم ...و إنزيد إنشعلها ..بالحاق باش يبقى كان الرّماد...

الحارة و كعبة ...دون ما إتصّنفهم الصّنافة ...معروفين و هوما راضين ..و فرحانين بالكتابة متاعهم ...و بمشاريعهم ...إذا إشنوه المشكل من التصّنيف ؟؟؟؟ إشنوه المشكل باش إتقول بالي على و إلا صالح ...ماشي في مشروع الحارة و كعبة !

إشنوه المشكل باش إتصنفو أرواحكم ..؟ ما إنجم إكون المدّون مع هاذوم و مع هاذزم في نفس الوقت ..و يستحيل ...و حتى علميــــا يا ألي تكتبو ...باش إتنجم ...تفهم و إتناليزي و تعمل السّنتاز ..لازمك إتمر بمرحلة الآيدونتيفيكاسيون ....حاجة ماهيش إيدونتيفي ...ما ينطبق عليها حتى قانون ..

لازمك إتوضحو ..أرواحكم أكثر و أكثر ...و تتصنفو أكثر و أكثر ...و إتكونو مجموعات مجموعات ..باش حتى السّتاتستيك أولي خداّم ...إشبيكم ضد العلم و التكنولوجيا ...

إشنية اللّوغة ...لا ما إتصّنفونيش ...؟ إنت مصّنف روحك بروحك ...ماشي في طريق إقول ...يا بابا و يا سيدي ..أنا مع جماعة الحارة و كعبة ...إشنوه المشكل إذا ...

أنا لاحضت أنو ..جماعة الحارة و كعبة ..خصرو المواجهة و خصرو المعركة الدّأئرة ..لأنهم سقطو بالضربة القاضية ...و ما نجموش إواجهو الجيهة الأخرى ..و إستعملو ..سلاح بدائي جدا ...و هي لغة النصف الآسفل للجسد....هنا إتبين بالواضح بالي جماعة حارة و كعبة ما إلعبوش لا جماعة الحارة ...و لا جماعة الكعبة ...

حظور ..جماعة الحارة و كعبة على الساحة التدوينية ..ظروري كالملح في الطعام ...إشنوه تدوين و سي علي أزواو سامنديل موش حاضر ؟ ..دون الشّطحات متاعو من اليمن السعيد ألي دوز عاصمة المدّونين ...أولى الفضاء التدويني التونسي ناقص كعبة.

إشنوه تدوين ...غير وجود الزّبراطة الكل !!! و على رأسهم الزّبراط ...ماهو باش نعطيه دور الكانيش في الفيلم الجديد ...ألي البطل متاعو ..الكبير سي علي أزواو سامنديل السعيدي ...

إشنوه تدوين ...و غيب عليه ...سرفار بن علي ..بيق تراب بوي ...هذا الدّور متاعو الجديد ..

شخصّية أخرى لازمها إتكون حاضرة كذلك ...سي عاشور ناجي ...مهّم جدا الولد هذاك ....بلا بيه زي ما إرقصناش ...هي تونس باش سيرك ...ماهو بقطعة كما هذاكه

هاذوم الحارة ...الي حاجتي بيهم ...و ناقصة الكعبة !!
الكعبة ..باش إتكون بنت عايلة ...و الله ما رقصتها العروس و لا طلعت في كـــــــــار ، كان ما إتكون بنت عاية في البلاصة الآولى ...

هذه إذا المقدّمة متع الفيلم الجديد....العنوان متاعو واضح ...حارة و كعبة ...

قاسم

Anonyme a dit…

lol kacem hakka ettassnif wella lawe7

Anonyme a dit…

ايا وينك..ا اشنوة قستشى الكليسيمى اليوما..طاحشى تحت لربعة...يا براستوس يا زعيم الفن...الهابط والاخلاق....الهابطة والمعنويات الطا...عفوا الهابطة...اشنية امورك...ديما تكذب عالعالم...علاش ما تورريش وجهك الحقانى...علاش مخبي اخلاق منحطة وقاعد تقابل لعباد بوجه ملائكى متاع فنانين فى البلوغسفير...حاول تكون اوريجينال اكثر..على السليقة كيما يقولوها..حتى لوقتاش باش تعيش بدوبل فاص...وللحديث بقية

Anonyme a dit…

el khamsa elli le7gou beljorra