mercredi 25 février 2009

النعجه ... ولـيــّـة العلــّوش

عندنا مثل يقول : النعجة تتفخّر بليّة العلّوش
يتقال في سياق ما نشهــَـده احيانا
من نصرة و ولاء الضعفاء
ما نقولش للاقوياء
خاطر المسائل نسبية
و انّما للي أقوى منهم
****
:)))

11 commentaires:

samsoum a dit…

مسكين اللي غاب علي البلوغوسفار النهارين اللي فاتو و رجع الآن و بدا بتدوينتك هههههههه

راهو ينشد في روحو و يقول شبيه براستوس و اش يحب يقول

:))


الواحد يلزموا هالايام الجاية ينقص من الخدمة و القعدان مع العايلة و حتي الكعبات بش ينجم يتابع الحوار او اللاحوار هذا ههه

brastos a dit…

ههههههه
انا بيدي كي تخيّلت روحي نقول هكّه من غير سياق
بديت نضحك
هههه

البرباش a dit…

ههههههه

ثمة مثل آخر براستوس، يقول

تتفوخر الفرطاسة بشعر مرت خوها

يظهرلي يوصّل لنفس المعنى، و اخطانا م النعاج و العلالش على خاطر ثمة شكون عندهم حساسية و رقة مفرطة تجاههم

kacem a dit…

الدكــــتور و الدّجاجة


هاهو علاش الدّجاج ما إنحبوش و نكره الريحة متع جد بوه ؟ توه الدّجاج عطاه ربي منقار باش ياكل و يشرب ، و لكن شيئ النافع ربي ..ما يستعملــــو كان في الفساد...تطلعشي نوارة في البلاد ! حتى متع قرعة ، الدّجاجة تمشيلها بالعــــــــــاني و شماتة في قاسم و تنقرها و إتفسّدها ...و قداش من نوارة إتهلكت في هاكي البـــلاد ...السّبب الوحيد متع خرابها ها الدّجاج الآسود ...كان النّوارة ما قصّهاش بن علي و ألا الطرابلسيّة ...راهي ماية في الماية باش يهلكها الدّجاج ...إيه ؟ أش نعملو أحنــــــــــــــــا التوانسة الي أغلب مكلتنا من الدّجاج ...نقطعوه جملة و إلا نشرو قرياج على كبر تونس ؟

حكاية القرياج هذه يستحيل ! أحنا هكــــّا و إنعيشو داخل صور من حديد ...بلاد مسركلها بن على و الطرابلسية بصور كي صور الصّين ..حتى من الآنترنات مقصوصة ..من داخل تونس ما إتشوف شيئ ...الصّور عالي ...و كان إنزيدو عليه قرياج ..إنموتو بالخنقة!!!

بلاد إتسيب عليها دجاج أسود و مريض و عندو منقار يا لطيف ...اللّطف ...حتى البنيّات ولات خايفة على عيوناتها ...تسومني متع دجاج ..ينقر في العباد و النّوار و النخّل و الشّجر و حتى من القطّوس ما فلتش ....بلاد باش يحكمها الدّجاج ..يا لطيف يا لطيف ...و يا عارنا على أروحنا ؟ التوانسة حــــــــــارو في الدّجاج و ما نجموش إقاوموه.

صاحبي المرحوم ، زهير اليحياوي ، هذاك النــّوارة الي نّورت في الرّبيع و طابت بكري و خلاّت زرّعتها في كل بلاصة ...في الأنترنات في الفايس بوك في الصّحافة في العالم كامل ...باش مات زهير اليحياوي ...سيبو عليه دجاجة كحلة ..جات حتى لتونزين ...و ماهو طيب ، ما فاقش و ما عطهاش قدر ...قال هذه دجاجة ما تعمل شيئ ...و لكن في الآخر قتلاتو بالآنفليـــــونزا...الله يرحمو و إسامحو.

صاحبي ..كيف كيف الدكتور منصف المرزوكي ..ما نجموش بن علي و ما نجموهيشي الطرابلسية ! كي رّوح لتونس سيّبــــو عليه الدجاج متع حمام سوسة ...شعرة لا مشى زيزي ...الرّاجل !!! و غنتم إتقولو الدّجاج ما أخوّفش ...لا الدّجاج سلاحو في فمّـــــو ...كالكلب حشاكم .!!!!

صاحبي قاضي القضاة ..مختار اليحياوي ..ألي يومنا هذا ..دارو مسركلة بالدّجاج الآسود ! و حتى من فوق الدّار ...ثمة صردوق وين إيجه حد للدّار يطلع يــــذّن و إفزّع بن علي و الطرابلسية !! راهي بلاد ولات محكومة من الدّجاج...إتكلّم دجاجة إترسيلك في عين عورة ...خير هو الواحد أولي عينـــــــــــتو بيضاء جملة.

توه عشرين سناء و لا طلعت نوارة في البلاد ...حتى من الياسمين ما سلمش ..دجاج قاعد يسكر فوق الصّور و الكمية ياسمين ...في الغابة نفسها ..ما ثماش نوار...أبدا في هاكي البلاد باش تقعد نوارة و إتفرّخ و أتجيب الزّريعة ...و إيزيد يكثر نوار البلاد.

دكتور نوارة ، قاري مليح ! أقري في الجامعة ! يحكي مليح ! الرّاجل معبى و عندو ما إقول و عندو ما يحكي ...و هابط للميدان بكل تواضع إنجمو إنقولو ...و يكتب بالدّارجة ...و رّبما إكون أول دكتور جامعي كتب بالدارجة و إنجم أوصل المعلومة ...إسيبت عليه دجاجة من تونس ، قالو ناقدة في السّنماء ؟؟؟؟ أنا باش نهبل ....حتى الدّجاج يفهم في السّنماء و النقد ...و هاكي الدّجاجة طيحت ذبانة في الدّكتــــــــــــور !!! علاش ؟؟؟ الدّجاج صنعتو الفساد أولا و أخيرا...ينقر كل شيئ !!! و شماتة في تونس و في أهلها ....شماتة في العباد.

أنا السنماء ما نفهمـــهاش أبدا !!! و لكن نكتب في نصوص تشبه للسنماء !!! ربّمّا تشبه لأفلام !! أما باش فيلم إتكون فيه البطلة دجاجة مــــــــازال ما إكتبتوش ...و لكن هاكوم تقرو فيهم ...إشنوه دواء الدّجاج ؟؟؟؟؟ نعملو دواء البرعوث ؟ نشري ذيب ؟ نشري ثعلب !!!! ما عاش ناكلو الدّجاج.؟

يا رب ..صّبرني مع الدّجاج

الدكتور مازال ما فاقش ...من النقرة الآولى ...و إتجي دجاجة أخرى ...إتزيد إتّكمل عليه !!! إتقول فنانة ..راقصة و مخرجة و نحاتة ...خدمتها الفـــساد و هاذا ما عندو من نقول !

الدّجاج هذا ..عندو حــــل واحد !!!! ها الدّجاج الي ما إمخلي حتى نوارة إطيب و إتعيش و إترّبي الريش ....عندو حل واحد عند قاسم .........إرّيش جد والديه الكلب ...إنخليه إعيش عريان ! على الآقل ما عاش يوصل ...للنوار العالي ..و إجوانحو تتقصص جملة.


قاسم قاسم

عاشور الناجي a dit…

و الله كنت باش نكتب موضوع بنفس العنوان حرفيا و كليمتين خفاف نظاف كيفك و يبدو لي أننا نقصدو نفس النعجة و نفس الليّة
:)))

ART.ticuler a dit…

"تتفوخر الفرطاسة بشعر مرت خوها" هههههه
منين يا برباش المثل هذا ؟هذا مثل من قعر الخابية.. هههها

3amrouch a dit…

اش باش نقلك ورغم اني نعرف انو التدوينة متخصنيش، عمري ماتفوخرت بحد(ممكن الوالد قبل) امى توة صعيب لكن هذا مايمنعش اني نفضل الف مرة نتفوخر بكوني صديق للدكتور طارق(اي نعم) خير من اني نفتخر بكوني قردي وكنت نتشعبط في شجرة وعندي عضلات كنت ندور بيهم في وذني
hhhh
sans rancune 3add

Majdoub a dit…

تحقرها لية العلوش؟

eddou3aji a dit…

Mouch ma 3anduch clavier 3arbi ma3andich clavier jemla :)) layyamette systeme sms ou d'ailleurs manich metmatta3 bel 3arka Kima yelzem:)) kima 9al 3ADel imam el 9ar3 lamma estawa 9al Lel 5iar ya islamouloubia :))

brastos a dit…

@ barbach
موش اخت راجلها زعمه ؟؟ هههه



@ kacem
:)



@ achour
may be



@ 3amrouch
qu'est ce que tu racontes? !




@ majdoub
لا
نحقر النعجة

brastos a dit…

@ dou3aji
هههههه
مانيش متمتّع بالعركه
:))
تهنّى .. ماهوش باش يوفى